Свет
(Видео) „Митбастерите“ покажа колку бргу се случува имплозија: „Подморницата ‘Титан’ веројатно се распаднала во дел од секундата“

По неодамнешната катастрофа со подморницата „Титан“, повторно почна да кружи класичен клип од познатите „Mитбастерс“(Мythbusters), во кој тимот тестира како навистина изгледа имплозија.
Резултатот е прилично драматичен.
Симулација на имплозија на вагон
Тимот на „Митбастерс“ сакаше да симулира имплозија во огромен вагон цистерна, долг 20 метри и висок 4,5 метри, направен од челик со дебелина од 1,27 сантиметар. Вагонот е наменет да заштеди работи, како гориво, дури и во случај на излетување од шините.
Безбедносното „досие“, како што наведоа во клипот, е 99,99 отсто, а вагонот е дизајниран да трае половина век. Како може нешто такво спонтано да имплодира?
Ако навистина се случило, тоа има врска со притисок, објаснуваат од „Митбастерс“.
Разлика во притисокот
Вагонот се чистеше со пареа внатре и надвор, што создаде жешка средина внатре. Испуштањето пареа го помести воздухот. Но, ако предметот е затворен додека е уште топол, а потоа се остава да се излади, пареата се кондензира и внатрешниот притисок опаѓа.
Ова значи дека сега значително поголем надворешен притисок турка навнатре од површината.
Имплозијата ја покажаа, на пример, на метален контејнер, кој набргу се скрши под притисок.
Научниот принцип е јасен, останува само прашањето за размерот (на објектот)“, велат од „Митбастерс“.
Една атмосфера во симулацијата, а во случајот „Титан“ до 400
Иако ова изгледа драматично, Iflscience.com истакнува дека треба да се има предвид дека разликата во притисокот за овој вагон е само една атмосфера, а во случајот со подморницата „Титан“ притисокот бил околу 375-400 атмосфери. Под ваков притисок имплозијата би била значително побрза и подеструктивна, веројатно била скршена целата подморница за дел од секундата.
Делови од подморницата „Титан“ беа пронајдени во четвртокот по исчезнувањето на 18 јуни за време на спуштањето до потонатиот брод „Титаник“ на речиси 700 километри од Њуфаундленд, Канада. Во експлозијата на „Титан“ загинаа сите пет патници, а меѓу нив беше и извршниот директор на компанијата и пилот на подморницата, Стоктон Раш.
Откога почна да се развива ситуацијата со исчезнатата подморница, до моментот кога се дозна дека таа импплодирала, беше објавено дека раководството на компанијата претходно било предупредено за безбедносните проблеми со „Титан“, но дека ги игнорирале мерките и, генерално, избегнале проверка на стандардите, кои сè уште не постоеја поради нејзините иновации.
Во 2021 година Раш во интервју изјавил дека знаел дека прекршил некои правила кога ја градел својата подморница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
„Ситуацијата е критична“ – тревога во Хрватска поради ширење на антракс

Хрватскиот ветеринарски институт соопшти дека е потврден случај на антракс во Хрватска, во општината Врлика. По поморот на крави во овој регион, примероци од угинатите животни беа испратени на анализа, а резултатите потврдија дека се работи за заразна болест.
Иако претходно се претпоставуваше дека причината е труење, стручните ветеринарни служби од Загреб сега потврдија дека станува збор за заразна болест.
Повеќе од 50 говеда угинале во последниве дваесет дена.
Во лабораторија биле примени вкупно 13 примероци од угинати животни, од осум различни објекти (фарми).
– Ситуацијата е критична. Не можам ни да замислам како им е на сточарите во овој момент. Верувам дека секој ден им трае како цела година. Мораме сите да останеме прибрани. Истовремено се бориме и со африканската чума кај свињите на истокот од земјата, а веста за антракс не затекна токму за време на состанок во Осијечко-барањската жупанија за свинската чума. Ова е исклучително тешка ситуација – изјави министерот за земјоделство, шумарство и рибарство, Давид Влајчиќ, на вонредна прес конференција.
Антраксот е сериозна и ретка заразна болест предизвикана од бактеријата Bacillus anthracis и е позната уште од античко време, обично како болест на тревопасните животни.
Преживарите – говеда, кози, овци, коњи – погодени од антракс најчесто умираат ненадејно без очигледни знаци на болеста, иако некои може да доживеат зашеметување, тремор, лошо варење и тешкотии при дишењето. По смртта, трупот брзо отекува, а од телесните шуплини може да истече темен крвав исцедок.
Луѓето можат да се заразат со антракс преку кожата, со вдишување на спори или со консумирање на контаминирана храна, што резултира со развој на кожна, белодробна или цревна форма на болеста, од кои кожната форма е најчеста.
Најчест е кожниот антракс: се јавува по контакт на кожата со ткива или производи од заразени животни и се манифестира со појава на темни, безболни рани (црни пустули, кои изгледаат како мозолчиња) на изложените делови од телото, обично придружени со благи општи симптоми. Доколку не се лекува навреме, може да се прошири во крвотокот и да доведе до сепса.
Пулмоналната форма е поретка, но исклучително опасна. Се јавува по вдишување на неколку илјади спори, а болеста првично наликува на грип, но многу брзо напредува во тешка состојба со респираторни проблеми и шок, често со фатален исход.
Цревната форма се јавува по јадење заразено месо и се карактеризира со висока температура, повраќање, силна болка во стомакот и крвава дијареја, а смртноста е исто така висока без навремен третман.
Антраксот се дијагностицира со анализа на крв, брисеви од рани или спутум во лабораторија. Успехот на третманот во голема мера зависи од брзината на реакцијата. Се третира со антибиотици како што се пеницилин, ципрофлоксацин или доксициклин.
Свет
Огномет на фестивал во Дизелдорф експлодирал во публиката – 19 повредени

