Свет
(Видео) Демонстрантите во Бристол турнаа историска статуа и ја фрлија во пристаништето

Демонстрантите поддржувачи на движењето „Блек лајвс медр“ во Бристол ја срушија статуата на филантропот и пратеник Едвард Колстон и ја фрлија во пристаништето поради неговите врски со трговијата со робови, пренесува „Вашингтон пост“.
Едвард Колстон, кој живеел од 1636 до 1721 година, го користел своето богатство за финансирање прифатилишта за сиромашните, болници, училишта и другите хуманитарни институции во Бристол, Лондон и насекдаде во Британија.
Колстон заработил голем дел од своето богатство со трговија на овошје, ткаенини и вино. За жал, тој живеел во време кога ропството се сметало за легитимен бизнис не само во Европа туку и во Африка, а дел од своето богатство го заработи со трговијата на робови – особено додека бил член на одборот на Кралската африканска компанија од 1680 до 1692 година.
Затоа, Колстон стана омразен лик за левицата во последните години, а активистите во Бристол статуата и спомен-плочата на овој, како што вели историјата, мудар и виртуозен син на градот, ќе бидат отстранети од сите места и тој да се памети само како злобен човек.
Оваа долга кампања во неделата кулминира со уривање на неговата статуа од 19 век од страна на толпата, која наводно протестира поради смртта на Џорџ Флојд од другата страна на Атлантикот и покрај строгите мерки за борба против пандемијата на коронавирусот, со кои се забрануваат масовните собири.
Потоа толпата ритуално ја тепаа паднатата статуа, ја вандализираа со боја, ја одвлечкаа до пристаништето и симболично го удавија – додека полицијата гледаше без да интервенира.
Властите првично изгледаше како да се предадоа тотално на нелегалниот протест и на вандализмот, а надзорникот Енди Бенет го опиша Колстон како историска личност, која ѝ предизвикала на црнечката заедница многу маки, велејќи дека разбира зошто се случил вандализмот, за кој рече дека е многу симболичен.
„Донесовме тактичка одлука дека ако ги спречиме да го сторат делото, може да предизвикаме понатамошно нарушување и решивме дека е најбезбедно, во смисла на полициска тактика, да дозволиме тоа да се случи“, објасни тој.
Bristol Police not intervening in statue being pulled down ‘tactical decision’ as it risked ‘further disorder’.
So if you threaten a big enough disorder you can do what you want now?
— Michael Heaver (@Michael_Heaver) June 7, 2020
Официјалната изјава на градоначалникот на Бристол, Марвин Рис, беше еднакво лежерна, при што лабуристичкиот политичар рече:
„Ги повикувам сите да ги предизвикаат расизмот и нееднаквоста во секој агол на нашиот град и каде и да ги гледаме“.
Сепак, сега се чини дека ќе има истрага за уништувањето на статуата, можеби поради притисокот на владините министри, како Прити Пател и Кит Малтхаус, кои се незадоволни од вандализмот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Камења паѓаат, животни бегаат во водата: блогер објави видео во моментот на разорниот земјотрес

Додека разорниот земјотрес со магнитуда од 8,8 степени ја погоди Камчатка, туристот и блогер Иван Герасименко се најде на експедициски брод во непосредна близина на епицентарот. Според него, сè се случило ненадејно и драматично – масивни камења почнале да паѓаат од стрмните карпи, а животните реагирале во паника.
„Земјотресот ме затекна во близина на островот Парамушир додека пловевме по малиот остров Анциферов на експедициски бродови од типот Зодијак“, напиша Герасименко на социјалните мрежи, а објави и видео снимено во тој момент.
Според неговиот опис, масивните камења почнале да се кршат и да паѓаат во морето, предизвикувајќи општа паника кај екипажот, патниците, па дури и кај животните во областа.
„Камењата летаа со таков шум што дури и морските лавови скокнаа во водата и долго време кружеа околу Охотското Море од страв“, напиша тој, пренесува Dnevnik.hr.
Блогерот истакна дека сите патници биле потресени.
Епицентарот на земјотресот се наоѓал на околу 150 километри од местото каде што се наоѓал бродот во моментот на ударот.
Фото: принтскрин
Свет
„Мораме да ги натераме да се плашат од нас“: Макрон за трговскиот договор меѓу САД и ЕУ

Францускиот претседател Емануел Макрон денес изјави дека Европската Унија не успеала да го искористи својот огромен единствен пазар и доволно да ги исплаши САД за да прифатат подобар договор од оној постигнат во неделата.
„Мораме да ги натераме да се плашат од нас“, им рече Макрон на министрите на денешниот состанок, изјави француски функционер близок до претседателот за „Политико“.
Макрон беше забележливо тивок откако американскиот претседател Доналд Трамп и претседателката на Европската комисија, Урсула фон дер Лајен, постигнаа договор, според кој ЕУ ќе плаќа царини од 15 проценти за поголемиот дел од својот извоз во САД, анализира медиумот.
Денес, тој го критикуваше договорот, но со многу поблаг тон од премиерот Франсоа Баиру, кој рече дека тоа е „црн ден за Европа“.
Денес, претседателот на Франција истакна дека верува оти сè уште има време договорот да се подобри и рече: „приказната не е завршена, нема да застанеме тука“.
Францускиот министер за трговија Лоран Сен Мартен и министерот за Европа, Бенџамин Хадад, ја повикаа Европската комисија да престане да го користи таканаречениот инструмент против принуда, алатка дизајнирана да одговори на економскиот притисок што му дава на Брисел моќ да го ограничи пристапот на американските компании до јавни набавки, странски директни инвестиции и финансиски пазари во ЕУ.
Брисел, пак, ги обвини сите критичари дека одлучиле да „играат квотербек“ кога сè беше договорено и тврди дека овој договор е најдобриот што можеле да го добијат и дека претставува значително подобрување во однос на царините од 30 проценти со кои се закани администрацијата на Трамп.
Фото: принтскрин
Свет
Претседателката на Молдавија: Русија од есен сака да ја контролира нашата држава

Претседателката на Молдавија, Маја Санду денес ги прогласи корупцијата и нелегалното финансирање од Русија за најголема закана за парламентарните избори што се одржуваат на 28 септември во таа источноевропска земја.
„Руската Федерација сака да ја контролира Република Молдавија од есен па натаму и подготвува невидено влијание врз изборите во септември“, рече молдавската претседателка на прес-конференција во Кишињев.
Кремљ ги отфрли тврдењата дека Русија се мешала во изборниот процес на земјата со два и пол милиони жители.
„Најголемата опасност од руско влијание врз нашите внатрешни работи е тоа што претставува директна закана за националната безбедност, суверенитетот и европската иднина на нашата земја“, рече Санду.
Кишињев тврди дека Русија ќе дејствува преку поткуп на гласачи, кибернапади, платени протести и дезинформации. „Финансирање вредно околу 100 милиони евра е планирано само преку криптовалути“, рече Санду, без да даде докази за тврдењето.