Свет
(Видео) Латвија уапси 26 лица што го славеле Денот на победата и покрај забраната

Триесетина жители на Латвија, која е членка на ЕУ и на НАТО, биле уапсени во вторникот поради кршење на законот против славењето на победата на Советскиот Сојуз над нацистичка Германија, пренесува РТ.
Латвиската полицијата дури му ја одзела и јакната со испишано „Русија“ на човек во инвалидска количка, а друг Латвиец бил уапсен затоа што носел советски медали на јавно место.
Во билтенот на латвиската полиција вчера биле пријавени вкупно 26 апсења, 38 прекршочни пријави и четири кривични пријави, пренесува „Делфи“. Иако повеќето случаи се регистрирани во главниот град Рига, повеќе апсења имало и во Даугавпилс.
Во еден инцидент, постар граѓанин, што полицијата го опишала како „премногу млад за да биде ветеран од Втората светска војна“, се појавил облечен во јакна со советски медали. Кога полицијата му рекла да ги тргне, тој дал отпор при апсењето.
Nulles tolerance Daugavpilī: policija aiztur pirmo 9. maija svinētāju.
Lasi vairāk: https://t.co/grnWQtItTI pic.twitter.com/KI3RcKH3HL
— TV3 Ziņas (@TV3zinas) May 9, 2023
Петмина Латвијци биле уапсени за полагање цвеќе „со симболите на воената агресија“ на Споменикот на слободата во Паркот на победата во Даугавпилс и подоцна биле обвинети за „јавно истакнување симболи со кои се глорифицираат милитаристичката агресија и воените злосторства“.
Двајца мажи што зборувале руски биле приведени во паркот „Дубровински“ во Даугавпилс откако дале изјави за „ТВ 3“, а подоцна биле обвинети зашто изјавиле дека во Украина на власт се вратиле фашистите со поддршка од ЕУ.
Латвискиот парламент во април ја забрани прославата на Денот на победата како „омаловажување и поткопување на вредностите на Летонија како демократска и национална држава преку поделба на општеството, глорификација на војната, воената агресија и на тоталитаризмот, како и лажно толкување на историските настани“.
Pārdaugavā monumentu okupācijas armijai novāca, bet Daugavpils centrā to lēma atstāt. Lielākais Baltijas valstīs. Šodien👇🏻 ,kā jau katru gadu 9.maijā, 🇷🇺faniem ir kur pulcēties. pic.twitter.com/PKo52JMgXs
— Nepareizais (@realNepareizais) May 9, 2023
Летонците, сепак, масовно излегоа да положат цвеќе на гробиштата и спомениците на борците од Втората светска војна. Повеќето апсења и казни беа за полагање цвеќиња на забранети места, на кои своевремено имало советски споменици пред владата во Рига да ги уништи.
Латвија и другите балтички републики, кои беа дел од Советскиот Сојуз до 1991 година, тврдат дека советскиот период кај нив бил незаконска окупација и често ги глорифицираат како патриоти некогашните соработници на нацистичка Германија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Путин: Подготвени сме да ги скратиме воените буџети за 50 отсто заедно со Америка

Рускиот претседател Владимир Путин изјави дека Русија е подготвена да разговара со САД за можноста за намалување на буџетот за одбрана.
Путин посочи дека намалувањето на трошоците за 50 отсто би било добра идеја, што може да направи значителен чекор кон намалување на воениот буџет и негово фокусирање на други приоритети, пренесуваат медиумите во регионот.
Путин ја коментираше војната во Украина, велејќи дека Доналд Трамп сака да ја подобри „политичката ситуација“, но додаде дека таков обид повеќе и користи на Украина отколку на Русија. Рускиот претседател ги осуди и актуелните европски лидери, посочувајќи дека тие се „посветени на режимот во Киев“ и не можат да се „мрднат“ од оваа позиција без да го изгубат образот.
Тој конкретно се осврна на украинскиот претседател Володимир Зеленски, наведувајќи дека Русија и САД „сакаат да постигнат мир во Украина што е можно поскоро“, но дека активностите на Зеленски ја спречуваат таа цел, според написите.
Путин истакна дека украинскиот претседател „се натера во ќорсокак“ со забраната за преговори со Русија, што, според него, го отежнува постигнувањето мир во регионот.
Свет
Почина американската пејачка Роберта Флек

Американската пејачка Роберта Флек почина на 89-годишна возраст.
Роберта Флек беше поп и R&B пејачка.
Веста за нејзината смрт ја потврди нејзиниот публицист, наведувајќи дека таа починала опкружена со семејството. Флек има освоено вкупно пет Греми награди, а во 2020 година и беше доделена награда за животно дело.
Родена како Роберта Клеопатра Флек во Блек Маунт, Северна Каролина, Роберта остави неизбришлива трага на светската музичка сцена. Нејзиниот пат до ѕвездите беше единствен. Иако покажа исклучителен музички талент уште од рана возраст, добивајќи целосна стипендија на Универзитетот Хауард на 15-годишна возраст, таа стана широко позната дури во раните триесетти години.
Пред да стане ѕвезда, таа поминала години предавајќи музика во средните училишта во Вашингтон, настапувајќи во клубови ноќе. Нејзиниот талент беше препознаен од џез-музичарот Лес МекКан, кој подоцна го опиша нејзиниот глас како глас кој „ја допира, ја заробува и удира секоја емоција што некогаш сум ја знаел“.
Меѓу другото, Роберта го отпеа големиот хит „Killing Me Softly With His Song“, а покрај ова препознатливи беа и нејзините песни „The First Time Ever I Saw Your Face“ и „Feel Like Makin’ Love“.
Регион
Вучиќ: Србија направи грешка со гласањето за резолуцијата на ОН, требаше да биде воздржана

Претседателот на Србија, Александар Вучиќ изјави дека смета оти Србија направила грешка со гласањето за европската резолуција во Генералното собрание на Обединетите нации со која се потврдува поддршката за Украина и нејзиниот територијален интегритет, но дека требало да биде воздржана.
„Мислам дека Србија денеска згреши, за тоа им се извинувам на граѓаните и сам ја сносам вината за тоа, затоа што претпоставувам дека сум уморен и оптоварен и не можам се да завршам“, изјави Вучиќ за тамошните медиуми.
Тој додаде дека Србија била воздржана за американскиот предлог за резолуција и дека „гласала токму онака како што треба“, наведувајќи дека според него требало да се воздржи и за прашањето за европската резолуција.
„И како што можете да видите, ова го кажувам во овој момент кога е сосема јасно дека поради ова ќе изгубам наклонетост или политички поени во ЕУ. Верувам дека Србија мораше да биде воздржана. Немам никој друг да обвинувам освен себе, не успеав доволно да се справам со тоа“, рекол Вучиќ, пренесува Бета.
Тој оцени дека Србија три години „трпела во најтешката можна ситуација“ во однос на невоведувањето санкции против Русија, додавајќи дека ставот на Србија „нема да биде урнат со една, две или три резолуции“.
Генералното собрание на ОН денеска усвои резолуција со која ја потврдува поддршката за Украина и нејзиниот територијален интегритет, на третата годишнина од почетокот на руската инвазија на таа земја.
САД не успеаја да го натераат Генералното собрание на ОН да ја усвои нивната резолуција со која се бара прекин на војната во Украина, без да се спомене руската агресија и територијалниот интегритет на нападнатата држава.
Текстот на резолуцијата подготвена од Украина и нејзините европски сојузници беше усвоен со 93 гласа „за“, 18 „против“, вклучително и САД и Русија и 65 воздржани. Србија гласаше за оваа резолуција.