Свет
(Видео) Лавров за Орешник: Подготвени сме на се

Рускиот министер за надворешни работи Сергеј Лавров изјави дека употребата на хиперсонична балистичка ракета Орешник во војната во Украина е обид да се натера Западот да разбере дека Москва е подготвена да ги искористи сите средства за да се осигура дека нема да и биде нанесен „стратешки пораз“.
Во интервјуто со Такер Карлсон, водител близок на Доналд Трамп, емитувано синоќа на Х, Лавров рече: „Пораката е дека вие, мислам на САД и сојузниците на САД, кои исто така го снабдуваат ова оружје со долг дострел на режимот во Киев – тие треба да разберат дека ќе бидеме подготвени да ги искористиме сите средства за да ги спречиме да успеат во, како што го нарекуваат стратешки пораз на Русија“.
Лавров, исто така, рече дека е „многу сериозна грешка“ за било кој на Запад да претпостави дека Русија нема црвени линии или дека тие „постојано се движат“.
Russia’s longtime foreign minister describes the war with the United States and how to end it.
(0:00) Is the US at War With Russia?
(12:56) Russia’s Message to the West Through Hypersonic Weapons
(17:47) Is There Conversation Happening Between Russia and the US?
(23:18) How Many… pic.twitter.com/0UkkNjAkhw— Tucker Carlson (@TuckerCarlson) December 5, 2024
Да потсетиме, Русија пред две недели ја истрела својата нова хиперсонична ракета Орешник кон украинскиот град Днепар во големата ескалација на војната која трае речиси три години. Рускиот претседател Владимир Путин оттогаш се закани дека ќе употреби оружје против Киев како одговор на украинските напади на руска територија.
„Испраќаме сигнали и се надеваме дека последниот сигнал, пред неколку недели, со новиот вооружен систем наречен Орешник… е сфатен сериозно“, рече Лавров.
Иако инсистираше на тоа дека Русија не сака да ескалира ситуацијата и сака да „избегне какво било недоразбирање“ со Вашингтон и неговите партнери, Лавров предупреди дека „ќе испратиме дополнителни пораки доколку не ги донесат потребните заклучоци“.
Путин рече дека ракетата Орешник лета 10 пати побрзо од звукот и дека противвоздушната одбрана не може да ја пресретне. Украинскиот претседател Володимир Зеленски Зеленски го нарече нападот „последниот напад на руското лудило“ и повика да се распоредат системи за противвоздушна одбрана за да одговорат на новата закана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Сијарто: Украина погрешно мисли дека може да се приклучи на ЕУ без поддршката на Унгарија

Унгарскиот министер за надворешни работи Петер Сијарто изјави дека Министерството за надворешни работи на Украина погрешно мисли дека земјата може да се приклучи на Европската Унија без поддршката на граѓаните на ЕУ, вклучително и Унгарците.
Сијарто рече дека украинското Министерство за надворешни работи вчера тврдело дека Унгарците немаат право да одлучуваат за кандидатурата на Украина за ЕУ, пренесува агенцијата МТИ.
Тој истакна дека не е во надлежност на украинскиот претседател Володимир Зеленски, ниту на неговата влада, да одлучуваат за членството на Украина во ЕУ, туку граѓаните на ЕУ треба да одлучат. Додаде дека Унгарија не сака да учествува во пристапувањето кон ЕУ, „земја која носи закана од војна“, која ја загрозува „енергетската безбедност“ и некогаш „речиси донесе“ пропаст на унгарските земјоделци.
Сијарто рече дека Украина, иако бара поддршка од Унгарците, „систематски ги одзема малцинските права на унгарската заедница во Заткарпатија“ во последните десет години, пренесува Танјуг.
Свет
Да го имавме на нишан, ќе беше елиминиран: Кац за врховниот лидер на Иран

