Контакт

Свет

(Видео) Кој ја уништи ХЕ „Каховка“: кога би ја разнела браната, Русија би си пукала в нога

Објавено пред

2 години

Го користи ли Западот стариот и добро проверен рецепт на префрлање на вината вперувајќи прст кон Русија за уништување на браната „Нова Каховка“ во време кога украинските сили, според руските власти, продолжуваат со гранатирање на оваа хидроцентрала на реката Днепар.

dobivaj vesti na viber

Според „РТ Балкан“, кој посочува на методологијата на западните сојузници на Киев, тоа не би било ништо чудно.

Истото тоа се случи кога се тврдеше дека Русите ја бомбардирале нуклеарната централа „Запорожје, а меѓу бисерите е и подметнувањето во врска со саботажата на гасоводот „Северен тек“ за што Киев и нејзините сојузници ја обвинуваа Русија сѐ додека добитникот на Пулицерова награда, Симор Херш, не го разоткри заговорот зад кој се најде американскиот претседател Џо Бајден.

Овој пат меѓу првите што го обвинија Кремљ за напад на хидроцентралата беше претседателот на Европскиот совет, Шарл Мишел, кој истакна дека „ние ќе ги сметаме за одговорни Русија и нејзините полномошници“.

Украинскиот претседател Володимир Зеленски само го повтори обвинувањето покажувајќи кон, како што рече тој, „руските терористи“.

„Терористите нема да може да ја спречат Украина ниту со вода, ниту со проектили, ниту со нешто друго“, напиша тој на „Телеграм“ прецизирајќи дека браната била разнесена со експлозив поставен однатре.

Експлозијата на ХЕ „Каховка“ го направи Зеленски и „јасновидец“ бидејќи на крајот на минатата година „му се кажа“ дека „Русите ќе ја уништат оваа хидроцентрала“ и тврдеше дека таму веќе бил поставен експлозив.

Откако западните функционери побрзаа да ги обвинат Русите, се огласи и шведскиот воено-политички аналитичар Микел Валтерсон наведувајќи три можни верзии за експлозијата кај „Каховка“ – едната е дека била уништена од Русите, втората дека Украинците се виновни, а третата е дека браната едноставно попуштила поради оштетувања од претходно гранатирање.

„Нема причина Русија да ја крене браната во воздух бидејќи водата што тече на југ најмногу ќе се излее на руската, лева страна на реката и руските позиции таму. Значи, главните алтернативи се или дека Украинците ја уништиле во подготовка за летната офанзива или браната се урнала под притисок на водата поради оштетување на конструкцијата“, посочува тој.

Интересно е што хидроцентралата, која е под контрола на Русија од почетокот на војната, беше речиси континуирано гранатирана од Украина и тоа толку агресивно што уште во октомври Русија испрати писмо до Советот за безбедност на ОН, во кое ги повика да го спречат уривањето на браната.

Намерите на Киев ги покажува и видеото што беше објавено во септември минатата година на проукраинскиот канал Truha Ukraina, најголемиот канал на „Телеграм“ од Харков.

„Еве го одговорот на вооружените сили на Украина: нашите борци ја гаѓаа браната на хидроцентралата ‘Каховка’ во регионот Херсон. Руси, си набавивте ли патки на надувување?“

Видеото беше отстрането токму денеска, но интернет памети сѐ, па овој доказ за украинската одговорност е зачуван.

Зошто на Русија не ѝ одговара, а Украина има корист од уништувањето на браната „Каховка“? Една од можните цели на нападот на украинската армија врз „Каховка“ би бил обидот да се поплават позициите на руската одбрана, а пред сѐ, минските полиња, што би го олеснило влегувањето на украинските војници.

Американскиот воен аналитичар со украинско потекло, Мајкл Кофман, уште лани разгледувајќи истакна дека е малку веројатно Кремљ да ја крене во воздух „Каховка“ затоа што поплавите што би следувале би го зафатиле левиот брег на Днепар, кој ѝ припаѓа на Русија.

„Кога би ја уништила браната, Русија, во основа, би си пукала в нога. Тоа би го поплавило делот од Херсон, кој е под руска контрола многу повеќе отколку западниот дел, што Украинците веројатно ќе го ослободат“, прогнозира Кофман.

И аналитичарот Џејмс Блек од корпорацијата „Ранд“, која соработува со Пентагон, тврдеше лани дека уништувањето на „Каховка“, всушност ќе му биде од корист на Киев.

