Свет
(Видео) Иран го ракетира Пакистан, Пакистанците се закануваат со одмазда: Убивте две девојчиња

Пакистан остро го осуди иранскиот воздушен напад, во кој загинаа две деца, нарекувајќи го „неиспровоцирано нарушување на воздушниот простор“ и заканувајќи се со одмазда. Иран тврди дека користел „прецизни проектили и беспилотни летала“ за да уништи две упоришта на сунитската милитантна група Џаиш ал-Адл во областа на селото Кох-е-Сабз во пакистанската југозападна провинција Балучистан.
Нападот доаѓа откако еден ден претходно Иран лансира проектили врз северен Ирак и Сирија, што е најновата ескалација на непријателствата на Блискиот Исток. Постои ризик војната во Газа да се претвори во поширок регионален конфликт. Пакистанското Министерство за надворешни работи соопшти дека во нападот на нејзина територија биле убиени „две невини деца“ и го предупреди Иран на „сериозни последици“.
Тие го опишаа воздушниот напад како „неиспровоцирано нарушување на неговиот воздушен простор од страна на Иран во пакистанска територија“.
„Уште позагрижувачки е што овој незаконски чин се случи и покрај постоењето неколку канали за комуникација меѓу Пакистан и Иран“, додаваат тие во соопштението.
Pakistani location which was hit by Irani missile….#Iran #IranAttackPakistan #Pakistan pic.twitter.com/awCLZ3kxNZ
— Mr Sinha (@MrSinha_) January 17, 2024
По нападот, нуклеарно вооружениот Пакистан поднесе силен протест кај висок функционер во иранското Министерство за надворешни работи во Техеран и го повика иранскиот вршител на должноста велејќи дека „одговорноста за последиците ќе биде директно на Иран“.
Милитантната група Џаиш ал-Адл доцна синоќа објави дека иранската Револуционерна гарда употребила шест нападни беспилотни летала и налет од ракети за да уништи две куќи во кои живееле децата и жените на нејзините борци.
Властите во провинцијата Балучистан изјавија за Си-ен-ен дека две девојчиња се убиени, а најмалку четири лица се повредени. Тие истакнаа дека станува збор за девојчиња на возраст од осум до 12 години, кои биле во оштетени куќи во селото Кох-е-Сабз.
Локалниот функционер Мумтаз Кетран истакна дека цел била и џамијата во близина на куќите и дека била погодена за време на нападот. Селото Кох-е-Сабз, на 50-ина километри од пакистанската граница со Иран, е познато како дом на Мула Хашим, поранешен командант на Џаиш ал-Адл, кој беше убиен во судирите со иранските сили.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Голем број верници се собраа во Рим за да му оддадат почит на папата: „Тој беше посебен, на сите христијани ќе им недостига“

Голем број граѓани на Италија и од други земји се собраа во базиликата „Света Марија Велика“ во Рим, каде што ќе бидат положени посмртните останки на папата Франциско, за да му оддадат почит на починатиот поглавар на Римокатоличката црква.
На тоа место се собраа голем број медиуми од целиот свет, а има и такви на плоштадот пред базиликата „Свети Петар“, каде што ќе се одржи погребот на папата Франциско в сабота, 26 април.
Меѓу собраните е и Евертон Коелјо од Бразил, кој моментно живее во Германија.
„Вчераутро пристигнавме во Рим. Кога вчера шетавме во градот, ја слушнавме многу тажната вест дека папата Франциско починал. Бевме изненадени и многу тажни. Тој беше харизматичен папа. Беше од Аргентина, Јужна Америка. И ние доаѓаме од Јужна Америка, па затоа чувствуваме дека е уште поблизок до нас. Беше приземен, многу близок до луѓето. Не живееше во замок, живееше едноставен живот“, изјави Коелјо за „Танјуг“.
Коелјо понатаму наведува дека ова е најголемата порака што папата Франциско ја остава зад себе.
„На христијаните многу ќе им недостига. Пред да дојдеме се обидовме да присуствуваме на мисата. За жал, минатата недела добивме порака дека папата нема да може да присуствува и дека ја откажале. А сега кога слушнавме дека нè напушта, многу е тажно“, рече Коелјо.
Друг Бразилец, кој денес беше во Рим, за „Танјуг“ вели дека го памети папата Франциско како едноставна личност, но и како некој што го сака фудбалот.
„Се сеќавам дека папата беше навивач на ‘Сан Лоренцо’ во Аргентина. Папата беше одлична личност за мене“, рече соговорникот.
Жителка од Рим за „Танјуг“ вели дека се сеќава на многу од она што го кажал папата Франциско оценувајќи го како неверојатно.
„Мислам дека ќе биде тешко да се најде замена за него“, рече тој.
Погребот на папата Франциско ќе се одржи в сабота, 26 април, во 10 часот наутро на плоштадот пред базиликата „Свети Петар“.
Претходно денес, беше објавено дека телото на починатиот папа ќе биде однесено во базиликата „Свети Петар“ в среда во 9 часот наутро.
Свет
ММФ: Светската економија значително ќе забави, на САД драстично

Меѓународниот монетарен фонд (ММФ) ги намали своите прогнози за економски раст за 2025 година велејќи дека зголемувањето на царините и општата неизвесност ќе доведат до значително забавување.
Во својата најнова глобална прогноза,ММФ предвидува дека светската економија ќе порасне за 2,8 процента оваа година, што е намалување во однос на претходната проценка од 3,3 проценти.
Најголем пад меѓу развиените економии забележаа Соединетите Американски Држави – сега се очекува раст од 1,8 процент во споредба со претходната процена од 2,7 процента.
Прогнозата за раст за Обединетото Кралство е исто така намалена – од претходните 1,6 процент на 1,1 процент во 2025 година.
Свет
Италија прогласи петдневна жалост за смртта на папата Францискo

Советот на министрите на италијанската влада денес прогласи петдневна национална жалост за смртта на папата Францискo.
Периодот на жалост почнува денес, потврдија владини извори, пренесува „Анса“.
Советот на министрите денес свика вонредна седница за да разгледа неколку прашања, вклучително и прогласување ден на жалост.
Папата Францискo почина во понеделникот во ватиканската резиденција „Санта Марта“ во 7.35 часот наутро од мозочен удар, проследен со кома и неповратен кардиоваскуларен колапс.
Погребот на папата Францискo ќе се одржи в сабота, 26 април, во 10 часот наутро на плоштадот пред базиликата „Свети Петар“, објави „Анса“ повикувајќи се на соопштението од Ватикан.
Телото на папата Францискo моментно е изложено во капелата на резиденцијата „Санта Марта“, каде што тој живееше во текот на 12-те години додека беше на чело на Римокатоличката црква, објави „Ројтерс“.
На плоштадот Свети Петар во Рим, денес, во 19.30 часот, ќе се одржи молитва предводена од деканот на Колеџот на кардиналите, кардиналот Џовани Батиста Ре.