Свет
(Видео) Детали за нападот во Хамбург: напаѓачот што уби седум лица бил поранешен член на Јеховините сведоци

Синоќа, во 21.15 часот силни полициски сили и голем број амбулантни возила беа испратени во Алстердорф пред зградата во која се наоѓаат Јеховините сведоци.
Таму нашле крвопролевање. По пристигнувањето на местото на настанот, специјалните сили и полициските службеници за итна помош влегле во зградата и слушнале истрел. Се претпоставува дека напаѓачот се самоубил.
Потоа наишле на мртви и ранети, кои почнале да ги вадат од зградата.
Според досегашните информации, загинале седум лица, а најмалку осум се ранети, а некои се во многу тешка состојба. Според информациите на германските медиуми, едно лице починало во болница.
„Имаше пукање на последниот кат и таму беше пронајдено мртво лице. Претпоставуваме дека тоа е сторителот“, изјави Холгер Верен од полицијата во Хамбург за германскиот портал t-online.de. Сè уште не е јасно дали навистина се работи за сторителот.
Според информациите од безбедносните кругови, полицијата во Хамбург ги квалификувала престрелките како варварски изолиран чин. Заднината на пукањето или мотивот сè уште се нејасни.
Кој е напаѓачот?
Неговиот идентитет сè уште не е објавен. Полицијата најави прес-конференција напладне за да открие повеќе информации.
Германските медиуми јавуваат дека напаѓачот наводно е поранешен член на заедницата на Јеховините сведоци и има меѓу 30 и 40 години.
Тој убивал луѓе со пиштол за кој сè уште не се знае дали го поседувал легално. Досега не ѝ бил познат на полицијата.
Покрај големиот број полицајци на местото на настанот, над зградата прелета и хеликоптер.
„Во четири наврати слушнав истрели. Помеѓу истрелите имаше од 20-ина секунди до една минута молчење. Погледнав низ прозорецот и видов едно лице како избезумено трча од приземјето кон првиот кат на зградата на Јеховините сведоци. Подоцна видов дека полицајците вадат луѓе на улицата“, вели студентот, кој живее во зградата спроти.
Таа додаде дека во зградата често имало разни настани и дека секогаш имало метеж
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Напад во кривичниот суд во Њујорк, има повредени

Тројца судски службеници денес биле нападнати со нож и повредени во зградата на Кривичниот суд на Менхетен, потврдија два извори од њујоршката полиција кои се запознаени со нападот.
„Осомничениот напаѓач е приведен по нападот врз службениците во зградата на судот на Централната улица во Њујорк. Нападот се случил близу фоајето“, изјавил неименуван полициски извор за NBC.
Еден судски службеник се здобил со посекотини на лицето, друг на вратот, а третиот бил повреден кога осомничениот го фрлил на подот обидувајќи се да побегне, се наведува во извештајот на американската телевизиска мрежа.
Сите тројца повредени се медицински згрижени и се чувствуваат добро, а истрагата е во тек, иако засега не е јасно што бил мотивот за нападот.
Свет
„Ерусалим пост“: Трамп ќе му даде на Иран последна шанса

Американскиот претседател, Доналд Трамп, планира да му упати на Иран последна шанса за договор, објави „Ерусалим пост“, повикувајќи се на американски и европски претставници.
Според неофицијални информации, новата понуда би можела да биде уште поповолна од онаа од пред недела и половина, но сепак би се базирала на американското барање за нулта толеранција за збогатување ураниум.
Според истиот извор, Иран се обидел да посредува со американската администрација преку Оман и Катар со цел да ги запре израелските напади и да ги обнови преговорите за нуклеарната програма. Саудиска Арабија наводно дејствува преку посебен канал со иста цел – постигнување прекин на огнот.
Свет
Претседателот на Иран: Не сакаме ширење на војната

Иранскиот претседател Масуд Пезешкијан изјави дека Иран не сака да ја прошири војната со Израел, но ќе одговори пропорционално на секој напад, пренесува државната иранска новинска агенција.
Пезешкијан ова го рекол за време на телефонскиот разговор со турскиот претседател Реџеп Таип Ердоган.
„Иранските научни, воени и цивилни објекти беа под израелска агресија, при што беа убиени цивили, научници и воени водачи“, рече Пезешкијан.
„Иран не ја започна оваа војна, но ќе одговори според нивото на напад“, изјави.
Тој додаде дека учеството на Иран во нуклеарните преговори со САД зависи исклучиво од прекинот на нападите на ционистичкиот режим врз земјите во регионот.
Турскиот претседател Ердоган, според турската државна агенција, му рекол на Пезешкијан дека Турција е подготвена да игра улога на посредник за да помогне во деескалацијата на конфликтот и да го поддржи враќањето на преговорите за нуклеарната програма.