„Вашингтон пост“ на крајот на декември напиша украинската армија не само што имала план да ја уништи „Каховка“, туку дека дури и го тестирала нападот.

„Целта беше да се принудат на бегство 25.000 руски војници во тој дел на Херсон, одвоени од своите резерви со широката река. Ако се изврши доволен воен притисок, Москва нема да има друг избор, освен да се повлече“, рече во таа пригода генерал-мајорот Андриј Ковалчук, кој имаше задача да ја води контраофанзивата во Херсон.

Според „Вашингтон пост“, Ковалчук ​​размислувал да ја поплави реката. Како што и самиот рекол, Украинците дури извршиле пробен напад со ХИМАРС и направиле три дупки во металот на браната за да видат дали водата од Днепар може да се издигне доволно за да ги запре руските преминувња.

„Тестот беше успешен, но тој чекор остана последна опција“, рече Ковалчук.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Свет

(Видео) Израелската армија упадна во бродот на Грета Тунберг

Објавено пред

7 минути

- 9 јуни, 2025

Од

Израелските сили пресретнаа брод со хуманитарна помош што пловел кон Газа, на кој биле активистката за климатски промени Грета Тунберг, актерот од „Игра на тронови“ Лиам Канингем и француската европратеничка Рима Хасан. Сите беа задржани и однесени во Израел.

dobivaj vesti na viber

Коалицијата „Фридом Флотила“ (FFC) претходно објави дека израелската војска се качила на бродот „Мадлин“, кој се обидувал да достави помош во Газа. Во енклавата, 2,1 милиони луѓе се соочуваат со сериозна криза со глад по повеќе од 600 дена војна и 11-неделна целосна блокада на помошта, објави Си-ен-ен.

Израелското Министерство за надворешни работи објави во понеделник наутро (локално време) дека бродот „безбедно се движи кон израелскиот брег“ и дека се очекува патниците да се вратат во своите матични земји.

„Дронови кружат околу бродот, испуштаат бела супстанца“
Видео споделено на социјалните мрежи го прикажува екипажот на бродот, облечен во портокалови елеци за спасување, како седи еден до друг додека војник им подава вода и сендвичи. Грета Тунберг седи близу до предниот дел од групата.

Коалицијата „Фридом Флотила“ претходно објави на Телеграм дека бродот бил „нападнат во меѓународни води“.

„Дронови кружат околу бродот, испуштајќи бела супстанца слична на боја. Врската е изгубена и се емитуваат вознемирувачки звуци преку радио“, се вели во нивната објава. Израелското Министерство за надворешни работи објави видео од морнар кој му кажува на екипажот на бродот преку радио дека „морската зона покрај брегот на Газа е затворена“.

Коалицијата, исто така, објави видео на Телеграм на кое се гледаат членови на екипажот како седат во бродот со кренати раце.

Откако комуникацијата со бродот беше изгубена, Коалицијата почна да објавува однапред снимени пораки од активисти, вклучувајќи ја и Грета Тунберг. „Ако го видите ова видео, бевме пресретнати и киднапирани во меѓународни води од страна на израелските окупаторски сили или сили што ги поддржуваат“, рече Тунберг во својата порака.

Израел повеќе пати повтори дека нема да дозволи бродот да стигне до Газа и го нарече бродот „селфи јахта“ со „познати личности“.

„Им наложив на израелската војска да го спречат бродот ‘Мадлин’ да стигне до Газа“, изјави во неделата министерот за одбрана Израел Кац.

Откако екипажот беше задржан, портпаролот на министерот Кац изјави дека на војската ѝ било наредено да им покаже на активистите снимки од нападот на Хамас врз Израел на 7 октомври 2023 година, веднаш по нивното пристигнување во пристаништето Ашдод.

Прикажи повеќе...

Европа

(Видео) Жестоки руски напади во западна Украина, Полска ги подигна воените авиони

Објавено пред

33 минути

- 9 јуни, 2025

Од

Полските и сојузничките авиони беа активирани рано утрово за да ја обезбедат безбедноста на полскиот воздушен простор откако Русија започна воздушни напади насочени кон западна Украина, близу до полската граница, соопшти Оперативната команда на полските вооружени сили.

dobivaj vesti na viber

„Преземените чекори имаат за цел да ја обезбедат безбедноста во регионите што се граничат со ризични зони“, соопшти Командата на Икс.

Цела Украина беше под тревога за воздушен напад од 2 часот наутро во понеделник откако украинските воздухопловни сили предупредија за напади од руски ракети и беспилотни летала.

