Контакт

Свет

(Видео) Европските лидери и Трамп разговараат за безбедносите гаранции за Украина

Објавено пред

Претседателот на САД, Доналд Трамп, украинскиот претседател, Володимир Зеленски, и високи претставници од ЕУ и НАТО седнаа на маса на заедничкиот самит во Белата куќа.

dobivaj vesti na viber

На отворањето на самитот, Трамп рече: „Ви благодарам за сите прекрасни работи што се случија денес. Досега имавме многу успешен ден и важни разговори додека работиме на прекинување на убиствата и запирање на војната во Украина“.

Мора да се разговара за можните размени на територии, рече Трамп

Тој додаде дека сите работат за истата цел и повтори дека по состанокот ќе разговара со рускиот претседател Владимир Путин. Истакна дека Путин на средбата во Алјаска се согласил да прифати безбедносни гаранции за Украина.

„Значаен чекор е што претседателот Путин се согласи Русија да прифати безбедносни гаранции за Украина“, рече Трамп.

Тој додаде дека очекува европските земји да го преземат најголемиот дел од товарот: „Ние ќе им помогнеме и ќе го направиме многу безбедно“.

Трамп, исто така, рече дека една од темите на вечерашниот состанок во Вашингтон ќе биде поделбата на одговорностите меѓу партнерите. Но, тој, исто така, нагласи дека мора да се разговара за „можните размени на територии“, земајќи ги предвид сегашните линии на фронтот. „Тоа значи воена зона, линиите на војната кои сега се сосема очигледни. Многу е тажно да се видат, но тие ги одредуваат преговарачките позиции“, рече тој.

Зеленски: Безбедноста на Украина зависи од САД

Украинскиот претседател Володимир Зеленски изјави дека безбедноста во Украина зависи од Соединетите Држави и од европските лидери, а разговорот со Трамп го оцени како многу добар.

„Разговаравме за многу чувствителни точки. Првото се безбедносните гаранции. Многу сме задоволни што сите лидери се тука. Безбедноста во Украина зависи од Соединетите Американски Држави, и од лидерите што се со нас“, рече Зеленски.

Тој додаде дека многу земји и украинскиот народ сакаат крај на војната: „Сите сакаме да ја завршиме оваа војна, да ги запреме Русите, да ја запреме војната. Ќе разговараме за безбедносните гаранции. Многу е важно што САД испраќаат толку силен сигнал и се подготвени за безбедносни гаранции“.

Мелони: Ако сакаме мир и правда, мора да бидеме обединети

Италијанската премиерка Џорџа Мелони потсети во Вашингтон на „храброста“ на Украинците на бојното поле во запирањето на руските напредувања и важноста на единството во поддршката на Киев.

„Ако сакаме да постигнеме мир и ако сакаме да гарантираме правда, мора да го направиме тоа обединети“, рече Мелони.

Таа додаде дека Украина „може да смета на Италија“, како што правела од почетокот на војната: „Ние сме на страната на Украина“.

Таа истакна дека првиот дел од разговорот ќе биде посветен на безбедносните гаранции: „Како да се осигура дека ова никогаш повеќе нема да се случи, што е предуслов за каков било мир“.

Мелони заклучи дека е среќна затоа што разговорите почнуваат да се градат врз основа на предлог што потсетува на Член 5 од НАТО.

Германскиот канцелар: Патот кон мирот е отворен, следниот чекор мора да биде прекин на огнот

Германскиот канцелар Фридрих Мерц изјави во Вашингтон дека „патот кон мирот е отворен“, но дека следниот состанок треба да донесе прекин на огнот.

Мерц му се заблагодари на Доналд Трамп и рече дека самитот во Алјаска „го отвори патот“ за мир, но сега следат „комплицирани преговори“.

„Сите би сакале да видиме прекин на огнот. Не можам да замислам дека следниот состанок би можел да помине без прекин на огнот, па ајде да работиме на тоа и да се обидеме да извршиме притисок врз Русија“, рече Мерц.

Трамп одговори дека не му бил потребен прекин на огнот во претходните војни, но дека „со задоволство би го прифатил доколку е потребно“.

