Свет
(Видео) За време на посетата на Украина, сопругата на Нетанјаху одбила да јаде леб и сол

Посетата на израелскиот премиер, Бенјамин Нетанјаху, на Украина не почнала со бонтон-манири, а главен актер била неговата сопруга Сара, според тамошните медиуми.
Госпоѓа Нетанјаху првично била незадоволна од однесувањето на персоналот на израелскиот аеродром и го опоменала капетанот на авионот, кој не ја поздравил во авионот.
Таа станала од своето место и се упатила кон пилотската кабина, каде што не смее да се влегува според прописот, што дополнително ја налутило сопругата на премиерот.
Инцидентот завршил со тоа што капетанот на екипажот повторно ја поздравил брачната двојка Нетанјаху, 45 минути пред да слета во Киев. Тој тврди дека исто така ги поздравил Сара Нетанјаху и нејзиниот сопруг кога влегле во авионот, но дека таа не го слушнала.
צפו: נתניהו נחת בשדה התעופה באוקראינה והתקבל בחגיגיות. גברים ונשים בלבוש מסורתי נתנו לרה"מ לבצוע חלה כנהוג במקום@ZeevKam pic.twitter.com/wYEdRjDz3K
— כאן חדשות (@kann_news) August 18, 2019
Кога израелскиот премиер и неговата сопруга слетале на аеродромот во Киев, каде што им бил приреден традиционален пречек во духот на земјата, се случил нов инцидент.
Господин и госпоѓа Нетанјаху беа пречекани од три девојки во украински народни носии со сол и леб.
Додека Бенјамин Нетанјаху го натопил лебот во солта и го изел, Сара зела парче леб и го фрлила на подот, јавуваат украинските медиуми.
Снимката подоцна се појави на социјалните мрежи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
„Дедо, работи прво на Америка “: Медведев по ултиматумот на Трамп

Откако поранешниот претседател на Русија, Дмитриј Медведев изјави дека Доналд Трамп не може да му поставува ултиматуми на Владимир Путин, се огласи една од највлијателните луѓе во околината на Трамп, Линдзи Греам, пишуваат медиумите.
Греам му одговори на Медведев велејќи дека зборовите на Трамп треба да се сфатат сериозно.
„До оние во Русија кои веруваат дека претседателот Трамп не е сериозен во врска со прекинувањето на крвопролевањето меѓу Русија и Украина – наскоро жално ќе се излажете. Исто така, наскоро ќе видите дека Џо Бајден повеќе не е претседател. Ќе седите на масата за мир“, рече Греам.
Многу брзо следеше нов одговор од рускиот функционер.
„Не е до вас или Трамп да диктирате кога ќе седнеме на масата за мир. Преговорите ќе завршат кога ќе се постигнат сите цели на нашата воена операција. Работи на Америка прво, дедо“, рече Медведев.
Поранешниот руски претседател претходно, како што потсетуваат медиумите во своите написи, изјави дека Трамп, кој рече дека му дава на Путин 10-12 дена да ја заврши војната во Украина, сака да игра ултиматумска игра со Русија.
„Трамп ја игра ултиматумската игра со Русија: 50 дена или 10… Тој треба да запомни две работи: 1. Русија не е Израел, дури ни Иран. 2. Секој нов ултиматум е закана и чекор кон војна. Не меѓу Русија и Украина, туку со неговата сопствена земја. Не оди по патот на заспаниот Џо“, напиша Медведев.
Фото: принтскрин
Свет
Труење со хлор во бања во Унгарија: 14 лица хоспитализирани, околу 120 евакуирани

Поради труење со хлор, 14 лица се итно хоспитализирани, а 120 се евакуирани од бањата Туркева во Унгарија.
Адам Немет, портпарол на Дирекцијата за управување со катастрофи на округот Јас-Наѓкун-Солнок, изјави дека мешањето на две хемикалии за прочистување на водата предизвикало формирање на токсичен гас, кој предизвикал гадење кај капачите.
Унгарските медиуми објавија дека 14 лица морале веднаш да бидат однесени во болница.
Хлорниот гас е жолтеникаво-зелен по боја, има силен мирис и може да предизвика труење дури и во мали количини. Во повисоки концентрации, може да доведе до смрт, според написите.
Експертите појаснуваат дека труењето со оваа состојка е скриена, но реална опасност во домаќинствата, како и во индустријата. Гасот може да се појави како резултат на мешање на различни средства за чистење.
Хлорниот гас прво ги напаѓа дишните патишта. Вдишувањето може да го иритира носот, грлото, очите и белите дробови на краток рок. Дури и при ниски концентрации, може да се појави гребење во грлото, солзење, кашлање и течење на носот.
Во случај на умерени количини, симптомите се влошуваат: пациентот може да почувствува чувство на задушување, притисок во градите и главоболка.
Високите концентрации се особено опасни: може да се развие белодробен едем, кој често не се појавува веднаш, туку дури и неколку часа подоцна, предизвикувајќи сериозен недостаток на кислород и состојба опасна по живот.
Труењето е особено опасно за децата, постарите лица и лицата со хронични белодробни заболувања.
Фото: принтскрин
Свет
Песков: Се користат големи ресурси за да се претстави Русија како непријател на Европа

Кремљ ја забележа вчерашната изјава на претседателот на Соединетите Американски Држави, Доналд Трамп, за нов рок за прекин на огнот во Украина, изјави портпаролот на Кремљ, Дмитриј Песков.
Во понеделникот, Трамп го скрати претходно утврдениот рок од 50 дена за прекин на огнот на 10 или 12 дена, наведувајќи го недостатокот на напредок во решавањето на конфликтот, објави РИА Новости.
Исто така, Трамп се закани дека ќе воведе секундарни санкции и царини за земјите што соработуваат со Русија, наведувајќи дека таквите мерки би можеле да вклучуваат „100-процентни царини“.
„Вчера ја добивме изјавата на претседателот Трамп“, изјави Песков пред новинарите, коментирајќи ја најавата на Трамп, но не прецизираше каков ќе биде понатамошниот одговор на Кремљ на тие изјави.
Исто така, Песков ги негираше извештаите за можна средба меѓу рускиот претседател Владимир Путин и Трамп, наведувајќи дека такво прашање дури и не било на дневен ред и сè уште не е.
Кога беше прашан за сегашните односи меѓу Русија и Европа, Песков рече дека работата за создавање слика за Русија како непријател во Европа продолжува, „за што Москва жали“.
„За ова се користат големи ресурси, а оваа работа продолжува, на наше големо жалење. Ова очигледно не е во интерес на народите на европските земји“, рече Песков.
Тој повтори дека Русија останува посветена на мирно решавање на конфликтот во Украина, нагласувајќи дека „специјалната воена операција продолжува“, но дека Москва сè уште се стреми да го реши конфликтот преку мирен процес, а воедно да ги обезбеди интересите на Руската Федерација.
Фото: принтскрин