Свет
(Видео) Жесток напад врз рускиот град Белгород, насекаде експлозии и паника

Во тек е жесток напад на руски Белгород. Според снимките на социјалните мрежи, низ градот се случиле повеќе експлозии. Автомобили, згради горат… Жителите споделуваат видеа каде се слушаат вресоци и се гледа чад во центарот.
Засега нема детали за можни жртви и цели. Белгород е град на границата на Русија и Украина, а досега беше честа мета на украински напади. Да потсетиме, вчера имаше еден од најголемите воздушни напади врз Украина од почетокот на војната, а беа нападнати и бројни украински градови.
⚡️Russian media report explosions in #Belgorod. Smoke is rising in the city center. pic.twitter.com/bH8uroS8eX
— KyivPost (@KyivPost) December 30, 2023
Рускиот претседател Владимир Путин бил информиран за украинскиот напад врз рускиот град Белгород во кој загинаа најмалку 10 лица, соопшти Кремљ.
„Претседателот Владимир Путин е информиран за нападот на украинските вооружени сили врз станбените области во Белгород“, изјави портпаролот Дмитриј Песков за новинската агенција ТАСС. Песков додаде дека претседателот наредил испраќање тим од руското Министерство за здравство, предводен од министерот Михаил Мурашко, и спасувачи од Министерството за вонредни ситуации во градот за да им помогнат на погодените.
Десет лица, меѓу кои и едно дете, загинаа, а 45 се повредени во украинските напади врз Белгород, соопшти руското Министерство за вонредни ситуации.
Регионалниот гувернер Гладков рече дека е зафатена станбена зона, а во објава на Телеграм ги повика сите жители да побегнат во засолништа. Претходно тој изјави дека се убиени две деца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Полска ја затвора вратата; „Не им верувајте на Путин и Лукашенко, тие ве лажат“

Полскиот премиер Доналд Туск денеска најави „информативна кампања“ во седумте земји од кои доаѓаат повеќето мигранти за да ги спречат да влезат во Полска преку Белорусија.
Поради оваа миграција, која, по Варшава, беше оркестрирана од Минск и Москва, на крајот на март, Полска го ограничи правото на азил на странците по пристигнувањето на границата со Белорусија.
Туск исто така рече дека „илјадници војници, граничари и полицајци, камери и дронови го следат секој метар од границата 24 часа на ден“.
Туск не прецизираше во кои земји ќе се одвива „информативната кампања“ што ја најави.
Најголем дел од мигрантите кои сакаат да влезат во Полска се од Блискиот Исток и Африка.
„Нашата порака ќе биде едноставна: полската граница е затворена! Не им верувајте на шверцерите, не верувајте му на белорускиот претседател Лукашенко, не му верувајте на Путин! Ве лажат кога велат дека ова е патот до Европа. Тоа не е точно! рече Туск.
Според полските граничари, повеќе од 30.000 луѓе се обиделе илегално да ја преминат границата со Белорусија во 2024 година.
Полска постави метална гранична ограда висока пет метри со софистицирани уреди за надзор и распореди илјадници војници по неа.
Регион
Младо момче пропадна низ отвор на лифт во Сараево

На Природно-математичкиот факултет во Сараево денеска млад човек паднал низ отворот од лифтот, пренесува Radiosarajevo.ba.
„Денеска во 13 часот и 44 минути пријавена е оваа несреќа. Млад човек се обидел да излезе од лифтот и паднал низ отворот“, изјавиле од противпожарната бригада на Сараево.
Пожарникарите за две до три минути биле на местото на несреќата и го ослободиле, а момчето било при свест.
Откако пожарникарите го извлекле младиот човек, брзата помош дошла да го пренесе во болница.
Не е познато според написите, дали младиот човек е потешко повреден.
Свет
Хотелите во Британија сo заканa дека ќе избркаат стотици баратели на азил

Хотели во Велика Британија се закануваат со бркање на стотици баратели на азил откако не ја добиле договорената исплата од сместувачката компанија „Stay Belvedere Hotels“ (SBHL), објавија британските медиуми.
Хотелите, претежно во лондонската област, најавија дека минатиот месец требало да добијат исплати од СБХЛ за сместување на баратели на азил, објави британски „Телеграф“.
Британското Министерство за внатрешни работи минатиот месец го отповика договорот на SBHL поради наводни неправилности.
Се проценува дека моментално има околу 38.000 баратели на азил сместени во хотели во Велика Британија.
Британското Министерство за внатрешни работи одвојува 5,5 милиони фунти дневно за нивно сместување, пренесува Танјуг.