Свет
(Видео) Илон Маск во тимот на Доналд Трамп: „Бидејќи не е зафатен, се согласи да води нова работна група“
Доналд Трамп, поранешниот американски претседател и кандидат на Републиканската партија, изјави дека милијардерот Илон Маск се согласил да се приклучи на неговата администрација доколку победи на изборите во ноември.
„Илон, бидејќи не е премногу зафатен, се согласи да биде на чело на оваа нова работна група“, рече Трамп.
TRUMP JUST NOW:
“Elon, because he’s not really busy, has agreed to head this new task force.”
Trump claims the new Government Efficiency Commission, headed by Elon Musk, would drastically reform and audit every government agency and save trillions over the next decade. pic.twitter.com/lFj54XvILP
— amit (@amitisinvesting) September 5, 2024
Поранешниот шеф на Белата куќа тврди дека новата Комисија за владина ефикасност, предводена од Илон Маск, драстично ќе ја реформира и ремонтира секоја владина агенција и ќе заштеди трилиони долари во следната деценија.
Потсетуваме, Доналд Трамп неодамна во интервју со Маск, кој е и сопственик на социјалната мрежа Икс (поранешен Твитер) изјави дека е подготвен да му понуди место во неговиот тим по победата на изборите.
„Би го ставил во владата, но не знам како би можел да биде во чекор со обемот на работа што ја работи. Но, тој би можел да ја советува владата за одредени прашања, на пример за вештачката интелигенција“, рече претходно Трамп.
Републиканецот нагласи дека има одлични односи со Маск, кој, според Трамп, би сакал да учествува во оптимизирање на работата на американската влада.
Претходно западните медиуми објавија дека Трамп, доколку победи на изборите, на Маск ќе му понуди место во неговата администрација или позиција на советник. Форбс ја процени вредноста на имотот на Илон Маск на 241,7 милијарди долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најмалку 30 лица, меѓу кои три деца се повредени откако руска бомба погоди зграда во Харков
Најмалку 30 лица, меѓу кои три деца, се повредени откако руска наведувана бомба погоди станбена зграда во северозападниот украински град Харков, соопшти локалните власти, пренесува БТА.
Тој додаде дека има поголема штета на цивилната инфраструктура.
Харков е еден од најголемите градови во Украина и клучен индустриски центар лоциран блиску до границата со Русија. Градот постојано е цел на руски напади со гранати, ракети и беспилотни летала.
Свет
113 загинати во поплавите во Мјанмар
Бројот на загинати во поплавите предизвикани од тајфунот Јаги во Мјанмар се искачи на 113, а повеќе од 320.000 луѓе се раселени, соопшти денеска воената хунта во земјата.
„Во целата земја загинаа 113 лица, 64 се водат како исчезнати, а 14 се повредени“, изјави портпаролот на хунтата Зав Мин Тун.
Тој додаде дека „повеќе од 320.000 луѓе или 78.000 домови се евакуирани во привремени кампови за помош“, пренесува Бета.
Свет
Во Шангај се откажани над 600 летови поради тајфунот Бебинца
Аеродромите во Шангај денеска откажаа стотици летови во очекување на налетот на тајфунот Бебинцa. Повеќе од 600 летови се откажани од аеродромите Хонгкиао и Пудонг. Исто така се затвораат и дел од мостовите и автопатиштата.
Тајфунот Бебинца моментно е на неколку стотици километри од брегот. Се очекува ветровите на тајфунот вечерва да достигнат брзина од 151 километар на час, соопшти Кинеската метеоролошка управа.
Поради тајфунот евакуирани се 9.318 луѓе од една област во Шангај. Во блискиот град Жоушан утрово беа затворени рестораните, супермаркетите и продавниците, а во прекин е и јавниот превоз.
Се очекува невремето да донесе и до 254 милиметри дожд на метар квадратен, во делови од источниот брег кои ќе бидат најтешко погодени.