Најмалку 19 лица се повредени, меѓу кои и едно дете, кога за време на традиционалниот огномет на фестивалот Рајнкирмис во Дизелдорф, едно пиротехничко средство експлодирало во публиката, соопштија локалните власти.
Четири лица се здобиле со тешки повреди, а најверојатно се работи за изгореници, пишува Билд.
Несреќата се случила синоќа, кога ракетата од огнометот „скршнала од патеката“ и експлодирала низокo над земја.
Еден од организаторите на фестивалот изјавил дека можно е да се превртела лансирната рампа, предизвикувајќи насочување на ракетите кон публиката.
Во моментот на експлозијата, на местото на настанот веќе биле присутни припадници на противпожарната служба, итната помош и полицијата, кои веднаш реагирале.
Саемот бил брзо затворен, а организаторите најавија дека ќе разгледаат дали огнометот ќе остане дел од фестивалската програма во иднина.
Полицијата спроведува истрага за причините на несреќата.
Свет
(Видео) Русија и Украина со жестоки меѓусебни напади изминатата вечер

Најмалку едно лице загина, а тројца беа повредени кога пожар зафати станбена зграда по рускиот напад со беспилотно летало врз Одеса синоќа.
– Непријателот изврши масовен напад врз Одеса со беспилотни летала. И покрај активната работа на нашите сили за воздушна одбрана, имаше штета на цивилната инфраструктура – изјави гувернерот на областа, Олех Кипер.
2⃣9⃣5⃣🏘️19.7.25 Odesapic.twitter.com/tEMdvZ4L52
— Hilado de MelóNafo 🇪🇸🇪🇺🇺🇦 (@hiladomelonafo) July 19, 2025
Државната служба за вонредни состојби објави дека како резултат на нападот, избувнал пожар од шестиот до деветтиот кат од деветкатната станбена зграда. Пожарот бил изгаснат од пожарникари заедно со волонтери.
Привремено сместување и помош беа обезбедени во локалната градинка, каде што беше формиран оперативниот штаб, изјави градоначалникот на Одеса, Хенадиј Труханов.
They drank tea, kissed goodnight, tucked the kids in.
Someone burned alive that night.This time it was an Odesa apartment — just a home.
This is our everyday life now.
While the world plans weekends, we count who won’t wake up tomorrow. pic.twitter.com/xHVBf6NeGq
— UAVoyager🇺🇦 (@NAFOvoyager) July 19, 2025
Од друга страна, украински беспилотни летала повторно ја нападнаа Москва. Градоначалникот Сергеј Собјанин, објави дека руските единици за воздушна одбрана пресретнале 13 дронови што летале кон Москва за помалку од два часа. Нема извештаи за жртви или материјална штета.
🦅💥 Massive attack on Moscow region at night! pic.twitter.com/2ePzW5qKRE
— MAKS 25 🇺🇦👀 (@Maks_NAFO_FELLA) July 19, 2025
Повеќе од 50 возови се одложени, а железничкиот сообраќај е делумно запрен во Ростовскиот регион откако остатоци од беспилотно летало паднаа на пругата, соопштија Руските железници.
На патниците им е обезбедена вода, а во возовите што доцнат повеќе од четири часа, се обезбедуваат и оброци.
Во меѓувреме, инфраструктурата е проверена, а екипите почнаа со поправка на оштетената мрежа.