Шефот на НАТО го пофали Трамп за „пробивањето на блокадата“ со Путин

На заедничко обраќање во Белата куќа, генералниот секретар на НАТО, Марк Руте, го пофали американскиот претседател Доналд Трамп за „пробивањето на блокадата“ со Владимир Путин со отворање дијалог.

„Ако добро го одиграме ова, би можеле да ја завршиме војната“, рече Руте, додавајќи дека „клучната работа“ е подготвеноста на Трамп да учествува во обезбедувањето безбедносни гаранции за Украина. Тој го нарече тоа „голем чекор“ и „пробив“.

Како одговор, Трамп нагласи дека земјите од НАТО ги зголемиле средствата за одбрана од 2 на 5 проценти од БДП и дека овој износ „всушност се исплаќа сега“.

Претседателката на Европската комисија, Урсула фон дер Лајен, исто така, ја поздрави американската подготвеност за безбедносни гаранции.

„Многу е добро да се слушне дека работиме на безбедносни гаранции, слични на Член 5 од НАТО“, рече фон дер Лајен, потсетувајќи на принципот дека нападот врз една членка на Алијансата е напад врз сите.

Макрон: Трилатералниот состанок не е доволен

Францускиот претседател Емануел Макрон изјави дека ги поздравува денешните разговори во Белата куќа, но нагласи дека трилатералниот состанок на САД, Русија и Украина не е доволен.

„После тоа е потребна и иницијатива од „четири страни“, рече Макрон, без да прецизира дали мисли на Франција, НАТО, ЕУ или таканаречената коалиција на добронамерните.

Тој додаде дека ова е неопходно бидејќи дискусиите за безбедносните гаранции всушност се однесуваат на „безбедноста на целиот европски континент“.

Макрон истакна дека Украина мора да има „кредибилна армија за годините и децениите што доаѓаат“ и дека европските лидери ќе го преземат својот дел од обврските и ќе му обезбедат гаранции на Киев.

„Претседателот Трамп може да биде сигурен дека Европејците се свесни за својата улога во безбедносните гаранции за Украина, бидејќи нивната сопствена безбедност е во прашање во овој момент“, рече Макрон.

Британскиот премиер: Можеме да постигнеме вистински напредок

Британскиот премиер Кир Стармер им се обрати на собраните лидери во Белата куќа и рече дека верува оти може да се постигне „вистински напредок“ во разговорите за завршување на војната во Украина, особено во однос на безбедносните гаранции.

Тој додаде дека трилатералната средба е „разумен следен чекор“.

„Со таа потенцијална средба и безбедносните гаранции, тоа би бил историски чекор напред“, рече Стармер.

Финскиот претседател: Поголем напредок за две недели отколку за три и пол години

Финскиот претседател Александар Стаб истакна дека верува оти во последните две недели е постигнат поголем напредок во обидите за завршување на војната отколку во претходните три и пол години.

Тој, исто така, објасни зошто Финска е дел од процесот, потсетувајќи дека земјата дели граница долга 1.300 километри со Русија.

„Секако, имаме свое историско искуство со Русија… Ако ја погледнам позитивната страна на сегашната ситуација, најдовме решение во 1944 година и сигурен сум дека ќе успееме да најдеме решение во 2025 година што ќе ја заврши руската агресивна војна и ќе обезбеди траен и праведен мир. Ситуацијата е многу тешка, но токму затоа сме тука“, рече Стаб.

Заврши јавниот дел од состанокот. Лидерите се повлекоа назад во Овалната соба. Трамп им се заблагодари на сите, ги пофали новинарите и рече дека присутните сега ќе разговараат зад затворени врати.

Европа

Пораз на Кремљ во Молдавија: проруската партија поразена на клучните избори

Објавено пред

Владејачката проевропска Партија за акција и солидарност (ПАС) во Молдавија, предводена од претседателката Маја Санду, го задржа своето парламентарно мнозинство на вчерашните избори. Со преброени повеќе од 98 проценти од гласачките ливчиња, ПАС освои 49,6 проценти од гласовите. Според веб-страницата на Централната изборна комисија, прорускиот Патриотски блок на поранешниот претседател Игор Додон освои 24,5 проценти.

dobivaj vesti na viber

Парламентарните избори во сиромашната, аграрна земја сместена помеѓу Романија, членка на ЕУ, и Украина, се сметаат за клучни. Молдавија, земја со околу 2,4 милиони жители, е кандидат за членство во ЕУ од 2022 година.

