Свет
(Видео) Израел нападна либански град со римски урнатини првпат од почетокот на војната
![](https://makfax.com.mk/wp-content/uploads/2024/02/liban-napad.jpg)
Израел денеска изврши најмалку два истовремени напада врз цели околу либанскиот град Баалбек, изјавија за „Ројтерс“ два безбедносни извора, што го означи првото израелско бомбардирање на источен Либан од избувнувањето на регионалните судири по почетокот на војната во Газа.
Израелската војска соопшти дека „во моментот гаѓа терористички цели на Хезболах длабоко во Либан“, но не даде дополнителни детали. Вооружената група Хезболах, која е поддржана од Иран, не го коментира веднаш инцидентот.
BREAKING: ISRAEL IS NOW BOMBING BAALBEK IN SOUTH LEBANON FOR THE FIRST TIME
Baalbek is a beautiful town in Lebanon. Israel continues its bombing and destruction pic.twitter.com/GO2gbgLz2y
— Sulaiman Ahmed (@ShaykhSulaiman) February 26, 2024
Хезболах и израелската војска разменуваат оган по должината на јужната граница на Либан од октомври кога Хезболах лансира проектили кон Израел како поддршка на својот палестински сојузник Хамас, кој води војна против Тел Авив во Појасот Газа.
Израелските напади досега беа главно ограничени на јужната погранична провинција Либан, иако во изминатите неколку недели тие се проширија кон север. Денешниот бомбашки напад е продолжување на кампањата на Израел, изјави извор од либанските безбедносни сили.
BREAKING: ISRAELI DRONE TARGETED WAREHOUSE AND BUILDING IN BAALBEK LEBANON pic.twitter.com/oTLtiZJ5QY
— Sulaiman Ahmed (@ShaykhSulaiman) February 26, 2024
Либанската телевизија „Ал-Џадид“ објави снимка од облаци чад што се издигнуваат од дел од Баалбек. Областа околу Баалбек, во либанската долина Бека, е добро познато политичко упориште на Хезболах, а има и антички римски урнатини, а исто така е важен земјоделски и транспортен центар на Либан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Избран е нов патријарх на Бугарската православна црква
![](https://makfax.com.mk/wp-content/uploads/2023/08/sofija-bugarija-3.jpg)
Бугарската православна црква го избра митрополитот Даниил за нов патријарх и митрополит софиски.
Ѕвоната во храмот на Александар Невски во центарот на Софија го најавија изборот на новиот патријарх, кој доби поддршка од 69 делегати на црковниот собор, додека митрополитот Григориј беше поддржан од 66 делегати, пренесе агенцијата БТА.
Патријархот се избира доживотно, освен ако не се пензионира.
На чело на Бугарската православна црква, Даниил Видински го наследи патријархот Неофит, кој почина во март на 78-годишна возраст, откако 11 години ја водеше црквата.
Новиот бугарски патријарх се смета за проруски настроен и тој застана на страната на Московската патријаршија во спорот со Вселенскиот патријарх во врска со независноста на Украинската православна црква, пренесе АП.
Даниил го критикуваше и протерувањето минатата есен на еден Русин и двајца белоруски свештеници обвинети за шпионирање за Москва.
Патријархот Даниил (52), роден Атанас Николов, студирал теологија во Софија, а потоа се замонашил во манастирот.
Тој припаѓа на првата генерација млади Бугари кои се приклучија на црквата по падот на комунизмот.
Европа
Маж со нож нападнал полициска патрола во Германија, убиен е
![](https://makfax.com.mk/wp-content/uploads/2024/03/germanska-policija-1.jpg)
Маж вчера со нож нападнал тројца полицајци во близина на Нирнберг во Германија. Тој почина откако беше застрелан од полицијата на железничка станица, изјави портпаролот на полицијата.
Тој починал на местото на настанот, во јужниот град Лауф ан дер Пегниц, и покрај итните мерки за прва помош, изјави портпаролот.
Според полицијата, напаѓачот најпрвин нападнал полициски автомобил во патрола. Кога полицајците излегле од возилото, тој тргнал кон нив.
„Имаше нож“, рече портпаролот.
Портпаролот рече дека нема повредени полицајци и не даде детали за тоа колку истрели биле испукани, кој испукал или каде бил погоден човекот.
Тој, исто така, првично не го коментираше идентитетот на напаѓачот или позадината на неговиот напад.
Според портпаролот на полицијата, просторот пред станицата е ограден.
Свет
(Видео) Нереди во Франција по победата на десницата
![](https://makfax.com.mk/wp-content/uploads/2024/07/12338831.jpg)
Илјадници луѓе се собраа во Париз на протест против десницата по објавувањето на резултатите од првиот круг од парламентарните избори во земјата.
Француските медиуми пренесоа дека демонстрантите демолирале излози, а имало судири со полицијата која , пак, возвратила со солзаевц.
Францускиот претседател Емануел Макрон синоќа во првите реакции по првиот круг од предвремените избори повика да се формира поширок републикански собир пред вториот круг од изборите. На европскиот самит во Брисел, откако минатата недела предупреди дека Франција ризикува „граѓанска војна“ доколку на власт дојде партијата предводена од Марин Ле Пен или левичарската коалиција „Новиот народен фронт“, Макрон рече дека неограничениот расизам и анти-семитизмот ќе бидат ослободени во земјата“.
🇫🇷Left-wing protesters gather at Place de la République in Paris to protest the far-right.#legislatives2024 pic.twitter.com/y3tViDDzlR
— NoComment (@nocomment) June 30, 2024
Изборите беа ненадејно распишани од Емануел Макрон, откако неговата партија Преродба претрпе пораз од екстремно десничарската партија Национален собир на Марин Ле Пен на изборите за Европскиот парламент.