Во Ривне, град во северозападна Украина, далеку од фронтовските линии, беа пријавени повеќе експлозии во услови на нов бран напади со беспилотни летала и ракети.

Масовниот напад доаѓа само неколку дена откако Русија лансираше 452 беспилотни летала и 45 ракети врз украински цели во ноќта на 6 јуни – што се смета за еден од најголемите воздушни напади од почетокот на војната. Кремљ вели дека нападот бил одговор на украинската операција „Пајакова мрежа“, во која беспилотни летала нападнаа руски стратешки авиони.

Украинските воздухопловни сили издадоа воздушни предупредувања во неколку региони во текот на ноќта на 8 и 9 јуни, предупредувајќи за заканата од балистички ракети и беспилотни летала „Шахед“.

Експлозии беа пријавени во Киев, како и во Ривне.

Прикажи повеќе...

Свет

(Фото) Првите припадници на Националната гарда пристигнаа во Лос Анџелес, најавени се нови протести

Објавено пред

11 часа

- 8 јуни, 2025

Од

Околу 300 припадници на Националната гарда на Калифорнија се распоредени на три различни локации во поширокото подрачје на Лос Анџелес поради протестите што траат веќе два дена, поврзани со спроведувањето на имиграциската политика.

dobivaj vesti na viber

Висок претставник од Лос Анџелес за CBS изјави дека припадниците на Националната гарда се распоредени околу федералните згради во центарот на градот и во населбата Вествуд.

„Денеска ќе има неколку протести во Лос Анџелес. Градот и полицијата внимателно ги следат“, рече претставникот.

Тој додаде дека полицијата во Лос Анџелес уапсила 29 лица, речиси сите поради одбивање да се разидат – што според законите се смета за прекршок.

Истовремено, нагласи дека градските власти „ги поддржуваат правата на имигрантите“ и ја опиша ситуацијата како „замаглена и без позитивен исход“ за полицијата.

Во објава на социјалните мрежи, заменик-директорот на ФБИ, Дан Бонџино, информираше дека уапсените се соочуваат со федерални, локални и државни обвиненија.

„Операциите против нелегалната миграција ќе продолжат, а секој што ќе се обиде насилно да ги попречи или спречи тие акции ќе биде предмет на истрага и кривичен прогон. Веќе се уапсени повеќе лица во Лос Анџелес и Њујорк, а дополнителни истраги се во тек и веќе даваат резултати. Многу од уапсените ќе се соочат со федерални обвиненија, покрај локалните и државните. Ако изберете насилство, тоа нема добро да заврши по вас. Избирајте паметно“, порача Бонџино.

Том Хоман, комесарот за граница, за NBC News изјави дека локалните функционери во Калифорнија, вклучувајќи го гувернерот на Калифорнија и градоначалничката на Лос Анџелес, можат да бидат уапсени доколку продолжат да го попречуваат спроведувањето на федералната операција во областа на Лос Анџелес.

Хоман ги обвини гувернерот Гавин Њусом и градоначалничката Карен Бас дека „создаваат засолниште за криминалци“ и додаде дека никој од нив не е изземен од можноста за уапсување.

Според неговите зборови, службениците на американската имиграциска и царинска служба (ICE) во последните два дена уапсиле околу 150 илегални мигранти.

Ова следува по низа имиграциски акции спроведени во петокот, по кои избувнаа насилни демонстрации.

Претседателот Доналд Трамп одлучи да ја испрати Националната гарда во Лос Анџелес со цел, да се стави крај на „бездржавноста што се толерира со години“.

Прикажи повеќе...

Најново

Свет7 минути

(Видео) Израелската армија упадна во бродот на Грета Тунберг

Израелските сили пресретнаа брод со хуманитарна помош што пловел кон Газа, на кој биле активистката за климатски промени Грета Тунберг,...
Европа33 минути

(Видео) Жестоки руски напади во западна Украина, Полска ги подигна воените авиони

Полските и сојузничките авиони беа активирани рано утрово за да ја обезбедат безбедноста на полскиот воздушен простор откако Русија започна...
Македонија9 часа

(Фото+видео) Мицкоски: Извесно е дека градоначалниците на ВМРО-ДПМНЕ ќе победат, има шанси СДСМ да остане без ниту една општина

Следните избори, и локалните, но и следните парламентарни, две основни работи ќе бидат важни – првата ќе биде борбата против...
Македонија16 часа

Предлогот Азир Алиу да биде министер за здравство утре пред пратениците, Владата од него очекува макотрпна работа и посветеност

