Свет
(Видео) Најмалку едно лице загина во земјотресот во Турција, повеќе од 200 последователни потреси

Повеќе од 200 последователни потреси ја погодија денес северозападна Турција по вчерашниот земјотрес со магнитуда од 6,1 степени. Турската агенција за управување со катастрофи AFAD соопшти дека регистрирала 237 последователни потреси, од кои 10 биле со магнитуда од најмалку 4,0 степени.
➡️ 10 Ağustos’ta Sındırgı’da (Balıkesir) meydana gelen Mw 6.1 büyüklüğündeki depremden sonra bölgede 237 artçı deprem aktivitesi kaydedilmiş olup, bu depremlerden 10 tanesinin büyüklüğü 4.0’ ın üzerindedir.
➡️ Bölgedeki deprem aktivitesi AFAD Deprem Dairesi Başkanlığı… pic.twitter.com/AJE8zSjh2D
— AFAD Deprem (@DepremDairesi) August 11, 2025
Многу жители на погодениот регион ја поминале ноќта надвор или во своите автомобили поради страв од нови земјотреси, јавуваат турските медиуми.
6.1 earthquake rattles Turkey.. buildings collapse in Balikesir
Earthquake struck Sindirgi in Balikesir province, followed by a 4.6 aftershock. Tremors felt in Istanbul, Izmir and several other cities
Multiple buildings have caved in, residents scrambling to pull… pic.twitter.com/r95U8sED4c
— Nabila Jamal (@nabilajamal_) August 10, 2025
Епицентрите на земјотресот биле лоцирани во округот Синдирги во покраината Баликесир, каде што вчера во земјотресот загина најмалку едно лице, а 29 се повредени.
🚨🇹🇷 BREAKING: Earthquake in western Turkey kills 1 and injures at least 29.
Over 20 tremors rattled Balikesir, Izmir, Manisa & Istanbul.pic.twitter.com/hEoZrhdgkm
— TacticalEdge (@EdgeE50124) August 11, 2025
Земјотресот се случил на длабочина од 11 километри и бил почувствуван и во Истанбул и во Измир на повеќе од 200 километри оддалеченост. Турскиот министер за внатрешни работи Али Јерликаја изјави дека најмалку 16 куќи се уништени во земјотресот. Спасувачките операции се во тек, а четири лица се во болница, објави ДПА.
Земјотресите се чести во Турција, која се наоѓа на спојувањето на три главни тектонски плочи. Мегалополисот Истанбул е особено изложен, а беше погоден од земјотрес со јачина од 6,2 степени во април. Двојните земјотреси во февруари 2023 година убија повеќе од 53.000 луѓе во јужна Турција и неколку илјади во блиска Сирија.
фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Џими Кимел се враќа на екранот

Американскиот водител Џими Кимел утре се враќа на екранот со својот популарен ноќен шоу-програм, откако продукцијата беше привремено стопирана поради неговите контроверзни коментари за убиството на Чарли Кирк, соопшти Дизни.
„Емисјата ја суспендиравме за да избегнеме дополнителни тензии во чувствителен момент за земјата“, порачаа од компанијата, додавајќи дека по разговори со Кимел, одлучиле да продолжат со снимањето.
Кимел, познат по својата критика кон Доналд Трамп, на 14 септември коментираше дека осомничениот напаѓач, Тајлер Робинсон, бил поддржувач на поранешниот претседател. Тој ја исмеа и реакцијата на Трамп по убиството на Кирк, прикажувајќи изјава во која претседателот зборува за реновирање на Белата куќа.
„Ова не е начин на кој возрасен човек тагува по убиство на пријател. Вака четиригодишно дете тагува за златна рипка“, саркастично додаде Кимел.
Емисјата на Кимел се емитува на „Еј-би-си“, телевизија во сопственост на Дизни.
Свет
Франција ја призна Палестина

Францускиот претседател Емануел Макрон вечерва на Генералното собрание на ОН потврди дека Франција ја признава Палестина како независна држава.
Со ова, Франција се приклучува на земји како Обединетото Кралство, Канада и Австралија, кои го направија истиот чекор во последните недели.
„Светот е на чекор до губење на шансата за мир. Време е да се стави крај на војната во Газа“, порача Макрон, додавајќи дека решението со две држави е единствен пат.
Израел остро реагираше, оценувајќи дека признавањето е награда за тероризмот и повтори дека палестинска држава нема да се случи.
Палестинските власти го поздравија чекорот и го оценија како неповратен пат кон дводржавно решение.
Со Франција, вкупно 153 земји-членки на ОН – речиси 80 отсто ја имаат признато Палестина.
Во меѓувреме, Израелската офанзива продолжува. Според здравствени власти во Газа, во последните 24 часа загинале 61 лице, со што вкупната бројка од 7 октомври 2023 достигнува 65.344 загинати.
Свет
Голем напад со беспилотни летала врз Москва, небото е затворено

Москва вечерва беше нападната со беспилотни летала.
Градоначалникот на Москва, Сергеј Собјанин, објави дека противвоздушните сили собориле вкупно девет дронови , а подоцна уште два. Жителите на Московскиот регион слушнале експлозии на пристапот кон градот, а според првите информации што ги објавија руските медиуми, нема повредени или голема материјална штета.
Многу откажани и одложени летови
Повеќе од 35 летови беа откажани и одложени на московските аеродроми Шереметјево, Домодедово и Внуково во вечерните часови поради украински напади со беспилотни летала. Работата на аеродромот Шереметјево беше привремено суспендирана.
„До 20:19 часот по московско време, 21 лет беше одложен, а уште еден откажан во Шереметјево. Девет одложувања и две откажувања беа регистрирани во Домодедово, а четири летови беа одложени во Внуково“, објавуваат руските медиуми.
Руските медиуми наведуваат дека по нападот, тајната служба на ФСБ и Истражниот комитет ќе спроведат истрага и дека се очекува кривична постапка за тероризам. Оперативните служби на терен ги проверуваат остатоците од беспилотните летала и проверуваат дали предизвикале дополнителна штета.