Свет
(Видео) „Може да ги уништи руските бродови“: Украина го откри своето ново оружје

Украина првпат јавно го откри својот нов поморски дрон во обид да ги ограничи операциите на руската флота во Црното Море.
Си-ен-ен доби ексклузивен поглед на новиот дрон, кој е дизајниран да напаѓа бродови во руската Црноморска флота. Носи стотици килограми експлозив и може да погоди цел оддалечена до 800 километри.
Дронот, кој е дизајниран и произведен во Украина, се контролира од далечина и може да се користи и за извидување и надзор.
Пилотот на дронот со кодно име „Шарк“ („Ајкула“) изјави за Си-ен-ен дека дронот е лесен за ракување и дека е успешен во ограничувањето на движењата на руската морнарица.
Снимката објавена од Си-ен-ен ја покажува ударната моќ на украинските поморски беспилотни летала, а некои од нив ја пробиваат руската одбрана и ги напаѓаат бродовите и главното пристаниште на Црноморската флота. Развивачот на дронови изјави за Си-ен-ен дека одбраната на Русија е неефикасна од беспилотните летала бидејќи нејзините бродови се дизајнирани да напаѓаат други бродови, а не помали цели.
Тие се побрзи од што и да било друго во Црното Море, тврди производителот.
Способностите на дронот беа видени и при неодамнешниот напад на мостот на Крим. Мостот долг околу 19 километри е клучна рута за снабдување меѓу Русија и Крим, полуостров анектиран во 2014 година. Украина употреби две свои поморски беспилотни летала за да го нападне мостот предизвикувајќи голема штета.
Не е наведено колку нови беспилотни летала направила или уште колку планира да направи, објави Си-ен-ен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Шахта во Њујорк експлодира неколку секунди откако по неа помина жена со деца

Безбедносна камера во американскиот град Паукипси, Њујорк, снимила драматичен момент кога капак на шахта експлодирал неколку секунди откако покрај неа поминала жена со количка и две деца, објави Би-Би-Си.
На видеото се гледа како жена турка количка и држи дете за рака додека оди по улица. Во моментот кога се оддалечени само неколку чекори има силна експлозија и од земјата избива оган и чад.
Според соопштението на противпожарната служба во инцидентот нема повредени, но во неколку згради во блокот била откриена висока концентрација на јаглерод моноксид.
„Жителите од околните згради се евакуирани додека нивото на гас не се сведе на безбедно ниво“, соопштија пожарникарите.
Причината за експлозијата се уште не е официјално потврдена, но се сомнева дека има технички дефект во електричната или гасната инфраструктура под коловозот.
Свет
Објавен мистериозниот портрет на Трамп кој Путин му го подари на американскиот претседател

Американската телевизиска мрежа Си-Ен-Ен го објави портретот што рускиот претседател Владимир Путин му го испрати на подарок на американскиот претседател Доналд Трамп во март.
На него е претставен американскиот претседател по обидот за атентат, а автор на портретот е рускиот уметник Никас Сафронов.
Сликата го покажува Трамп со крената тупаница и траги од крв на лицето – потсетување на моментот на атентатот за време на настап во кампањата во Пенсилванија на 13 јули 2024 година.
Зад него се вее американско знаме, а во позадина се видливи Статуата на слободата и Менхетен во Њујорк.
Свет
Зеленски: Спремни сме на директни разговори со Русија

Украинскиот претседател, Володимир Зеленски, изјави дека Украина е подготвена за директни разговори со Русија по прекинот на огнот
„Подготвени сме да седнеме во кој било формат“, изјави украинскиот претседател за новинарите на брифинг.
Да потсетиме дека вчера и рускиот претседател Владимир Путин изјави дека е подготвен за директни преговори со Киев.
Во изјавата за новинарите, Путин рече дека би било можно директно да се разговара со Киев за прекин на нападите врз цивилната инфраструктура.
„Имаме позитивен став кон прекинот на огнот“, рече Путин, мислејќи на одлуката на Русија да спроведе изненадувачки 30-часовен Велигденски прекин на огнот.