Свет
(Видео) Индонезискиот вулкан исфрли пепел 18 километри во воздухот, евакуирани над 4.000 луѓе

На индонезискиот остров Флорес, вулканот Левотоби Лаки-лаки повторно еруптираше, испраќајќи огромен облак од пепел во воздух во висина од 18 километри. Ерупцијата, која започна во понеделник наутро, предизвика нова рунда евакуации, бидејќи локалните власти ја прошируваат опасната зона. Највисоко ниво на тревога е во сила, објавува Би-би-си.
Indonesia's Mount Lewotobi Laki Laki volcano has erupted.pic.twitter.com/aT6UHMLb5X
— Thomas Sowell Quotes (@ThomasSowell) June 17, 2025
Досега нема извештаи за жртви, но повеќе од 4.000 луѓе веќе ги напуштиле своите домови. Според локалната агенција за катастрофи, бројот на евакуирани лица расте. Најмалку 24 летови до и од популарниот туристички остров Бали беа откажани во понеделник поради вулканска активност, а дел од воздушниот сообраќај беше обновен во вторник наутро.
Според Мухамед Вафид, раководител на индонезиската геолошка агенција, ерупцијата во 11:05 часот по локално време беше најсилната од ноември минатата година.
Indonésie 🇮🇩 – Lewotobi
🔸 D'autres images de l'impressionnante éruption explosive du Lewotobi Laki Laki en Indonésie.
Je rappelle, la colonne éruptive s'élève à 18 000 m au-dessus du cratère.
📹 De Putra Milanisti pic.twitter.com/qwqKPnpXnH
— 𝐆𝐞𝐨𝐓𝐚𝐥𝐞𝐬 (@GeoTales_) July 7, 2025
„Ерупција од ваков обем сигурно носи поголем ризик, вклучително и влијанието врз воздушниот сообраќај“, изјави Вафид за Асошиејтед Прес.
Поради зголемениот ризик, властите ја проширија опасната зона на седум километри од централниот отвор на вулканот. Издадени се и предупредувања за можни поплави, калливи порои од вулкански материјал, доколку регионот го погодат обилни дождови.
Вулканот повторно еруптираше околу 19:30 часот во понеделник навечер, исфрлајќи пепел и лава во висина до 13 километри. Трета ерупција се случи во вторник во 5:53 часот наутро, но со помал интензитет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Се урна покрив на супермаркет во Германија, двајца се тешко повредени

Две лица се тешко повредени, а уште двајца се со полесни повреди при делумно уривање на покрив на супермаркет во Лаухринген, Југозападна Германија, во близина на границата со Швајцарија, соопшти полицијата, пренесува ДПА.
Инцидентот се случил вчера околу 17:45 часот по локално време во делот на супермаркетот каде се наоѓала контролната сала, во квартот Валдшут.
Причините за уривањето се уште се истражуваат, а не е познато колку купувачи биле во продавницата во моментот на несреќата.
Свет
Руските сили извршија нов масовен напад врз повеќе региони во Украина, меѓу загинатите е и бебе

Руските сили ноќеска извршија нов масовен напад врз повеќе региони во Украина, меѓу кои и главниот град Киев, каде е погодена главната зграда на украинската влада. Во нападот, како што соопштија утрово украинските власти, убиени се три лица, меѓу кои и едно бебе.
Според извештатите, Киев бил цел на напади со беспилотни летала и ракети истрелани од Русија, а покрај убиените, во нападот се повредени и 18 лица, а десетици згради биле опожарени.
Ова е првпат зграда на украинската влада да биде оштетена во руски напад од почетокот на војната.
Свет
Зеленски тврди дека речиси 60 проценти од оружјето што го користи украинската армија се произведува во Украина

Украинскиот претседател Володимир Зеленски изјави синоќа дека речиси 60 проценти од оружјето што го користи украинската армија се произведува во Украина. Тој, во своето редовно вечерно обраќање до нацијата, додаде дека ова претставува надминување на целта што ја поставил пред два месеца.
– За време на војната, Украина стигна до тоа речиси 60 проценти од оружјето што е во рацете на нашите војници да биде украинско производство, рече Зеленски во видеообраќањето.
– И тоа се моќни оружја, со низа модернизации, нагласи тој.
Зеленски и други украински претставници со месеци го истакнуваат напредокот во домашното производство на оружје како клучен фактор за идната одбрана на земјата.
Во обраќањето тој се осврна и на заедничкиот проект за производство на оружје со Данска. Во јули, Зеленски го повика новото владино раководство да обезбеди најмалку 50 проценти од оружјето за армијата да се произведува во Украина.
Тогаш тој наведе дека украинското производство обезбедува околу половина од оружјето на армијата – највисоко ниво од прогласувањето на независноста на земјата во 1991 година.