Свет
(Видео) Нападната болница на „Лекари без граници“ во Кабул

Експлозии и пукање од огнено оружје се слушнале од болницата во западен Кабул, каде што „Лекари без граници“ (МСФ) раководат породилно одделение.
Болницата со 100 кревети се наоѓа во областа Даште-е-Барчи во главниот град на Авганистан. Најмалку две моќни експлозии се слушнале на местото на настанот, објави „ТОЛО њуз“.
گزارشهای نخستین میرسانند که افراد مسلح بر یک شفاخانه در منطقه دشت برچی از مربوطات حوزه سیزدهم امنیتی کابل حمله کردهاند. pic.twitter.com/NjNPMVqcyV
— TOLOnews (@TOLOnews) May 12, 2020
Авганистанското Министерство за внатрешни работи соопшти дека на местото на настанот пристигнала специјална полициска единица. Седумдесет и две лица се евакуирани од комплексот.
Security forces evacuate people from hospital under attack in #Kabul pic.twitter.com/FZtpdB9hUy
— 1TVNewsAF (@1TVNewsAF) May 12, 2020
Некои извештаи тврдат дека најмалку една од експлозиите се случила кога бомбаш самоубиец влегол во просториите на болницата по што го почнал нападот.
Според извор на „Ројтерс“ во Министерството за внатрешни работи, нападот се случил кога болницата требало да ја посети заменик-министерот за здравство.
Засега нема официјални информации за жртви. Извор на „ТОЛО њуз“ соопшти дека се убиени пет цивили, меѓу кои и една жена, а четворица други се повредени. Сведоците виделе ранети луѓе меѓу евакуираните.
Several reports that hospital hosted Doctors Without Borders. Attack is taking place in Dasht e Barchi quart, western #Kabul #Afghanistan pic.twitter.com/hB6oHV1qQn
— Dr. Drexluddin Khan Spiveyzai (@RisboLensky) May 12, 2020
Идентитетот на вооружените лица останува непознат. Талибанската милитантна група негира каква било вмешаност во нападот врз болницата. Напаѓачите, наводно, се обидуваат да влезат во објектот за гости во болничкиот комплекс, каде што престојува странскиот персонал.
МСФ ѝ дава поддршка на владината управа во болницата „Даште-е-Барчи“ на одделот за нега на мајки. Организацијата вели дека тоа е единственото место во сиромашната населба со население над еден милион способно да се справи со итни случаи и комплицирани породувања.
(Фото: „Ројтерс“)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Маж на возраст од околу 40 години загина на концерт на „Оејсис“, полицијата бара сведоци

Маж на возраст од околу 40 години загина откако падна од височина за време на концерт на „Оејсис“ на лондонскиот стадион Вембли, соопшти Метрополитенската полиција, а пренесе Би-Би-Си.
Полицајци и медицински лица на стадионот Вембли реагирале на дојава за повреден маж околу 22:19 часот. Мажот бил „пронајден со повреди кои соодветствуваат на пад“ и бил прогласен за мртов на самото место, соопшти портпаролот на полицијата.
Во изјава од стадионот Вембли се наведува дека на повредениот маж му била укажана помош од страна на медицинските лица, полицијата и лондонската итна помош.
„И покрај нивните напори, посетителот на концертот за жал почина. Сочуствуваме со неговото семејство, кое е информирано и му се дава поддршка од специјално обучени полициски службеници“, се наведува во соопштението.
„Оејсис“ во својата изјава соопшти дека се „шокирани и нажалостени“ од веста за смртта на обожавателот.
Најверојатно, мажот паднал од горниот кат.
Полицијата изјави дека стадионот бил преполн и дека „веруваат оти најверојатно имало повеќе луѓе кои биле сведоци на инцидентот или свесно или несвесно го снимиле со мобилен телефон“.
Метрополитенската полиција ги замоли сите што имаат информации да се јават на бројот 101.
Бендот ја започна својата турнеја по повод повторното обединување. Саботниот концерт беше дел од седум распродадени концерти на стадионот Вембли, кој има капацитет од 90.000 луѓе на три ката.
Следните концерти на бендот ќе се одржат во Единбург на 8., 9. и 12. август, по што следува турнеја низ Ирска, Канада, САД и Мексико, пред повторно да се вратат на Вембли на 27. и 28. септември.
Свет
Двегодишно девојче најдено живо во куфер во автобус на Нов Зеланд

Двегодишно девојче е пронајдено живо во куфер што се наоѓал во багажниот простор на автобус на Нов Зеланд, пренесува „Скај њуз“. Според полицијата, детето било во прегреана состојба при пронаоѓањето, но немало видливи повреди.
Инцидентот се случил во неделата за време на застанување во местото Каивaка, околу сто километри северно од Окленд. Возачот на автобусот забележал движење во куферот откако една патничка побарала пристап до багажниот простор. Кога го отворил сомнителниот куфер, следувал шок – внатре се наоѓало девојчето.
Главниот детектив, Сајмон Харисон изјави дека девојчето било „многу загреано, но физички изгледало неповредено“. Веднаш било пренесено во болница, каде било задржано за детални прегледи.
Полицијата уапсила 27-годишна жена, чиј идентитет не е објавен, под сомнение за занемарување и злоупотреба на дете. Не е соопштено колку долго девојчето било во куферот, ниту на која делница се движел автобусот.
Жената треба да се појави пред суд во понеделник, а случајот е пријавен и до надлежните служби за заштита на деца.
Компанијата Entrada Travel Group, која управува со националната автобуска линија InterCity, потврди дека инцидентот се случил во еден од нивните автобуси. „Полицијата беше повикана да реагира и го истражува случајот. Никој не беше повреден за време на инцидентот“, се наведува во соопштението на компанијата.
За среќниот исход заслуга има возачот на автобусот, кој доби пофалби од детективот Харисон, кој истакна дека „забележал дека нешто не е во ред и веднаш презел мерки, спречувајќи многу полоша завршница“.
Регион
Поранешниот хрватски премиер, Иво Санадер, излезе од затвор

Иво Санадер, поранешен лидер на ХДЗ и премиер на Хрватска, е ослободен од затвор пред да ја отслужи целата казна. Санадер беше условно ослободен од затворот Липовица откако отслужи две третини од казната, објавија хрватските медиуми.
Како што објасни адвокатот Драган Црнковиќ, исполнети се сите законски услови за поранешниот премиер да биде ослободен. Тој рече дека покрај неговата возраст, една од причините наведени во барањето за ослободување е неговата здравствена состојба, но тоа не се главните причини, забележува тој, туку и фактот дека тој го почитува член 59 од Кривичниот законик. Тој истакнува дека на 15 август 2023 година отслужил половина од казната.
Ќе биде должен да се јавува во полиција секој месец и нема да му биде дозволено да го менува местото на живеење и привременото живеалиште.
На прашањето на новинарите дали тоа значи дека ќе има ограничено движење, тој одговори негативно.
„Не знам, може да го запали автомобилот, да оди во Сплит. Само ако има намера трајно да го промени местото на живеење и живеалиштето, мора да добие дозвола“, објасни адвокатот Црнковиќ.
Фото: ЕПА