Свет
(Видео) Еден од најголемите урагани на овој век ја погоди Флорида, двајца загинати, повеќе од 1 милион корисници останаа без струја

Хелен е „еден од најголемите урагани во Мексиканскиот Залив овој век“, изјави експертот Мајкл Лоури.
Иако неколку урагани веќе ги погодија Соединетите држави оваа година, вклучувајќи ги Берил и Деби, тие беа помалку моќни од Хелен кога стигнаа на копно.
Официјалните лица ги повикаа жителите на патот на бурата да ги почитуваат наредбите за задолжителна евакуација или да се соочат со услови опасни по живот.
„Ќе се одигра навистина неиздржливо сценарио“ во крајбрежната област, рече директорот на Националниот центар за урагани Мајкл Бренан, со вода што може да уништи згради и да однесе автомобили.
12am EDT Friday Tropical Cyclone Update on #Hurricane #Helene:
The eyewall continues to move inland over the #Florida Big Bend & Panhandle. Please do not leave your shelters and remain in place through the pass of these life-threatening conditions.https://t.co/XtkxtGDQLT pic.twitter.com/2zVgiDSzE5
— National Hurricane Center (@NHC_Atlantic) September 27, 2024
Покачувањето на нивото на водата на места на бреговите би можело да достигне 6 метри, колку што изнесува двокатна зграда.
Повеќе од 1 милион корисници останаа без струја во Флорида откако ураганот Хелен падна на копно доцна во четвртокот навечер, според PowerOutage:
Флорида: 1.036.553
Џорџија: 46.040
Северна Каролина: 12.427
Вирџинија: 7.221
Јужна Каролина: 5.540
Две лица загинаа во градот Аламо, Џорџија, откако беа однесени од торнадо поврзано со системот на бура на ураганот Хелен, изјави градоначалничката на градот за Си-ен-ен.
„Во овој момент можеме да потврдиме дека има жртви, но имињата на жртвите сè уште не се објавени. Ќе споделиме дополнителни информации кога ќе станат достапни“, рече градоначалничката Памела Бес Ли.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Се урна покрив на супермаркет во Германија, двајца се тешко повредени

Две лица се тешко повредени, а уште двајца се со полесни повреди при делумно уривање на покрив на супермаркет во Лаухринген, Југозападна Германија, во близина на границата со Швајцарија, соопшти полицијата, пренесува ДПА.
Инцидентот се случил вчера околу 17:45 часот по локално време во делот на супермаркетот каде се наоѓала контролната сала, во квартот Валдшут.
Причините за уривањето се уште се истражуваат, а не е познато колку купувачи биле во продавницата во моментот на несреќата.
Свет
Руските сили извршија нов масовен напад врз повеќе региони во Украина, меѓу загинатите е и бебе

Руските сили ноќеска извршија нов масовен напад врз повеќе региони во Украина, меѓу кои и главниот град Киев, каде е погодена главната зграда на украинската влада. Во нападот, како што соопштија утрово украинските власти, убиени се три лица, меѓу кои и едно бебе.
Според извештатите, Киев бил цел на напади со беспилотни летала и ракети истрелани од Русија, а покрај убиените, во нападот се повредени и 18 лица, а десетици згради биле опожарени.
Ова е првпат зграда на украинската влада да биде оштетена во руски напад од почетокот на војната.
Свет
Зеленски тврди дека речиси 60 проценти од оружјето што го користи украинската армија се произведува во Украина

Украинскиот претседател Володимир Зеленски изјави синоќа дека речиси 60 проценти од оружјето што го користи украинската армија се произведува во Украина. Тој, во своето редовно вечерно обраќање до нацијата, додаде дека ова претставува надминување на целта што ја поставил пред два месеца.
– За време на војната, Украина стигна до тоа речиси 60 проценти од оружјето што е во рацете на нашите војници да биде украинско производство, рече Зеленски во видеообраќањето.
– И тоа се моќни оружја, со низа модернизации, нагласи тој.
Зеленски и други украински претставници со месеци го истакнуваат напредокот во домашното производство на оружје како клучен фактор за идната одбрана на земјата.
Во обраќањето тој се осврна и на заедничкиот проект за производство на оружје со Данска. Во јули, Зеленски го повика новото владино раководство да обезбеди најмалку 50 проценти од оружјето за армијата да се произведува во Украина.
Тогаш тој наведе дека украинското производство обезбедува околу половина од оружјето на армијата – највисоко ниво од прогласувањето на независноста на земјата во 1991 година.