Италијанската влада назначи тимови за изготвување конкретни закони кои ќе се занимаваат со обновениот интерес на земјата за нуклеарната енергија, како и парламентарни комисии кои ќе ги испитаат можностите, посочува порталот Еуроњуз.

Италија можеби ќе се откаже од титулата како единствена членка на Г7 без нуклеарни централи, бидејќи стремежот за нуклеарна независност и потребата да се намали зависноста од фосилните горива ја поттикна актуелната влада да го преиспита својот пристап кон нуклеарната енергија.

Италијанскиот министер за животна средина Жилберто Пиќето Фратин ги најави плановите за воведување нови регулативи до крајот на годината за да се овозможи употреба на нуклеарни технологии во земјата, со цел новата регулатива да се воспостави до 2025 година.

Мерките ќе го сменат постепеното укинување на нуклеарната енергија во Италија, кое започна по референдумот во 1987 година, проследено со слична забрана во 2011 година. Во согласност со обновениот интерес за нуклеарната енергија, назначен е тим за изготвување конкретна легислатива за справување со ова прашање, покрај две парламентарни комисии кои спроведуваат истрага за да го испитаат ова прашање, пишува медиумот.

Патиштата во Либан се во хаос. На снимката се гледаат гужви и преполни автомобили. Луѓето се во бегство: од јужните делови на земјата бегаат кон главниот град Бејрут, а од исток бегаат кон планинските предели. Или едноставно – каде било. Либанските медиуми известуваат за илјадници луѓе кои бегаат од нападите на израелската армија.

Портпаролот на израелската армија Даниел Хагари најави подготовки за голем и насочен напад во долината Бека.

„Ги советуваме цивилите во либанските села, кои се во близина на згради или во згради што ги користи Хезболах за воени цели или каде што се складира оружје: за ваша сопствена безбедност, веднаш да ја напуштите опасната зона.

Воздушните напади се интензивни: според податоците на либанското Министерство за здравство, во последните израелски напади загинале и се повредени стотици луѓе – меѓу нив жени, деца и медицински работници, пишува Дојче веле.

По две серии експлозии на комуникациска опрема во Либан минатата недела, конфликтот меѓу Хезболах и Израел значително се интензивираше. Сега Израел ги гаѓаше југот и истокот на земјата – каде наводно се наоѓаат упориштата на Хезболах.

И многу команданти на Хезболах беа убиени во тие напади, објавија арапските медиуми. Хезболах, од своја страна, истрелува ракети кон Израел и сè уште верува во победа.

Сепак, поранешниот бригаден генерал на либанската армија Елиас Хана смета дека оваа милиција е ослабена. „Хезболах се обидува да ги надомести лидерите што ги загуби“, изјави тој за арапскиот канал Ал Џезира.

„Но, Израел не им остава простор да ја вратат иницијативата“, додаде Хана.

Крајот на конфликтот не се гледа. На улиците на главниот град на Либан, Бејрут, луѓето се сè попесимисти. Тие се плашат од нова војна.

Еден случаен минувач вели: „Во секој случај, постои страв бидејќи сега се возвраќаат нападите. Ако Хезболах направи голем удар, Израел ќе одговори и ќе уништи уште повеќе. Не можеме повеќе да го издржиме ова“.

Либанската влада ја обвинува израелската армија дека води „војна за истребување“. Здравствениот систем во земјата е на работ и презаситен од големиот број повредени. Сега училиштата се користат за сместување бегалци. Ова претставува огромен предизвик, особено затоа што многу бегалци од соседна Сирија веќе живеат во долината Бека во исклучително тешки услови. Веројатно и за нив доаѓа ново бегство.

Министрите за европски прашања на земјите членки на ЕУ, денеска, на седницата на Советот за општи работи на ЕУ, посветена на приоритетите на унгарското претседателство, го поддржаа процесот на проширување на ЕУ заснован на заслуги, вклучително и за Западен Балкан.

Унгарскиот министер за европски прашања, Јанош Бока, на седницата, на која ги презентира приоритетите на унгарското претседателство, меѓу кои и конзистентна политика на проширување заснована на заслуги, рече дека проширувањето е една од најуспешните политики на ЕУ.

„Треба да го одржиме овој успех за да се осигураме дека тоа е засновано на заслуги, балансирано и веродостојно. Набргу доаѓа пакетот за проширување. Ги разгледавме земјите од Западен Балкан и изгледите за членство во ЕУ во овој поглед. Без ова, европската заедница не може да биде комплетна“, рече тој.