Прозападната претседателка Санду се надева дека мнозинството проевропски сили ќе ги продолжат реформите потребни за пристапување во ЕУ. Во споредба со изборите пред четири години, ПАС претрпе одредени загуби.

Таа претходно ја обвини Русија за масовно мешање во изборната кампања. Молдавските власти зборуваа за купување гласови од страна на Русија, дезинформации на социјалните медиуми и сајбер напади.

Проруските сили на блокот Алтернатива (8,1 процент) и Наша партија на бизнисменот Ренат Усати (6,2 проценти) исто така обезбедија места во парламентот од 101 член, избран за четиригодишен мандат.

Неочекувано, Партијата Демократија дома (ППДА), првично основана за промоција на унија со Романија, исто така го помина прагот од пет проценти, освојувајќи 5,7 проценти од гласовите.

Исходот од гласањето во голема мера зависи од учеството на дијаспората. Стотици илјади Молдавци живеат во ЕУ и традиционално имаат значително влијание врз тоа кој владее во нивната татковина.

фото: принтскрин

Прикажи повеќе...

Свет

(Фото) Најголемиот американски носач на авиони во Норвешка; НАТО: Не го гледате ова секој ден

Објавено пред

Втора ноќ по ред, неидентификувани дронови летаа над данското небо, потврди данското Министерство за одбрана. Ова е најновиот во низата инциденти што се регистрирани над воените бази во една недела, а поради кои исто така привремено беше затворен и аеродромот во Копенхаген.

dobivaj vesti na viber

Како одговор на зголемените закани, НАТО објави засилување на својата мисија во Балтичкото Море со испраќање фрегата за воздушна одбрана и дополнителни средства за следење и надзор.

НАТО објави фотографија од најголемиот носач на авиони во светот како плови во норвешки води на својот официјален Икс профил.

„Ова е нешто што не се гледа секој ден. Најголемиот носач на авиони во светот, USS Gerald R. Ford, плови во Ослофјорд“, се вели во соопштението на НАТО.

Слични инциденти се регистрирани во Норвешка, каде што неидентификувани авиони се видени во близина на воени бази, а полицијата продолжува да истражува инциденти во воздухопловната база Орланд.

фото: принтскрин

Прикажи повеќе...

Свет

Италијанската полиција фати Албанец со над 27 килограми кокаин

Објавено пред

Италијанската полиција уапси 47-годишен албански државјанин, откако во автомобилот му биле пронајдени 27,6 килограми кокаин.

dobivaj vesti na viber

Дрогата била скриена во посебен простор под предните седишта на возилото.

Покарај кокаинот, полицијата го конфискува и возилото, а приведениот е однесен во притвор во затворот во Катанија.

Според албанските медиуми во италијанските затвори се наоѓаат над 2.000 албански државјани, осудени главно за трговија со дрога.

Прикажи повеќе...

Најново

Свет17 часа

Повеќе од 40 повредени во масовниот руски напад врз Киев, меѓу оние кои починаа има и дете

Украина соопшти дека најмалку четири лица се убиени, а 13 други се ранети во главниот град Киев за време на...

Македонија19 часа

Петмина добија труење од храна откако јаделе во сендвичарница во Штип

Пет лица пријавиле симптоми на труење со храна по јадење сендвичи со пилешки стек во сендвичарница–киоск во Штип, информираат од...

Топ21 час

Се заканувал дека ќе ја убие неа, братот и мајка ѝ ако не му даде 15.000 евра

Јавен обвинител од Основното јавно обвинителство Скопје донесе Наредба за спроведување истражна постапка против едно лице за кое постои основано...

Свет22 часа

Русија изврши масовен ракетен и беспилотен напад врз Киев и други украински градови, има многу жртви

Ноќеска Русија изврши масовен ракетен и беспилотен напад врз Киев и други украински градови, користејќи тешки бомбардери. Воздушна тревога беше...

