Регион
(Видео) Ердоган едногласно реизбран за лидер на АКП

Турскиот претседател Реџеп Таип Ердоган денеска едногласно беше реизбран за лидер на Партијата на правдата и развојот (АКП).
На 6-тиот редовен голем конгрес на партијата од вкупно регистрирани 1.457 делегати, поддршка на Ердоган му дале 1.381 делегат, додека еден глас бил неважечки.
За време на своето обраќање на конгресот Ердоган нагласи дека нема да им се предадат на оние кои се прикажувале како нивни стратешки партнери, а во секој чекор се обидувале, како што рече турскиот претседател да ги претворат во стратешка цел.
„Некои ни се закануваат со економија, санкции, со девизниот курс, девизите, каматите, инфлацијата. Ним им велиме: „Ја увидовме вашата игра и ве предизвикуваме“, нагласи Ердоган, осврнувајќи се на последните случувања поврзани со санкциите кон Турција од страна на САД.
„Знаеме дека ако постои верување, постои и можност. Нашиот народ со своето верување досега проби бројни предавства и замки“, истакна турскиот претседател и додаде дека тие не се поклонуваат и нема да се поклонат пред оние кои ја градат својата благосостојба, искористувајќи го светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Ужас во Јагодина: Внук ги заклал бабата и дедото и избегал

Двојно убиство се случило во близина на Јагодина. Според првичните информации М.М. (39) ги заклал бабата Р.Ж. (76) и дедото Р.М. (79) и избегал. Неофицијално, убиството се случило во селото Богава, општина Деспотовац, а телата на сопружниците биле пронајдени рано утрово во семејната куќа.
Полицијата е на местото на настанот и во тек е истрага, а пристигнати се и обвинителот на Вишото јавно обвинителство во Јагодина.
Регион
Шеќеринска: НАТО нема да дозволи безбедносен вакуум во БиХ

Заменичката на генералниот секретар на НАТО, Радмила Шеќеринска, денес изјави дека алијансата нема да дозволи безбедносен вакуум во Босна и Херцеговина, откако српскиот лидер Милорад Додик објави дека ќе побара од Москва да ја прекине воената мисија ЕУФОР во таа земја.
Шеќеринска изјави дека НАТО е „трајно посветен на суверенитетот и територијалниот интегритет на Босна и Херцеговина“.
Таа додаде дека НАТО нема да дозволи дестабилизација во Босна и Херцеговина, соопшти канцеларијата на бошњачкиот член на колективното претседателство на Босна и Херцеговина, Денис Беќировиќ, кој се сретна со претставничката на НАТО.
„Без оглед на исходот од претстојната седница на Советот за безбедност на ООН, НАТО нема да дозволи безбедносен вакуум во Босна и Херцеговина“, рече Шеќеринска.
Регион
Албанска министерка го разреши својот заменик поради непочитување на забраната за пушење

Министерката за внатрешни работи на Албанија, Албана Кочиу, го разреши својот заменик поради непочитување на забраната за пушење во ресторан во САД, објавува „Спутник“.
Таа потврди на социјалните мрежи дека го сторила тоа врз основа на пријавата на албански државјанин кој живее во Њујорк, каде што бил во посета нејзиниот заменик Анди Махила. Како што изјави, тој пушел цигара во ресторанот „што предизвикало немир кај присутните“.
Албана Кочиу е првата жена на чело на полицијата во историјата на Албанија, а во претходната влада беше министерка за здравство.
Фото: принтскрин