Собранието утре треба да го разгледа владиниот предлог Азир Алиу да биде министер за здравство. Во биографијата пишува дека Алиу...
Македонија17 часа

(Видео) Митева: Одморалиштето Пониква се става на располагање за рехабилитација на повредените од Кочани

Владата во текот на следната недела ќе донесе одлука со која одморалиштето Пониква, кое е во сопственост на Министерството за...
Македонија18 часа

(Видео) Петрушевски: 9 милиони евра завршиле во фирма на Заев од Бугарија блиска до Филипче за ископ на јаглен во време на СДС

Огромни суми на пари, кои се бројат во десетици милиони евра, од продажбата на јаглен на ЕСМ завршувале на сметки...
Македонија18 часа

(Видео) Кузеска: Масовна и груба партизација, објавуваме список за 50 партиски вработувања во РЕК Осломеј

Владата на ВМРО-ДПМНЕ спроведува масовна, бртутална партизација на институциите преку нова серија вработувања со партиски списоци, рече денеска на прес-конференција,...
Македонија20 часа

(Видео) Аврамовски: Наместо пари за питијади и ајваријади, општините да инвестираат во повеќе јавни паркинзи, зеленило и подобри услови во градинките и училиштата

Либерално-демократската партија (ЛДП) упатува јавен повик до општините ширум државата: да престанат со расфрлање на јавните средства за еднодневни настани...
Свет21 час

(Видео) Силен украински напад врз Москва: гори фабрика, затворени се аеродроми

Украинскиот напад со беспилотни летала врз Москва доведе до затворање на два клучни аеродроми што го опслужуваат главниот град, соопштија...
Свет21 час

(Фото) Трамп испраќа 2.000 војници од Националната гарда во Лос Анџелес поради демонстрантите

Администрацијата на американскиот претседател Доналд Трамп соопшти дека ќе испрати 2.000 војници од Националната гарда во Лос Анџелес по вториот...
Свет23 часа

Колумбискиот претседателски кандидат Мигел Урибе застрелан на изборен настан

Колумбискиот претседателски кандидат Мигел Урибе се бори за својот живот во болница откако беше застрелан во Богота. 39-годишниот сенатор, кој...
Македонија23 часа

Времето денеска ќе биде сончево и многу топло, од утре засилен северен ветер, пороен дожд и грмежи

Времето денеска ќе биде сончево и многу топло со мала до умерена локална облачност. Ќе дува слаб до умерен ветер...
Македонија2 дена

(Видео) Митева: Нов канал за директна комуникација со повредените во трагедијата во Кочани – 070 355 526

Од понеделник (9 јуни), Владата воспоставува директна телефонска линија – 070 355 526 за повредените во трагедијата во Кочани и...
Македонија2 дена

ИЈЗ издаде препораки за заштита од високите температури

Институт за јавно здравје повикува на почитување на мерките на заштита и претпазливост за време на високи амбиентни температури. „Кога...
Свет2 дена

(Видео) „Харков моментално го доживува најсилниот напад од почетокот на војната“ – најмалку тројца загинати, 22 повредени

Русија го нападна источниот украински град Харков со беспилотни летала, ракети и бомби, при што загинаа најмалку три лица, а...
Економија2 дена

ВМРО-ДПМНЕ: Kланот Заеви и Филипче преку шема на фирми препродавале јаглен на ЕСМ трипати поскапо и профитирале

Во време на ковид пандемија и енергетска криза Заев и Филипче се богателе врз грбот на граѓаните кои плаќаа драстично...
Свет2 дена

ЕУ се согласи да го зголеми времето на доцнење на летовите пред патниците да добијат надомест

ЕУ земјите се согласија да го зголемат времето на доцнење на авионските летови што е потребно за патниците да имаат...
Македонија2 дена

Невреме во Скопје: паднати дрвја, поплавени улици, заглавени возила кај „Мавровка“

Поплавени улици, паднати дрвја и пречки во сообраќајот во Скопје по денешното силно невреме проследено со пороен дожд, град и...
Свет3 дена

(Видео) Снимки од рускиот напад врз Киев: Уништени згради и други објекти, илјадници цивили поминале часови во засолништа

Русија рано утрово започна масовен напад со беспилотни летала и ракети врз Киев и други делови од Украина. Се чини дека...
Топ3 дена

Уапсен малолетникот кој избоде маж пред џамија во Студеничани

МВР го расчисти вчерашниот обид за убиство што се случи пред џамија во скопско Студеничани и го уапси осомничениот 16-годишник....