Свет
(Видео) Москва нападната со дронови, затворени сите аеродроми

Русија соопшти дека Украина синоќа извршила напад со беспилотни летала насочени кон Москва. Сите четири главни аеродроми во Москва беа затворени неколку часа од безбедносни причини, но подоцна беа повторно отворени, соопшти руската агенција за надзор на воздухопловството „Росавијација“.
Градоначалникот на Москва, Сергеј Собјанин, соопшти на социјалните мрежи дека најмалку 19 украински дронови биле уништени пред да стигнат до градот „од различни насоки“. Тој додаде дека дел од остатоците од дронови паднале на клучен автопат, но нема жртви.
Ukrainian drones approached the capital of Russia, Moscow, tonight.
The Russian side claimed the interception of 19 Ukrainian strike drones by Russian air defenses. pic.twitter.com/cOkhmN0MFF
— Status-6 (Military & Conflict News) (BlueSky too) (@Archer83Able) May 5, 2025
Украина сè уште не дала коментар. Но, градоначалникот на Харков тврди дека Русија го нападнал и неговиот град со дронови преку ноќ. Во исто време, гувернерите на руските региони Пенза и Воронеж велат дека биле цел на украински дронови.
Непотврдени извештаи од руски воени блогери сугерираат дека прозорците на еден стан во јужна Москва биле скршени во нападот. Ова е втора ноќ по ред Русија да известува за напади со украински дронови. Вчера, руското Министерство за одбрана објави дека 26 украински дронови биле уништени преку ноќ.
❗️🇺🇦⚔️🇷🇺 – Ukrainian drones attacked Moscow and 13 other Russian regions on May 5, 2025, disrupting three major Moscow airports—Domodedovo, Vnukovo, and Zhukovsky—and targeting military and energy sites up to 700 miles from Ukraine’s front lines.
The strikes, which mark a… pic.twitter.com/UEPZAQMs1O
— 🔥🗞The Informant (@theinformant_x) May 5, 2025
Од целосната инвазија на Русија врз Украина пред повеќе од три години, Киев изврши неколку напади со беспилотни летала врз Москва. Три лица беа убиени во најголемиот напад во март.
Најновите напади доаѓаат откако вчера се појавија извештаи за нови обиди на Украина да го нападне Курскиот регион. Киев вчера објави дека погодил командна единица во близина на селото Тјоткино во Курскиот регион.
Москва минатиот месец објави дека ја вратила целосната контрола врз Курскиот регион, девет месеци откако украинските сили започнаа изненадувачка инвазија. Сепак, Киев инсистира дека сè уште има војници кои дејствуваат преку границата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израел му се закани на Хамнеи: Ќе завршиш како Садам Хусеин

Израелскиот министер за одбрана Израел Кац упати предупредување до врховниот лидер на Иран, Али Хамнеи, претходно денеска, сугерирајќи дека тој може да доживее судбина слична на поранешниот ирачки диктатор Садам Хусеин, јавува „Иран Интернешнл“.
„Го предупредувам иранскиот диктатор да не продолжи да врши воени злосторства и да пука ракети врз израелските граѓани. Треба да се сети што се случи со диктаторот во земја сосед на Иран кој тргна по тој пат против државата Израел“, рече Кац.
Свет
Двегодишно дете од Бразил со пиштол ја застрелало мајка си

На социјалните мрежи се шири вознемирувачка снимка од моментот кога двегодишно момче случајно ја застрелало мајка си откога го зело пиштолот на татка си, јавуваат бразилските медиуми.
На снимката од надзорните камери во семејниот дом во бразилската држава Мато Гросо до Сул се гледа како момчето зема пиштол од масата и го влече чкрапалото додека мајка му се врти кон него.
Родителите седеле и разговарале и не забележале дека момчето посегнува по оружјето. На видеото се гледа како куршумот ја погодил жената во градите и во раката. Потоа таа станала, но набргу паднала на подот. Момчето истрчало кон мајка си, а таткото го зел оружјето од подот.
Жената беше идентификувана како 27-годишната Дебора Родригес Монтеиро, а нејзината фотографија беше објавена во бразилските медиуми. Полицијата отвори итна истрага и потврди дека таткото на момчето, инаку земјоделец со дозвола за поседување оружје, ќе одговара за убиство од небрежност.
Според локалните медиуми, детето, најверојатно, ќе биде вклучено во програма за психолошко советување. Засега не се знае дали ќе остане со својот татко или ќе биде предаден на социјалните служби.
Началникот на локалната полиција, Даниеле Фелисмино, потврди дека жената била пренесена во болница, каде што била констатирана смрт. Полицијата ги запленила пиштолот и муницијата, а обдукцијата била извршена во саботата наутро, ден по трагедијата. Резултатите сè уште не се објавени. Згрозените жители на градот и општината Рио Верде де Мато Гросо на социјалните мрежи му изразија сочувство на семејството.
Свет
Зеленски: Нападот врз Киев е најтешкиот од почетокот на војната

Претседателот на Украина, Володимир Зеленски, изјави дека во текот на ноќта Киев бил погоден од еден од најтешките напади од почетокот на војната, а Русија употребила повеќе од 440 беспилотни летала и 32 проектила во масивна офанзива.
Зеленски на мрежата „Икс“ изјави дека биле нападнати и регионите Одеса, Запорожје, Чернигов, Житомир, Кировохрад, Миколаев и Киев.
Во Киев се оштетени згради во осум области, а спасувачките тимови трагаат по преживеани под урнатините на станбена зграда.
„Сè уште не е јасно колку луѓе се заробени. Русите уништија цел дел од зградата“, рече Зеленски.
Според досегашните податоци, најмалку 15 лица загинале, а 75 се повредени.
„Сите повредени ја добиваат потребната помош“, додаде украинскиот претседател.
Зеленски ги нарече нападите чист тероризам и ги повика меѓународните партнери, вклучително и САД и ЕУ, да реагираат поодлучно.
„Путин ја продолжува војната затоа што верува дека може да си ја дозволи. Светот не смее да замижува. Терористите мора да ги почувствуваат последиците, а не невините цивили“, рече Зеленски.