Свет
(Видео) Најмалку 13 починати во пожар во болница за Ковид-19 близу Мумбај
Најмалку 13 пациенти загинаа во пожарот во одделот за интензивна нега на повеќекатната болница за Ковид-19 во крајбрежниот индиски град Вирар, 70 км северно од Мумбај, пренесува РТ.
Пожарот избувнал околу 3 часот наутро по локално време во петокот во одделот за интензивна нега на приватната болница „Вихај Валаб“, во која се сместени околу 90 пациенти.
ICU ward of Vijay Vallabh Hospital in Virar West catches fire at midnight at around 3.15 am..
Three fire brigade team reached at the location.. Fire brought under control..
13 PATIENTS DIED pic.twitter.com/BPKhRZYvW5
— Urvi kar (@kar_urvi) April 23, 2021
За време на пожарот, на лекување во одделот биле18 пациенти, но само петмина го преживеале инцидентот и биле пренесени во блиските болници. Останатите 13 пациенти, меѓу кои пет жени и осум мажи, загинаа во пожарот.
Покрената е истрага за тоа што можело да го предизвика пожарот, а главниот министер на Махараштра, Удав Такерај, рече дека ги упатил официјалните лица да проверат и дали болницата работела во согласност со правилата за заштита од пожар.
13 covid patients have died in Virar hospital fire. As per CEO of the Vijay Vallabh hosp. a spark in the ICU has led to the massive fire. Other patients have been shifted to another hospital. Inquiry has been ordered to investigate the cause of fire.#FireInCovidHospital pic.twitter.com/6bKu4Y2Ap4
— Dinesh Mourya (@dineshmourya4) April 23, 2021
Известено е дека пожарот можеби бил предизвикан од краток спој во климатизационата единица што на крајот довело до експлозија. На пожарникарите им беа потребни околу два часа да го изгаснат пожарот.
Thirteen people died in a Covid hospital fire in Virar, around 80km north of Mumbai. A short circuit in the air-conditioning unit at Vijay Vallabh Hospital is cited as the primary reason, according to @htTweets correspondent Ram Parmar. The fire, now doused, started at 3.15am. pic.twitter.com/Z4MrgyRLDU
— Sachin Kalbag | Wear a Mask and Get Vaccinated (@SachinKalbag) April 23, 2021
Премиерот на Индија, Нарендра Моди, изрази сочувство до семејствата на жртвите, нарекувајќи го инцидентот трагичен и вети дополнителна компензација за оние кои ги загубија членовите на семејството или беа повредени во пожарот.
Инцидентот се случува во момент кога болниците низ Индија се соочуваат со недостиг од кислород при наплив на заразени со Ковид-19, за кој се верува дека е поттикнат од новиот двоен мутантен вид. Во четвртокот, Њу Делхи забрани снабдување со кислород за индустриски цели со цел да се обезбеди надополнување на исцрпените резерви од течен кислород во болниците.
Во петокот, Индија го собори сопствениот глобален рекорд за дневни случаи со коронавирус, пријавувајќи 332.730 заразени во споредба со 314.835 нови случаи претходниот ден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Сијарто: Европа е зафатена од воена треска, се подготвува за конфликт со Русија
Европа е зафатена од „воена треска“ и сè поотворено се подготвува за војна, предупреди унгарскиот министер за надворешни работи, Петер Сијарто, коментирајќи ја намерата на Европската Унија да му испрати на Киев речиси 200 милијарди евра за оружје и функционирање на државата.
„Кога зборуваме за мобилизација на 60 милијарди евра европски пари за вооружување на украинската армија или за испраќање 130 милијарди евра во Украина, тешко е да се нарече тоа поинаку освен подготовка за војна“, рече Сијарто во емисијата „Борбен Час“.
Според него, наместо да придонесува за мирот, Европската Унија сè подлабоко тоне во политиката на конфронтација, што може да има далекусежни последици за безбедноста на континентот.
