Свет
(Видео) Драма во Калифорнија: избувна голем пожар во рафинерија, властите бараат граѓаните да не излегуваат од дома

Густ црн чад го прекри градот Мартинез, Калифорнија, каде утринава избувна пожар во рафинерија од големи размери, при што беа повредени шест работници. Четири лица ќе бидат префрлени во болница, а граѓаните се повикани да не излегуваат од домовите додека се вршат проверки за да се утврди дали постои закана по јавното здравје.
Снимките кои кружат на социјалните мрежи покажуваат густ чад кој извира од рафинеријата додека пожарникарите се обидуваат да го локализираат пожарот.
Немаше евакуација, но властите побараа од граѓаните да не ги напуштаат своите домови, доколку не е неопходно.
„Ве молиме, останете внатре, затворете ги сите прозорци и врати, исклучете ги сите греалки, климатизери и вентилатори“, советуваа здравствените власти.
Од засега непознати причини во рафинеријата избувнал пожар, а на небото се издигнале густи црни облаци од чад. Пожарот беснееше повеќе од пет часа.
🚨#BREAKING: Emergency crews declared a level 2 hazmats situation after a massive fire has broken out at the Martinez refinery plant
Numerous emergency crews are currently on the scene in Contra Costa County, California, after a massive fire broke… pic.twitter.com/ep01rzqtgb
— R A W S A L E R T S (@rawsalerts) February 2, 2025
Неколку главни патишта беа затворени поради пожар и чад.
🚨🇺🇸 Massive Fire at Californian Refinery reported
America is under attack from within – this happens almost daily now pic.twitter.com/n7plmbx6Nt
— Concerned Citizen (@BGatesIsaPyscho) February 2, 2025
Како што е соопштено, луѓето со респираторна чувствителност може да бидат особено погодени, а може да се јави и иритација на очите, кожата, носот и грлото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.
Свет
Пожарникар почина од срцев удар додека гаснеше пожар во Турција

Шумски пожари што беснеат низ Турција со недели му се заканија на четвртиот по големина град во земјата, Бурса, во северозападна Турција, денеска принудувајќи повеќе од 1.700 луѓе да ги напуштат своите домови, и веќе има еден загинат еден пожарникар.
Пожарите што избувнаа во пошумените планини околу Бурса се проширија брзо. Десетици големи шумски пожари ја погодуваат земјата секој ден од крајот на јуни, а владата во петокот прогласи две западни провинции, Измир и Билеџик, за зони погодени од катастрофа.
Канцеларијата на гувернерот на Бурса денеска објави дека 1.765 луѓе се безбедно евакуирани од село на североисток, додека повеќе од 1.900 пожарникари се борат со пламените јазици.
– Пожарникарот почина од срцев удар додека беше на работа, изјави градоначалникот на градот, Мустафа Бозбеј, додавајќи дека пламените јазици изгореле 3.000 хектари околу градот. Орхан Сарибал, опозицискиот парламентарец за покраината, ја опиша сцената како „апокалипса“.
Невообичаено високите температури за оваа сезона, сушните услови и силните ветрови ги поттикнуваат пожарите.