Свет
(Видео) Десетмина повредени при напад во Манчестер
Најмалку десет лица се повредени при оружен напад во англискиот град Манчестер. Според агенциите, тие се хоспитализирани по пукањето кое што се случило во квартот Мос Сајд по полноќ.
Вооружени полицајци од станицата во Манчестер биле повикани да интервенираат во 2.30 часот во неделата и откриле дека неколку луѓе биле повредени. ,,Повредите се движеа од мали до големи, но повеќето не изгледаа како опасни по живот”, соопшти полицијата.
Ten people injured in a shooting in Moss Side, Manchester overnight – injuries range from minor to major pic.twitter.com/F2dTqjjVxL
— Zora Suleman (@ZoraSuleman) August 12, 2018
Инцидентот се случил неколку часа по завршувањето на Карипскиот карневал, кој се одржувал во квартот, поради што имало многу луѓе.
Полицијата се обидува да утврди каде точно се случил овој инцидент и кој е одговорен за таков опасен напад.
,,Се пребарува областа се пребарува и испитува, додека ние се обидуваме да разговараме со колку што е можно повеќе луѓе за да ги добиеме сите факти”, информираат од полицијата и додаваат:
,,Оние што живеат или ќе ја посетат областа сигурно ќе бидат загрижени од овој инцидент и ќе имаме дополнителни офицери кои патролираат низ областа во текот на утрото и во наредните денови”.
Снимки од последиците од инцидентот се појавија на социјалните мрежи, на кои може да се види како полицијата им помага на преплашените граѓани.
Several people have been injured after shots were fired in #MossSide earlier this morning. Extra officers will continue to patrol the area over the coming days. https://t.co/qzIQJzfKeX pic.twitter.com/I4CevWIlOo
— G M Police (@gmpolice) August 12, 2018
Полицијата соопшти дека распоредила ,,голем број” на вооружени и невооружени офицери во областа по инцидентот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уапсен уште еден осомничен за терористичкиот напад во Москва
Уште едно лице е уапсено во врска со терористичкиот напад на градското собрание Крокус во Москва на 22 март, соопшти денеска за „ТАСС“ портпаролот на полицијата.
„Уапсен е уште еден потенцијален осомничен во случајот со терористичкиот напад на Крокус. Инспекторите ја испитуваат неговата улога во тој напад“, изјави претставник на полицијата.
Полицијата уапсила државјанин на Таџикистан. Досега во врска со случајот се уапсени 11 лица, меѓу кои и четворица извршители на нападот.
Според последните податоци, во терористичкиот напад во концертната сала „Крокус сити хол“ во Москва загинале 145 лица.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.