Израелскиот министер за одбрана Израел Кац изјави дека за време на неодамнешниот дванаесетдневен вооружен конфликт со Иран, Израел се обидел да го елиминира врховниот лидер на Иран, ајатолахот Али Хамнеи, но дека оперативната можност за тоа не се појавила.
„Да беше на наш нишан, ќе го елиминиравме“, рече Кац во интервју за израелскиот Канал 13, наведувајќи дека Израел интензивно го барал Хамнеи, но без успех, објави „Тајмс оф Израел“.
Според него, Хамнеи се засолнил „длабоко под земја“ и ја прекинал комуникацијата со воените команданти.
Кац потврди дека Хамнеи бил цел, но дека ситуацијата станала неуправлива.
„На крајот, едноставно не беше реално“, рече министерот и за јавниот сервис Кан.
На прашањето дали Израел барал одобрение од САД за операцијата, Кац одговори: „Не ни треба дозвола за овие работи“.
Американскиот претседател Доналд Трамп, исто така, јавно му се закани на Хамнеи, велејќи на 17 јуни на социјалните мрежи дека САД „точно знаат каде се крие таканаречениот „Врховен лидер““, додавајќи дека „тој нема да биде елиминиран – барем не засега“.
Кац во интервјуа нагласи дека Израел нема да продолжи да го таргетира Хамнеи по прекинот на огнот, кој стапи на сила два дена претходно, но му испрати предупредување.
Тој го спореди со лидерот на Хезболах, Хасан Насралах, кого Израел, според израелските претставници, го елиминираше минатата година.
„Не би му препорачал да се опушти. Треба да учи од покојниот Насралах, тој долго време седеше длабоко во бункерот. Му препорачувам да го стори истото“, рече Кац.
Кац го нарече Хамнеи „современ Хитлер“ кој „веќе не може да постои“.
Тој рече дека целта на Израел не е промена на режимот, туку „малтретирање на режимот во средината на операцијата и вршење притисок врз Иранците“.
Тој потврди дека Израел ја одржува воздушната супериорност над Иран и е подготвен повторно да дејствува ако Техеран ги обнови своите нуклеарни или ракетни програми.
„Нема да дозволиме Иран да развива нуклеарно оружје и ракети со долг дострел“, изјави тој за Канал 12.
Кац додаде дека политиката на израелската влада е да се однесува кон Иран со принудни мерки, моделирани според стратегијата применета во Либан, но „помножени со сто“.
Зборувајќи на почетокот на конфликтот на 13 јуни, Кац призна дека израелската влада не знаела дали САД ќе се приклучат на офанзивата, но дека постои верување дека САД ќе помогнат во одбраната на Израел.
„Одбранбено знаевме дека се со нас – и тие направија неверојатна работа“, рече тој.
Кац додаде дека Трамп презел политички ризик со тоа што ги поддржал израелските операции, и покрај противењето на дел од неговата база, но дека го сторил тоа откако ги видел успесите на израелската војска во раните фази од конфликтот.
Тој, исто така, призна дека Израел не знае каде се наоѓаат сите залихи на збогатен ураниум на Иран, но тврди дека израелските напади сериозно го оштетиле капацитетот за збогатување на Техеран.
„Самиот материјал не требало да биде отстранет“, изјави тој за Канал 12.
Додека некои проценки сугерираат дека нуклеарната програма на Иран е запрена за само неколку месеци, израелските и американските претставници, вклучувајќи го и Кац, проценуваат дека ќе бидат потребни години за Техеран да се опорави.
„Ќе им требаат многу години, но ние нема да дозволиме тоа да се случи“, истакна тој.
Коментирајќи ја ситуацијата во Газа, Кац рече дека Израел нема да дозволи конфликтот да се претвори во „војна на исцрпување“, но дека војната мора да се заврши со демонтирање на воените и административните структури на Хамас и враќање на преостанатите 50 заложници.
Свет
ЕУ ги продолжува санкциите кон Русија

Лидерите на земјите-членки на Европската Унија (ЕУ) го поддржаа обновувањето на секторските санкции против Русија за уште шест месеци, до јануари 2026 година.
Рокот за продолжување на секторските санкции е 31 јули, а овој договор еден месец пред рокот е доста изненадувачки, со што се избегнува нова драма со Унгарија, која постојано се заканува дека ќе одбие да даде согласност без што нема продолжување на санкциите, пишуваат медиумите во регионот.
Според анализите, санкциите на ЕУ мора да се обновуваат на секои шест месеци. Постојат две групи санкции, секторски како што се забрана за извоз на разни производи во Русија и список на лица и компании на кои им е забранет влез и замрзнати средства.
Секторските санкции се обновуваат во јануари и јули, а списокот на лица и компании во март и септември.
Од друга страна, сè уште нема договор за најновиот, 18-ти предлог за санкции против Русија, на кој Словачка и Унгарија се спротивставуваат. Двете земји бараат да им се дозволи да продолжат да купуваат руски гас и нафта.
Комисијата неодамна предложи ЕУ дефинитивно да се ослободи од зависноста од руските фосилни горива до крајот на 2027 година.