Свет
(Видео) Напад на Израел врз главниот град на Сирија, има жртви
Најмалку пет лица загинаа, а 15 се ранети во израелски воздушни напади врз станбен кварт во сирискиот главен град Дамаск рано утринава, јавија сириските државни медиуми.
Силни експлозии се слушнале во централниот дел на градот околу 12.30 часот по локално време, а сириската државна новинска агенција САНА објави дека сириската противвоздушна одбрана „се спротивставува на непријателските цели на небото околу Дамаск“.
— zoranceran (@zoranceran2) February 19, 2023
Live: Syrian air defense systems engaging #Israeli missiles over southern Damascus countryside. pic.twitter.com/TKcnLMW8gw
— Majd Fahd 🇸🇾 (@Syria_Protector) February 18, 2023
Како што наведува САНА, повикувајќи се на воен извор, меѓу петмината загинати има и еден војник, ранети се 15 лица и „уништени се неколку станбени згради“.
Сириската опсерваторија за човекови права со седиште во Велика Британија, која ја следи војната во Сирија, соопшти дека 15 лица, вклучително и една жена, биле убиени во напади насочени кон локации поврзани со иранските милиции и либанската екстремистичка група Хезболах.
Се вели дека една од целите е иранско училиште во населбата Кафр Суса во сириската престолнина. Израел засега не го коментираше нападот.
#Israel targeted a seven-story residential building in a densely populated civilian compound in the heart of Damascus, Syria. What Iranian positions are you referring to? pic.twitter.com/EKBymXOJBe
— Majd Fahd 🇸🇾 (@Syria_Protector) February 19, 2023
Израелската војска често напаѓа цели во близина на Дамаск, а последниот напад беше прв по земјотресот со јачина од 7,8 степени според Рихтеровата скала што ги погоди Турција и Сирија на 6 февруари.
Претходниот напад на Дамаск се случи на 2 јануари, а сириската армија тогаш соопшти дека израелската војска истрелала ракети врз меѓународниот аеродром во сириската престолнина, затворајќи го и убивајќи двајца војници, а други двајца беа ранети.
Израел со текот на годините изврши стотици напади врз цели во делови на Сирија контролирани од владата во Дамаск, но ретко ја презема одговорноста за таквите напади или разговара за нив.
Меѓутоа, израелските власти признаа дека се насочени кон базите на организациите како Хезболах, која испрати илјадници борци да ги поддржат силите на сирискиот претседател Башар ал Асад.
Нападите на аеродромите во Дамаск и Алепо се резултат на стравувањата дека тие би можеле да бидат искористени за испорака на иранско оружје во таа земја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.