Свет
(Видео) Макрон кришум си го извади скапиот часовник додека зборуваше за работничкиот минималец
Францускиот претседател Емануел Макрон, пред неколку дена ја бранеше својата пензиска реформа на францускиот ТВ канал ТФ1, каде се обиде да ги објасни мотивите за нејзиното воведување. Неговата пензиска реформа предизвика негодување кај Французите, кои со денови протестираат на улиците низ земјата. Протестите во Франција последните денови станаа крајно насилни и жестоки.
Покрај видеата од протестот, на интернет сега кружи и видео на кое Макрон ја брани реформата на телевизија и патем кришум го вади скапиот часовник од раката. Корисниците на социјалните мрежи го обвинуваат Макрон дека го извадил часовникот од 80.000 евра за време на интервјуто за да покаже дека не е богат човек отсечен од реалноста, пишува Гардијан.
Канцеларијата на Макрон раскажува поинаква верзија на приказната.
На социјалните мрежи, многу симпатизери на LFI, левата популистичка партија предводена од најгласниот противник на францускиот претседател Жан-Лук Меланшон, споделија видео на кое се гледа како Макрон носи Бел, а Рос Рос V1-92 Blue Steel часовник на почетокот на интервју.
C’est finalement l’image de cette interview #Macron13h :
Au moment de parler des “smicards” qui n’ont “jamais autant gagné de pouvoir d’achat”, il retire discrètement sa jolie montre de luxe, sous la table.
Cet homme est une farce. #Greve23mars pic.twitter.com/DvhreQ0S3n
— Clémence Guetté (@Clemence_Guette) March 23, 2023
Потпретседателот на LFI, Клеменс Гете, забележа дека Макрон го вади часовникот од под масата, бидејќи рече дека работниците со минимална плата во Франција никогаш немале поголема куповна моќ. „Тоа е вистинската слика на целиот разговор, овој човек е фарса“, напиша Гете на Твитер.
Видеото на кое Макрон го вади часовникот во студио ги преплави Твитер и ТикТок. Корисниците го обвинуваат францускиот претседател дека сака да го скрие своето богатство додека зборува за работниците со минимална плата, пишува француски БФМ.
Кабинетот на Макрон: Го извадил часовникот од технички причини
Елисејската палата го тврди спротивното од некои француски политичари и корисници на социјалните мрежи. Кабинетот на Макрон соопшти дека претседателот го симнал часовникот од технички причини, откако бил предупреден дека предизвикал бучава кога го удрил одмасата. На ЈуТјуб е достапно видео од интервјуто со Макрон, а на него може да се слушне моментот кога часовникот удира на масата.
Но, вревата се слуша кога Макрон зборува за протестите во Франција. После тоа, во продолжение на видеото може да се види дека Макрон всушност го вади часовникот од под масата. Кабинетот на Макрон наведува и дека споменатиот модел на часовник веќе неколку години не вреди 80.000 евра, туку чини 2.400 евра или помалку.
Моделот на часовникот што Макрон го носи на зглобот е персонализиран со грбот на францускиот претседател, што значи дека би можел да достигне многукратно повисока цена на пазарот, доколку претседателот одлучи да го продаде.
„Претседателот веќе го носел часовникот на други јавни настани, како што е финалето на Светското првенство во 2022 година во Катар и државната посета на Вашингтон минатиот декември“, изјавија од Елисејската палата за француски Индипендент.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вели дека Украина не изразила никаква благодарност за напорите на САД
Американскиот претседател Доналд Трамп денеска изјави дека Украина не изразила никаква благодарност за напорите на САД.
-„Лидерството“ на Украина изрази нулта благодарност за нашите напори, а Европа продолжува да купува нафта од Русија. САД продолжуваат да продаваат огромни количини оружје на НАТО, за дистрибуција во Украина (измамникот Џо даде сè, бесплатно, вклучително и „големи“ пари), напиша Трамп на платформата „Truth social“.
Тој ја даде изјавата додека високи функционери од САД, Украина и советниците за национална безбедност на Франција, Велика Британија и Германија разговараат за нацрт-планот на САД за завршување на војната во Украина во Женева.
-Војната меѓу Русија и Украина е насилна и ужасна војна која, со силно и вистинско американско и украинско лидерство, никогаш немаше да се случи. Започна долго пред да го земам мојот втор мандат, за време на администрацијата на заспаниот Џо Бајден, и само се влоши, рече Трамп.
„Доколку претседателските избори во 2020 година не беа наместени и украдени, немаше да има војна меѓу Украина и Русија…Наследив војна што никогаш не требаше да се случи, војна што е губитничка за сите, особено за милионите луѓе што толку непотребно загинаа, заклучи Трамп.
Свет
Зеленски: Мировниот план на САД може да вклучува елементи од клучно значење за Украина
Предлогот на САД за запирање на војната во Украина може да вклучува делови што се засноваат на украинските перспективи и се од клучно значење за украинските национални интереси, изјави денеска претседателот на земјата, Володимир Зеленски.
„Веќе имаме кратка информација од членовите на делегацијата за резултатите од првиот состанок и првите преговори“, напиша Зеленски на „Х“ за разговорите со ЕУ и САД во Женева.
-Работата продолжува за постигнување на главната цел што ја очекува нашиот народ: да се стави крај на крвопролевањето и војната, додаде тој.
Во исто време, американскиот претседател Доналд Трамп изјави дека украинските власти не изразиле никаква благодарност за напорите на САД по ова прашање, а Европа продолжува да купува нафта од Русија.
Свет
Фон дер Лајен: ЕУ мора да игра централна улога во обезбедувањето мир во Украина
Претседателката на Европската комисија (ЕК), Урсула фон дер Лајен, денеска изјави дека ЕУ мора да игра „централна улога“ во обезбедувањето мир во Украина и дека ова е еден од главните елементи за „праведен и траен мир и суверенитет на Украина“.
Делегација од Украина, европски безбедносни претставници и американска делегација предводена од државниот секретар Марко Рубио денеска се среќаваат во Женева за да разговараат за неодамна протечениот предлог на САД за прекин на војната во Украина.
Во соопштение објавено на веб-страницата на ЕК, фон дер Лајен изјави дека одржливиот мировен план, покрај запирањето на војната, не смее „да сее семе на иден конфликт“.
Таа додаде дека „границите не можат да се менуваат со сила“ и го отфрли ограничувањето на персоналот во украинската армија, што е една од точките на протечениот мировен план.
-Не може да има ограничувања на украинските вооружени сили што би ја направиле земјата ранлива на идни напади и со тоа би ја поткопале европската безбедност, се вели во соопштението.
Фон дер Лајен изјави дека „Украина мора да има слобода и суверено право да ја избере својата судбина“ и дека избрала „европска судбина“, додавајќи дека ЕУ ќе продолжи да работи со Украина, коалицијата на земји што ја поддржуваат Украина и САД за да се постигне „вистински напредок кон мирот“.
Таа изјави дека „клучен елемент“ на мировниот договор мора да биде и „враќањето на секое украинско дете киднапирано од Русија“.