Сијарто истакна дека единствениот пат до стабилност е „евроазискиот дијалог“, бидејќи без Русија, како што рече, не е можно да се создаде реална и одржлива безбедносна архитектура во Европа.
„Нереално е да се мисли дека Европа ќе биде безбедна ако Русија остане изолирана. Безбедноста е можна само преку соработка, а не преку санкции и конфронтација“, рече шефот на унгарската дипломатија.
Фото: принтскрин
Свет
Порака од Првата светска војна пронајдена на австралиска плажа
Пораки во шише напишано од двајца австралиски војници неколку дена по заминувањето со брод на фронтот во Франција за време на Првата светска војна се пронајдени повеќе од еден век подоцна на брегот на Австралија.
Шишето од брендот „Швепс“ е пронајдено веднаш над линијата на водата на плажата Вартон во близина на Есперанс во државата Западна Австралија од страна на Питер Браун, кој со својата ќерка Фелисити бил на една од редовните семејни експедиции со квадбајк за чистење на плажата од ѓубре, потврди неговата сопруга Деб Браун, пренесува АП.
„Многу чистиме на нашите плажи за никогаш да не поминеме покрај парче ѓубре. Значи, ова мало шише само стоеше таму чекајќи нè да го собереме“, рече Деб Браун.
Внатре во проѕирното, дебело стакло се наоѓале весели писма напишани со молив од војниците Малколм Невил (27) и Вилијам Харли (37), датирани на 15 август 1916 година. Нивниот воен брод тргнал од Аделаида, главниот град на Јужна Австралија, на 12 август истата година, на долго патување до другата страна на светот, каде што австралиските војници требало да го зајакнат 48-от австралиски пешадиски баталјон на Западниот фронт во Европа. Невил бил убиен во акција една година подоцна, а Харли бил ранет двапати, но ја преживеал војната, за да умре во Аделаида во 1934 година.
Војникот Невил го замолил оној што ќе го најде шишето да го достави писмото до неговата мајка Робертина Невил во Вилкават, сега практично„град на духови“ во Јужна Австралија, додека Харли, чија мајка починала до 1916 година, напишал дека ќе биде среќен ако оној што ќе го најде шишето ја зачува неговата порака.
Внуката на Харли, Ен Тарнер, рекла дека нејзиното семејство било апсолутно запрепастено кога ја пронашле пораката на нејзиниот дедо во шише. „Едноставно не можеме да веруваме. Навистина изгледа како чудо и навистина се чувствуваме како дедо да ни се обратил од гробот“, изјави Тарнер за Австралиската радиодифузна корпорација.
Пранункукот на Невил, Херби Невил, рече дека неговото семејство било обединето од „неверојатното“ откритие. „Звучи како да бил доста среќен што отишол во војна. Толку е тажно што се случило. Толку е тажно што го загуби животот. Каков човек беше“, рече Невил.
Фото: принтскрин
Свет
Израел по новите напади врз Газа: Повторно ќе го почитуваме примирјето
Израелската војска соопшти дека повторно ќе го почитува примирјето во Појасот Газа, откако во текот на ноќта извршила воздушни напади како одговор на напад врз нејзини војници.
Според соопштението, израелската армија бомбардирала десетици цели, при што биле убиени повеќе од 30 вооружени лица што имале командни позиции во палестинските вооружени групи.
Палестински медицински извори пренесуваат дека во нападите загинале најмалку 104 лица, јави Ројтерс. Ако бројките се потврдат, тоа би бил најголем број жртви од почетокот на примирјето на 10 октомври.
Израел ја обвини организацијата Хамас за заседа во Рафа во која загинал израелски војник, но Хамас го негира тоа.
Американскиот претседател Доналд Трамп изјави дека, и покрај новите инциденти, примирјето останува на сила и дека „ништо нема да го загрози“, додавајќи дека Хамас вети дека ќе го почитува договорот.

