Свет
(Видео) Над 1 200 мртви во катастрофата во Индонезија, објавени нови снимки од разорното цунами

Најновиот биланс на жртви по разорниот земјотрес и цунамито што следуваше во Индонезија се искачи на 1 234. Властите ископуваат масовни гробници, а на социјалните мрежи се појавуваат нови снимки од ужасот.
Најновиот биланс беше објавен денеска од страна на портпаролот на Националната агенција за помош при катастрофи, Сутопо Пурво Нугрохо, објави АП. Нугрохо рече дека 799 луѓе се сериозно повредени. Според него, во најновиот биланс не се вклучени извештаите од уште две погодени локации, така што се очекува бројот на жртвите да биде поголем.
Astonishing moment a building ‘floats’ past after tremors LIQUEFY the ground, swallowing 1,700 homes in Indonesia as mass grave is dug for more than a THOUSAND victims https://t.co/p3uido0dCb pic.twitter.com/9ebGkeSDId
— Daily Mail Online (@MailOnline) October 2, 2018
Во петокот навечер централниот дел на островот Сулавеси беше опустошен од земјотрес проследен со цунами. Во крајбрежниот град Палу брановите носеле луѓе, делови од згради, автомобили и дрвја.
844 people are confirmed dead in Indonesia after a 7.5 earthquake and tsunami, and the death toll is expected to rise. pic.twitter.com/goaE9H5Amn
— AJ+ (@ajplus) October 2, 2018
Во утринските часови се регистрирани два земјотреса на мала длабочина во близина на источниот индонезиски остров Сумба, но не беше објавена опасност од цунами.
Новите земјотреси се забележани на 1 600 километри јужно од областите погодени во петокот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Париз, Лондон и Берлин повикаа да престане хуманитарната катастрофа во Газа

Хуманитарната катастрофа во Појасот Газа мора веднаш да престане, повикаа вчера во заедничко соопштение Париз, Лондон и Берлин.
„Хуманитарната катастрофа на која сме сведоци во Газа мора веднаш да престане“, нагласија трите европски земји.
Тие на овој начин одговорија на алармот објавен од ОН и невладините организации дека постои ризик од непосреден и широко распространет глад во Газа. Трите европски престолнини ја повикуваат европската влада веднаш да ги укине ограничувањата за испорака на помош.
Франција, Велика Британија и Германија, исто така, потсетуваат дека Израел мора да ги почитува своите обврски според меѓународното хуманитарно право.
„Дојде моментот да се стави крај на војната во Газа“, додадоа тие и ги повикаа сите страни да го прекинат конфликтот со склучување на договор за моментално прекин на огнот.
Регион
Топлотниот бран ги затвори Акропол и археолошките локалитети во Атина

Поради топлотниот бран и високите температури што од почетокот на седмицава ја зафатија Грција, археолошките локалитети во Атина, како и Акропол и во текот на викендов ќе бидат затворени за туристи во периодот од 12 до 17 часот.
Новиот топлотен бран што ја зафати Грција, според најавите и прогнозите се очекува да трае до недела.
Вчера беше најтоплиот ден, просечната максимална температура достигна 37,6 степени Целзиусов, на Пелопонез измерени речиси 46 степени, а во многу делови од земјата надмина 42 степени.
Свет
Русија до Западот: Тврдоглаво игнорирате додека режимот во Киев се обидува да ја спаси кожата на Зеленски

„Тврдоглаво се обидувате да игнорирате како темелно корумпираниот режим во Киев се обидува да ја спаси кожата на украинскиот претседател Володимир Зеленски, доведувајќи ја во прашање иднината на својата земја. За тоа детално ќе разговараме на посебниот состанок што го побаравме за 31 јули, каде што предлагаме фокусирање на акциите што ја поткопуваат потрагата по дипломатски пат за решавање на украинскиот конфликт – вклучително и обидите да се попречи директниот руски-украински преговарачки процес во Истанбул“, изјави заменикот на рускиот амбасадор во ОН, Дмитриј Пољански, на седницата на Советот за безбедност, обраќајќи им се на претставниците на западните земји, пренесува ТАСС.
Според него, Русија подолго време и доследно предлага решавање на украинската криза по дипломатски пат.
„Но вас тоа не ве задоволува – сè додека сте подготвени да продолжите да се борите против Русија преку рацете на Украинците. А фактот што ги има сè помалку – воопшто не ве вознемирува“, предупреди рускиот дипломат.
Русија и Украина во мај и јуни одржаа две рунди преговори, по што следуваше размена на заробеници и предавање на телата на загинатите украински војници. Двете страни исто така разменија нацрти меморандуми за решавање на конфликтот.