Свет
(Видео) Израелската армија уништи руски антиракетен систем во Сирија

Израелската армија објави видеоснимка од ракетен напад врз противвоздушен систем Pancir-S1 поставен во Сирија. Видеото било снимeно од камерата поставена на израелската ракета Spajk NLOS, објави „Спутник“.
Снимката беше објавена по ескалацијата на конфликтот меѓу Израел-Иран, откако иранските сили во Сирија истрелаа ракети кон израелски позиции на Голанската Висорамнина.
„Постојат црвени линии што се преминаа“, изјави израелскиот премиер Бенјамин Нетанјаху, по што израелската армија испрати „дожд“ од ракети кон ирански цели во Сирија. Израелската армија објави дека сите авиони кои биле вклучени во една од најголемите операции во последните неколку години безбедно се вратиле во своите бази.
Во најновата снимка објавена на итернет се гледа патот на ракетата која се приближува и го уништува ракетниот систем Pancir-S1 во сопственост на иранските сили, околу кој во тој момент стоеле и војници, пренесуваат британските медиуми. Воедно потсетуваат дека уништениот ракетен систем А SA22, познат како Pancir-S1 e од руско производство и дека станува збор за систем со среден дострел, направен за уништување на ракети земја-воздух, но и на оние истрелани од борбени авиони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израел го уби командантот на воздухопловните сили на Револуционерната гарда на Иран

Израелските одбранбени сили (IDF) и официјалната иранска новинска агенција IRNA потврдија дека бригадниот генерал Амир Али Хаџизаде, командант на воздухопловните сили на Иранската револуционерна гарда (IRGC), е убиен.
Хаџизаде беше назначен на оваа позиција од страна на иранскиот врховен лидер Али Хамнеи во октомври 2009 година.
Роден е во Техеран во 1962 година и се приклучил на Револуционерната гарда во 1980 година, кратко по избувнувањето на војната Иран-Ирак (1980-1988), за време на која учествувал во неколку операции како снајперист.
По војната, се приклучил на воздухопловните сили на IRGC и се вклучил во програмата за развој на ракетно оружје.
Во 2006 година, тој беше назначен за командант на воздушната одбрана на Револуционерната гарда.
Министерството за финансии на САД го стави на списокот за санкции, заедно со други команданти на Револуционерната гарда, откако Иран собори американски дрон за надзор во близина на Ормутскиот теснец во јуни 2019 година.
Во јануари 2020 година, откако ракета на иранската Револуционерна гарда собори украински патнички авион во близина на Техеран, при што загинаа сите 176 лица на бродот, Хаџизаде го опиша инцидентот како несреќа, ја презеде целосната одговорност и изјави дека ќе ја прифати секоја казна што му ја изрекуваат иранските власти.
Свет
Трамп: Иранците со кои преговарав се мртви и не умреа од грип или ковид

Претседателот на САД, Доналд Трамп, за Си-ен-ен изјави дека САД го поддржуваат Израел и ги нарече нападите врз Иран многу успешни.
„Секако дека го поддржуваме Израел, очигледно. Го поддржавме како никој досега“, рече Трамп во краткиот телефонски разговор.
„Иран требаше да послуша кога им кажав… Не знам дали знаете, но им дадов 60-дневно предупредување, а денес е 61. ден“, додаде тој.
„Тие треба да седнат на маса сега и да постигнат договор пред да биде предоцна. Ќе биде предоцна за нив. Знаете, луѓето со кои разговарав повеќе не се живи, тврдокорните“, рече Трамп одбивајќи да прецизира на кого точно мисли.
На прашањето дали ова е последица од синоќешниот израелски напад, Трамп саркастично одговори: „Тие не умреа од грип, не умреа од ковид“.
Си-ен-ен објави дека државниот секретар на САД, Марко Рубио, претходно изјави дека САД не учествувале, ниту помагале во нападите.
Свет
Русија ја осудува острата ескалација на тензиите меѓу Израел и Иран

„Русија е загрижена и ја осудува острата ескалација на тензиите“, изјави портпаролот на Кремљ, Дмитриј Песков, пренесува руски „Интерфакс“.
Тој изјави дека рускиот претседател Владимир Путин добива онлајн-извештаи за настаните што се случуваат меѓу Израел и Иран.
„Претседателот Путин добива извештаи во реално време од руското Министерство за одбрана, Службата за надворешно разузнавање и од Министерството за надворешни работи за настаните во регионот“, рече Песков.
Според него, руското Министерство за надворешни работи, по наредба на претседателот на Русија, набргу ќе издаде детаљно соопштение за ситуацијата меѓу Израел и Иран, „кое потоа ќе биде дистрибуирано до Обединетите нации“.