Свет
(Видео) Жестоки борби во Нагорно-Карабах, светските лидери бараат прекин на огнот

Голем судир меѓу Ерменија и Азербејџан избувна во регионот Нагорно-Карабах. ООН повика на итен прекин на огнот.
Москва, Вашингтон и Брисел бараат итен крај на конфликтот, а Анкара ја обвинува Ерменија и најавува целосна поддршка за Азербејџан.
Двете страни распоредија тешка артилерија во областа, соопшти ерменското Министерство за одбрана.
Today at around 07:30, horrified by their huge manpower and equipment losses, the adversary used the #TOS heavy artillery system at the south-eastern direction. The #Armenia‘n side doesn’t have any losses from the shelling. pic.twitter.com/htk1IC3l8J
— MoD of Armenia ?? (@ArmeniaMODTeam) September 28, 2020
Портпаролот на тоа Министерство, Артсрун Ованисјан, на својот „Фејсбук“ напиша дека борбите продолжиле во текот на ноќта и дека вооружените сили на Ерменија постигнале значителен успех и немало прекин на огнот, пренесува ТАСС.
Ерменската страна објави видео, на кое се гледа соборениот дрон на азербејџанските вооружени сили.
Од друга страна, Министерството за одбрана на Азербејџан објави дека ерменските сили утрово го погодиле градот Тертер во Азербејџан, во близина на регионот Нагорно-Карабах, и предупредија дека ќе бидат преземени реципрочни мерки.
Ерменската страна тврди дека 17 ерменски војници биле убиени и над 100 ранети во конфликтите во регионот Нагорно-Карабах. Претходно, од Азербејџан беше објавено дека Ерменија претрпела големи загуби на првиот ден од контраофанзивата на азербејџанската армија – над 550 мртви и ранети.
Конечниот број на жртви од двете страни сè уште не е утврден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Драматично видео: патник во авион извикувал „Алах Акбар“ и дека има бомба

Храбар патник успеал да совлада човек кој извикувал во авионот дека има бомба. Инцидентот се случил вчера на лет на easyJet од Лутон до Глазгов.
Драматичен инцидент што се случи во утринските часови, доведе до принудно слетување на преполн авион на аеродромот во Глазгов.
Напаѓачот потоа беше врзан со лисици и шест полицајци го извлекоа од авионот, додека преплашените патници останаа во солзи.
На видеото се слуша како напаѓачот вели: „Сакав да му испратам порака на Трамп… тој е во Шкотска“.
View this post on Instagram
Американскиот претседател моментално е во посета на таа земја и бил виден како игра голф за време на викендот.
Еден очевидец рекол дека одеднаш се разбудил околу 8 часот наутро, помалку од еден час по полетувањето од Лутон, кога еден човек излегол од тоалетот на задниот дел од авионот и почнал да прави врева.
„Излезе од тоалетот викајќи: „Алаху Акбар“ со рацете кренати над главата. Потоа рече: „Имам бомба, имам бомба“ – во тој момент луѓето беа збунети. Мислев дека се шегува, мислам, тоа е чудна шега“, рече патникот.
Тој рече дека човекот ги турнал вработените во авиокомпанијата и се однесувал агресивно кон нив.
„Кога ги турна, тогаш сè се промени. Во тој момент, еден човек успеа да го зграби и да го собори на подот, а потоа сите скокнаа врз него. Се бореа малку на подот, но тогаш веќе знаееше дека згрешил“, рече патникот.
„Пилотот објави дека ќе направи итно слетување и многу брзо го спушти авионот. Некои патници плачеа затоа што беа потресени. Сè беше малку нереално“, додал тој.
Свет
Рубио: Трамп го губи трпението со Путин, размислува за драстични мерки

Претседателот на САД, Доналд Трамп, е сè повеќе фрустриран од недостатокот на напредок на Русија кон мировниот договор и сега се заканува со остри економски санкции, откри државниот секретар Марко Рубио во интервју за Fox News.
Рубио нагласи дека главен приоритет на Трамп е да го заврши конфликтот, нагласувајќи: „Ова не е негова војна. Тој ја наследи и направи сè што е можно за да ја заврши“.
И покрај, како што вели Рубио, многу добрите интеракции со рускиот претседател Владимир Путин во телефонските разговори, овие преговори не дадоа конкретни резултати. Поради ова, Трамп, според државниот секретар, „го губи трпението“.
„Претседателот ја губи волјата да чека руската страна да направи нешто за да ја заврши оваа војна“, рече Рубио. Тој додаде дека Трамп сега разгледува драстични мерки, вклучително и воведување 100-процентни царини за руски стоки доколку не се постигне мировен договор во рок од 50 дена.
Рубио, исто така, предупреди за огромниот број човечки жртви од војната, велејќи дека „повеќе од 100.000 руски војници се убиени“ од почетокот на оваа година. Тој ја обвини Русија дека користи „тактики на одложување“ за да го продолжи конфликтот.
„Тој нема да падне во стапицата на бесконечни разговори“, тврди Рубио, припишувајќи го цврстиот став на Трамп на децениското искуство во справувањето со „безмилосни луѓе“.
Свет
„Гугл“ призна дека неговиот систем направил грешка за време на земјотресот во Турција во 2023 година

„Гугл“ призна дека неговиот систем за рано предупредување од земјотрес не успеал соодветно да ги предупреди луѓето за време на смртоносниот земјотрес во Турција во 2023 година.
Десет милиони луѓе во радиус од 150 километри од епицентарот требало да го добијат предупредувањето од највисоко ниво на „Гугл“, кое им давало до 35 секунди да најдат безбедност. Наместо тоа, само 469 такви предупредувања биле испратени за првиот земјотрес со јачина од 7,8 степени.
„Гугл“ потврди за BBC дека половина милион луѓе добиле предупредување од пониско ниво, дизајнирано за благи потреси. Технолошкиот гигант претходно тврдеше дека системот „работел добро“. Системот работи на Android уреди, кои сочинуваат повеќе од 70% од мобилните телефони во Турција.
Повеќе од 55.000 луѓе загинаа кога два големи земјотреси ја погодија југоисточна Турција на 6 февруари 2023 година, а повеќе од 100.000 беа повредени. Многумина спиеле кога се случиле потресите.
Системот за рано предупредување на „Гугл“ беше активен на денот на земјотресот, но ја потцени јачината на потресите.
„Продолжуваме да го подобруваме системот врз основа на она што го дознаваме за секој земјотрес“, рече портпарол на „Гугл“.
Системот на „Гугл“, наречен Android Earthquake Alerts (AEA), може да детектира потреси од широк спектар на Android телефони. Бидејќи земјотресите се движат релативно бавно низ Земјата, во тој момент може да се испрати предупредување.
Најсериозното предупредување се нарекува „Преземи акција“, кое активира гласен аларм на телефонот на корисникот, ја заменува поставката „не вознемирувај“ и го преклопува нивниот екран со предупредувачка порака.
Ова е предупредувањето што треба да се испрати до луѓето кога ќе се открие доволно силен потрес што може да ги загрози животите на луѓето. AEA исто така има и помалку сериозно предупредување „Биди свесен“, дизајнирано да ги извести корисниците за потенцијални помали потреси, предупредување кое не ја заменува поставката „не вознемирувај“.