Свет
(Видео) Има загинати во поплавата во Њујорк, службите предупредуваат: Ваков дожд паѓа еднаш во 500 години

Најновиот биланс на загинати во поплавите во Њујорк и Њу Џерси е девет лица, пренесе Би-би-си. Според информациите, повеќето од нив се удавиле кога водата навлегла во подрумските станови во Њујорк.
Меѓу загинатите во поплавите има и двегодишно дете, соопшти Си-ен-ен.
Телото на двегодишно дете било пронајдено во стан на 64. улица заедно со телата на 50-годишен маж и 48-годишна жена. Тие претходно се јавиле на 911 и побарале помош поради поплавување на просторот во кој живееле.
Остатоците од ураганот Ида, кој викендов дивееше во американската држава Луизијана, донесеоа рекордни количини дожд и големи поплави.
Во Њујорк првпат во историјата беше издадено предупредување за поплава.
Во Централ Парк за еден час наврнале 80 милиметри дожд на квадратен метар, што е второ најголемо количество дожд некогаш забележано на таа локација.
Според Американската управа за океани и атмосфера (НОАА), ваков дожд паѓа еднаш во 500 години.
Си-ен-ен објави дека во петте главни окрузи на Њујорк паднале 132,5 милијарди литри вода во период од пет часа.
Тоа е еквивалентно на околу 50.000 олимписки базени, рече метеорологот Педрам Јавахери за Си -Ен -Ен.
Толку многу врнежи во толку краток временски период би биле проблематични насекаде во светот, но кога ќе падне таков дожд врз урбана област како Њујорк, проблемите стануваат многу поголеми.
„Вечерва сме сведоци на историско невреме со рекорден дожд, брутални поплави и опасни услови на патиштата“, напиша градоначалникот на Њујорк, Бил де Бласио на „Твитер“.
„Ни претстојат тешки неколку часа. Никогаш не сум видел толку многу дожд да наврне за толку кратко време“, додаде тој.
Rainfall from tropical storm Ida gushing into the New York City subway pic.twitter.com/7wBH5qtM1U
— David Begnaud (@DavidBegnaud) September 2, 2021
Градоначалникот ги повика луѓето да не излегуваат надвор.
„Ве молиме, останете подалеку од улиците вечерва и оставете ги нашите служби за итни случаи да си ја завршат својата работа. Ако размислувате да излезете, немојте. Останете подалеку од метрото. Тргнете се од улиците. Не возете на ова лошо време. Останете дома“, напиша тој на „Твитер“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Северна Кореја тестираше нови ракети

Северна Кореја вчера истрела два нови противвоздушни проектили за уништување на различни воздушни цели, меѓу кои дронови и крстосувачки ракети. Тестирањето на новото оружје го надгледуваше севернокорејскиот лидер Ким Џонг-ун.
Како што јави Корејската централна новинска агенција (КЦНА) новото оружје има „супериорна борбена способност“ и користи „единствена технологија“.
Тестирањето на ново оружје се одвива во време на зголемени тензии со Јужна Кореја. Официјален Сеул вчера соопшти дека на 19 август јужнокорејски војници отвориле предупредувачки оган кон припадници на севернокорејската армија, кои накратко навлегле во Демилитаризираната зона.
Исто така во регионот се одржува заедничка воена вежба помеѓу Јужна Кореја и САД, а за утре е предвидена средба на американскиот претседател Доналд Трамп со новоизбраниот јужнокорејски претседател Ли Џае-мунг.
Свет
Фабрики за оружје во неколку држави отвори Иран

Иранскиот министер за одбрана Азиз Насирзадех тврди дека Иран во неколку држави создал инфраструктура за производство на оружје.
Тој не соопшти во кои земји Иран ќе произведува оружје, но најави дека фабриките најверојатно официјално ќе бидат отворени.
Насирзадех наведе пред војната со Израел еден од приоритети на Иран бил развивање на ракети, но оти сега „би можеле да се сменат приоритетите“.
Свет
(Видео) Седум часа ги читаше имињата на сите убиени деца во Газа, дури 12.227 жртви

Кардиналот Матео Зупи во италијанскиот град Болоња предводеше трогателно седумчасовно молитвено бдение за сите деца загинати во конфликтот меѓу Израел и Хамас од почетокот на војната пред две години. На бдението, кое се одржа во паркот Монте Соле ди Марцабото, беа прочитани имињата и возрастите на вкупно 12.227 деца жртви – 16 израелски и 12.211 палестински, врз основа на официјални податоци од двете страни.
Кардиналот Зупи ги повика присутните да се посветат на мирот и дијалогот: „Ги кажуваме нивните имиња едно по едно. Тие бараат од нас да бараме мир, да го прекинеме огнот и да создадеме услови за заштита на невините, од ослободување на заложниците до тоа да не се држи цела нација како заложник“.
Молитвеното бдение се одржа на историско место, во урнатините на црквата Казаља, која беше запалена од нацистите за време на масакрот во кој беа убиени речиси 800 луѓе, вклучувајќи деца. Настанот го организираше монашката заедница на Малото семејство на Благовештението во соработка со Училиштето за мир на Монте Соле, со цел да се зачува сеќавањето на страдањето и да се потенцира важноста на мирот.
Апелите за мир и заштита на цивилите се засилени во последните недели поради зголемениот број жртви и заканата од глад во Газа. Свештеникот Габриел Романели од Газа ја опиша тешката ситуација, истакнувајќи дека бомбите и смртта се присутни низ целата енклава, додека Ерусалимскиот патријарх Пицабала и папата Лав XIV ги повикаа сите страни на прекин на огнот и дипломатски решенија.
Кардиналот Зупи, назначен од папата Франциск за мировен пратеник за Украина, е познат и по посредувањето во размена на заложници и неговите дипломатски напори за мир во конфликтни региони.