Свет
(Видео) Израелците објавија снимка: „Ја уништивме куќата на прогонетиот лидер на Хамас“
Израелските војници денеска ја уништија семејната куќа на Салех ал-Ароури, прогонетиот командант на силите на Хамас. На окупираниот Западен Брег безбедносните сили продолжуваат да се справуваат со водачите на групата, која почна напад во Израел на 7 октомври.
צה”ל ושב”כ פועלים כנגד ארגון הטרור חמאס ברחבי יהודה ושומרון; נעצרו 38 מבוקשים והוחרמו אמצעי לחימה
כוחות הביטחון הרסו הלילה את ביתו של צלאח ערורי, סגן ראש הלשכה המדינית והאחראי על פעילות ארגון הטרור חמאס ביהודה ושומרון.
לכל הפרטים: https://t.co/LbQVIXbcDy pic.twitter.com/ZgfmyosXI2
— צבא ההגנה לישראל (@idfonline) October 31, 2023
Ароури, ветеран лидер на Хамас, кој помина 17 години во израелски затвори, е заменик на лидерот на Хамас, Исмаил Ханије, и меѓу групата лидери што израелските власти ги издвоија како клучни цели.
„Ројтерс“ јавува дека неговата куќа, за која локалните жители велат дека е празна, била планирана за уривање од минатата недела и била крената во воздух од безбедносните сили во раните утрински часови. Израелските одбранбени сили објавија видео на социјалните мрежи, на кое тие тврдат дека се гледа како куќата се уништува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски се обрати до нацијата: Се браниме кај Харков, во Доњецк е исклучително тешко
Украинските сили продолжуваат со одбранбените операции околу северните погранични населби во регионот Харков, изјави украинскиот претседател, Володимир Зеленски во вечерното обраќање до нацијата.
„Нашите сили извршуваат контранапади и ја штитат украинската територија веќе втор ден“, рече Зеленски.
Украинската војска претходно соопшти дека руските сили се задржани во пограничните села во „сивата зона“, додека Русија објави дека зазела пет локални населби.
Ситуацијата, рече Зеленски, е особено напната во регионот на Доњецк, поточно во правец на Покровское, кај селата Семенивка и Нетаилова.
Зеленски додаде дека попречувањето на руските офанзивни акции сега е задача број еден.
Свет
Макрон: Се надевам дека Французите нема да мора да се борат во Украина
Францускиот претседател Емануел Макрон уште еднаш не ја исклучи можноста за интервенција на француската армија во Украина, но истовремено изрази надеж дека неговата земја нема да мора да војува и да испраќа свои војници во војна.
Како што пренесува „Украинска правда“, Емануел Макрон рече дека во одреден момент Европејците треба да бидат подготвени да ја спречат Русија да напредува понатаму во Украина, но тој најискрено се надева дека нема да мора да се борат.
„Ако сакаме мир, мораме да го заштитиме. Затоа треба да се вооружиме и затоа треба да бидеме средство за одвраќање и убедување. Ако одите предалеку и ги загрозувате нашите интереси и нашата безбедност, тогаш јас не исклучувам интервенци во конфликтот“, рече Макрон.
Тој нагласи дека украинскиот суверенитет и територијалниот интегритет се под закана, но истовремено владеењето на правото и општите правила се под закана.
„И ако оставиме сè како што е во Украина, тогаш ќе победи правото на посилниот. И не можеме да бидеме сигурни бидејќи тоа се случува на 1.500 километри. Значи, во Украина нашата иднина и нашата безбедност се во прашање“, заклучи францускиот претседател.
Свет
Големи пропалестински протести во Малме пред евровизиското финале, се бара исклучување на Израел од натпреварот
Денеска во центарот на Малме, Шведска се одржува масовен пропалестински протест поради учеството на Израел на овогодинешното натпреварување.
Голем број луѓе почнаа да се собираат на главниот плоштад во Малме од 16 часот.
Протестот почна на главниот плоштад во Малме, а насобраните од ова место се упатија кон арената Малме, каде што се одржува Евровизија.
Во четвртокот, кога претставничката на Израел настапи во втората полуфинална вечер, на улиците на Малме протестираа повеќе од 30.000 луѓе, според проценките на шведската полиција.
Барањата се исти – бојкот на Евровизија и исклучување на Израел од натпреварувањето.