Свет
(Видео) „Кога ќе се раздени, веројатно ќе ги собираме телата“, вели шеф на полиција на Флорида

Во Брадентон, Флорида, е 4 часот наутро, а шефот на градската полиција разговараше со новинарите на Би-би-си неколку часа по пристигнувањето на ураганот Милтон. Мелани Беван вели дека нејзините колеги ги поминале последните три дена евакуирајќи ја канцеларијата.
Нејзиниот тим префрли повеќе од 45.000 парчиња имот, докази, оружје и опрема на безбедна локација – „сето тоа во подготовка за денес“, вели таа. Беван и другите полицајци моментно се во новата зграда, спроти полициската управа, која е изградена да издржи урагани од петта категорија, гледајќи како подигнувањето на нивото на морето драматично го зголемува нивото на водата на реката што минува во градот.
Bank of America building in Bradenton, Florida, has its roof ripped off due to Hurricane Milton. #HurricanMiltonpic.twitter.com/JE0QxCIx6z
— Breaking News (@TheNewsTrending) October 10, 2024
„Нивото на водата веќе е зголемено еден метар и сè уште закрепнуваме од ураганот Хелен, кој не погоди минатата недела“, вели таа. Беван вели дека имало значителни ветрови во првите неколку часа од доаѓањето на Милтон, па додава дека ова второ полувреме е многу полошо.
„Удира силно, снимаме налети на ветер од 180 км/ч. Гледаме покриви и дрвја летаат наоколу. Прилично е грдо таму“, додава.
Запрашана за плановите за спасување на оние што избраа да не се евакуираат, Беван вели: „Мислам дека нема да има спас по смирувањето на бурата… Она што, веројатно, ќе го најдеме наутро – ќе бидат само се тела“.
Таа вели дека полицајците им рекле на жителите да го напишат своето име и името на своите најблиски на рацете со црн фломастер „за да најдеме некој да дојде да ги земе нивните тела“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Кина го губи „Тик-ток“ во САД, „Бајт денс“ останува со мал удел

Американскиот претседател Доналд Трамп потпиша уредба со која се потврдува договорот за одвојување на „Тик-ток“ од кинеската компанија „Бајт денс“ и пренос на мнозинскиот удел во рацете на американски инвеститори.
Според планот, конзорциум предводен од софтверскиот гигант „Оракл“ ќе управува со американските операции на „Тик-ток“, ќе ги чува податоците во домашни сервери и ќе добие лиценца за алгоритмот што препорачува содржини. Очекувањата се американските инвеститори да држат околу 80 отсто од уделите, додека „Бајт денс“ ќе остане со минорен дел.
„Тик-ток“ во САД има околу 180 милиони корисници, а со овој договор платформата ќе продолжи да биде достапна под американска контрола и построг надзор. Од администрацијата на Трамп велат дека целта е заштита на националната безбедност и податоците на корисниците.
Свет
Трамп: Нема да дозволам Израел да го анектира Западниот Брег

Американскиот претседател Доналд Трамп изјави дека нема да дозволи Израел да го анектира Западен Брег, одбивајќи ги барањата на дел од крајно десните израелски политичари за проширување на израелскиот суверенитет врз оваа територија.
„Не, нема да дозволам. Тоа нема да се случи. Доста е, време е ова да запре“, рече Трамп во Белата куќа, објаснувајќи дека темата ја покренал по телефонскиот разговор со премиерот Бенјамин Нетанјаху за состојбата во Појасот Газа.
Притисокот за анексија доаѓа од дел од десното крило на коалицијата на Нетанјаху, кое бара формално воведување на израелскиот суверенитет врз Западен Брег. Овие барања предизвикуваат силна загриженост кај арапските лидери, од кои дел се сретнаа со Трамп на маргините на Генералното собрание на Обединетите нации во Њујорк.
Западен Брег е освоен од Израел во војната во 1967 година. Палестинците со децении го бараат како дел од својата идна држава, заедно со Источен Ерусалим и Појасот Газа. На оваа територија денес живеат околу 2,7 милиони Палестинци и околу 700.000 израелски доселеници. Повеќето земји во светот не ги признаваат израелските населби таму и ги сметаат за нелегални според меѓународното право.
Изјавата на Трамп доаѓа во чувствителен момент на засилени судири во Газа и зголемен дипломатски притисок за изнаоѓање долгорочно решение за израелско-палестинскиот конфликт.
Свет
Трамп најави нови царини на лекови, камиони и мебел

Американскиот претседател Доналд Трамп објави дека од 1 октомври ќе стапат на сила нови царини: 100 отсто на увоз на брендирани лекови, 25 на тешки камиони, 50 на кујнски ормари и 30 проценти на тапациран мебел.
Трамп изјави дека целта е заштита на домашното производство и националната безбедност, додека Американската стопанска комора и повеќе сојузници предупредија дека мерките ќе ги погодат блиските трговски партнери и голем дел од индустријата.