Македонија23 часа

Сиљановска Давкова: Не сум се фотографирала со восочни фигури на Доналд и Меланија Трамп

Фотографијата објавена на моите официјални профили на социјалните мрежи, на којашто сум заедно со претседателот на САД, Доналд Трамп, е...

Македонија1 ден

Сиљановска Давкова објави дека се фотографираше со Доналд и Меланија Трамп

Претседателката Гордана Сиљановска Давкова на својот Фејсбук-профил објави дека ѝ претставувало чест да присуствува на приемот што го приредија претседателот...

Македонија1 ден

Пожарите стивнаа, остана само еден активен

На територијата на државата денеска до 18:00 часот има два пожари на отворен простор, од кои еден пожар е активен...

Свет2 дена

Зеленски ќе возврати ако Москва предизвика прекин на електричната енергија во Украина

Претставници на украинската Влада ќе ги посетат Соединетите Американски Држави кон крајот на септември или октомври за разговори за прашања,...

Топ2 дена

Превезувал мигранти и удрил полициски службеник во обид да избега

На автопатот Граничен премин Табановце – Куманово, вчера околу 16:30 часот полициски службеници го лишиле од слобода М.Б. (25) од...

Македонија2 дена

Со порака дека хероите живеат вечно откриена беше спомен бистата на полицаецот кој загина во дискотеката „Пулс“

Хероите никогаш не умираат, тие живеат вечно и имаат само датум на раѓање, порачаа колегите на полицискиот службеник,Тоше Тодоровски кој...

Регион2 дена

Ужас во Јагодина: Внук ги заклал бабата и дедото и избегал

Двојно убиство се случило во близина на Јагодина. Според првичните информации М.М. (39) ги заклал бабата Р.Ж. (76) и дедото...

Свет2 дена

Украина го префрла производството на оружје во земјите од НАТО

Украинската одбранбена индустрија започнува со работа во Данска, обезбедувајќи им на производителите на оружје со седиште во Киев заштита од...

Свет2 дена

Прекинати медицинските активности што спасуваат животи во Газа, безбедносната состојба е влошена

Израелската офанзива во градот Газа ги принуди „Лекари без граници“ да ги прекинат своите основни медицински активности во областа поради...

Европа2 дена

(Видео) Трагедија во Турција: туристка почина откако беше удрена од глисер додека пливаше покрај брегот на Кемер

Русинка загина на првиот ден од нејзиниот одмор од соништата во Турција, откако беше удрена од глисер. Линарија Музипова, 42,...

Свет2 дена

(Видео) „Ова е Америка на Трамп“: Агентите на Службата за имиграција уапсија барател на азил, ја фрлија мајката на подот пред децата

Видео кое стана вирално на социјалните мрежи покажува како агент на американската Служба за имиграција и царина (ICE) насилно се...

Свет2 дена

(Видео) Флорида дозволи носење оружје на јавно место: маж го тестираше пред „Волмарт“

Маж со оружје беше снимен пред продавница „Волмарт“ во Флорида, еден од првите што ја искористи новата дозвола за носење...

Европа2 дена

Лукашенко: Путин има предлог за прекин на војната, Трамп го поддржува

Белорускиот претседател Александар Лукашенко по денешната средба со неговиот руски колега Владимир Путин изјави дека рускиот лидер ќе објави „многу...

Европа2 дена

(Видео) Германија забележа дронови на границата со Данска: „Истражуваме можна саботажа“

Министерството за внатрешни работи на северната германска покраина Шлезвиг-Холштајн соопшти дека беспилотни летала биле забележани во текот на ноќта и...

Македонија2 дена

Пронајдени двете девојки од Португалија кои се изгубија во реонот на Водно – Матка

Денес околу 17.00 часот од страна на Центарот за управување со кризи бевме известени за две изгубени туристки во реонот...

Свет2 дена

Трамп: Мислам дека можеби имаме договор за Газа

Американскиот претседател Доналд Трамп им изјави на новинарите во Белата куќа дека верува оти е многу блиску до договор за...