Свет
(Видео) Евакуирани речиси 420.000 жители на Кина, налетите на ветерот се 230 километри на час
Супертајфунот Јаги стигна до јужниот кинески остров Хаинан, со ветрови што дуваат со брзина поголема од 230 км/ч, а државните медиуми јавуваат дека речиси 420.000 жители се евакуирани како мерка на претпазливост.
Јаги би можела да стане најсилната бура што ја погодила јужна Кина во последните десет години, а се очекува со еднаква жестокост да го погоди и соседен Виетнам.
Официјалната новинска агенција „Ксинхуа“ пишува дека супертајфунот падна на копно и го погоди брегот на Хаинан во близина на Венчанг на североистокот на островската провинција во 16.20 часот по локално време. Со екстремно обилни врнежи, тајфунот со ветрови што достигнуваат и до 234 км/ч може да предизвика катастрофални штети на овој остров, популарна туристичка дестинација позната по песочните плажи и луксузните хотели.
【Breaking News】 Typhoon yagi has just landed in Hainan. The Baojin Primary School Station in Wenchang recorded a minimum air pressure of 922.0 hpa, breaking the record for the lowest sea level pressure measured on land in China pic.twitter.com/sqfJuQxzLB
— Jim (@yangyubin1998) September 6, 2024
Како дел од превентивните мерки, властите во Хаинан досега евакуираа 419.367 жители, затворија неколку туристички места и воведоа рестрикции за возачите, јавува „Ксинхуа“.
Кинеското Министерство за водни ресурси во четвртокот ги подигна вонредните мерки на трето, највисоко ниво за справување со поплавите во Хаинан и соседната јужна провинција Гуангдонг.
„Јаги, веројатно, ќе заврши како најсилниот тајфун што го погодил јужниот брег на Кина од 2014 година, што ќе ја отежне работата за спречување поплави“, објави „Ксинхуа“ по состанокот на претставниците за контрола на поплавите.
Јаги само во петокот вечерта помина најмалку 400 километри од Хонг Конг носејќи со себе обилни врнежи.
Во петокот привремено беше прекината работата на берзата во Хонг Конг, училиштата беа затворени, а јавниот превоз беше ограничен. Властите известија тројца повредени. Пороен дожд и в петок продолжува да врне во градот со еднаков интензитет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.
Свет
Трамп ги обвини Бајден и Харис за обидот за атентат: Тие се вистинска закана
Поранешниот американски претседател Доналд Трамп денеска ги обвини сегашниот претседател Џо Бајден и потпретседателката Камала Харис за вториот обид за атентат во неговиот голф клуб во Флорида.
За време на интервју за Fox News Digital, Трамп рече дека осомничениот верувал во изјавите на Бајден и Харис и постапил според нив. „Тие пукаат во мене поради нивната реторика. Кога јас сум тој што ќе ја спаси земјата, а тие се оние кои ја уништуваат – и одвнатре и однадвор“, рече тој.
Тој алудираше на коментарите на Бајден и Харис дека Трамп е закана за демократијата.
„Тоа се луѓе кои сакаат да ја уништат нашата земја. Бајден и Харис се вистинска закана. Тие користат запаливи изјави. И јас би можел да го сторам тоа, многу подобро од нив, но не го правам тоа“, рече Трамп.
Европа
Бурата „Борис“ ќе се пресели во Италија
Обилни врнежи утре се очекуваат и во Австрија, Чешка и југоисточна Германија. Иако може да поминат уште неколку дена до падот на нивото на водата, времето ќе се подобри во централна Европа од средината на неделата. Бурата „Борис“ потоа ќе се префрли на југ во Италија, каде повторно ќе зајакне и ќе донесе силен дожд. Регионот Емилија-Ромања треба да биде најпогоден.
Научниците тврдат дека оваа рекордна количина на врнежи во Централна Европа е предизвикана од голем број фактори, меѓу кои и климатските промени. Различни временски елементи комбинирани за да создадат „совршена бура“ каде што многу студениот воздух од Арктикот се сретна со топлиот воздух од Медитеранот.
Моделот на атмосферскиот притисок значеше и дека бурата Борис долго време беше заглавена на едно место. Научниците велат дека потопла атмосфера задржува повеќе влага, што доведува до поинтензивни врнежи. Потоплите океани, исто така, доведуваат до поголемо испарување, хранејќи ги системите за бура.