Свет
(Видео) Невреме во Австралија: дрво падна врз луѓе во центарот на Сиднеј

Две лица се повредени во центарот на Сиднеј откако силните ветришта урнаа дрво во Хајд Парк. Брза помош превезе едно лице во Св. Винсент со полесни повреди, додека на уште едно лице му била укажана лекарска помош.
Бурните ветрови предизвикаа и хаос на железничките линии и имаше огромни бранови на плажите во градот.
#UPDATE: Two people have been injured after a massive tree fell in damaging winds in Sydney’s Hyde Park. Emergency services are responding to jobs across the city as wild weather wreaks havoc.
READ MORE: https://t.co/MrTG3R0zgw pic.twitter.com/mHV7RgsfQD
— The Daily Telegraph (@dailytelegraph) January 17, 2025
Дрво падна на шините во Св. Питерс што предизвика откажување на возовите. На патниците им се препорачува да користат метро или автобуси поради доцнење предизвикано од невремето. Исто така, неколку патишта беа затворени поради паднати дрвја и далноводи.
Екстремните временски услови не го поштедија ниту останатиот дел од земјата. Силните ветрови и дождот и понатаму предизвикуваат проблеми во Нов Јужен Велс, каде веќе се забележани бројни удари на гром, штети на имоти и земјоделски посеви. Повеќе од 33.000 домаќинства и бизниси останаа без струја бидејќи невремето придружено со огромен град и силен дожд ја опустоши областа.
— jinglejangle47 (@jinglejang66889) January 17, 2025
Во Западна Австралија, жителите се подготвуваат за пристигнување на тропски циклон кој се заканува на крајбрежните области.
Метеоролошкиот институт предупредува дека циклонот би можел да достигне категорија 3, со ветрови од над 200 км/ч и обилни врнежи од дожд. Иако еден послаб циклон ослабе, се формира посилен кој му се заканува на брегот во текот на викендот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Тетоважата го издаде шефот на албанската мафија, па полицијата го уапси

Уапсен е шеф на албанската мафија. Тој бил препознаен додека седел на барска маса благодарение на тетоважата на десната подлактица на која имашл полугола жена. Токму овој детаљ ѝ овозможи на полицијата дефинитивно да го идентификува.
Луша треба да отслужи десетгодишна затворска казна за водење на италијанско-албанска криминална организација специјализирана за проституција, главно од Албанија.
Во обид да избегне апсење, 52-годишникот дури и го променил своето име во официјалните документи, вклучително и во пасошот.
Сепак, овој трик не беше доволен. Долгорочната истрага и внимателната анализа на деталите им овозможија на органите за спроведување на законот да го решат случајот и да го уапсат по 19 години.
Свет
Руската вакцина против рак успешно ги помина претклиничките испитувања и е подготвена за употреба

Руската вакцина против рак успешно ги помина претклиничките испитувања и е подготвена за употреба по добивањето лиценца, објави Вероника Скворцова, раководителка на Руската Федерална медицинска биолошка агенција (ФМБА).
– Кон крајот на летото 2025 година, поднесовме документи до Министерството за здравство за добивање лиценца за клиничка употреба на оваа вакцина. Истражувањето траеше неколку години, а последните три години беа посветени на претклинички студии. Вакцината е подготвена за употреба, чекаме лиценца, рече Скворцова.
Како што истакна таа, студиите ја потврдиле безбедноста на вакцината, вклучително и можноста за повеќекратна употреба, како и нејзината висока ефикасност во намалувањето на големината и забавувањето на растот на туморите. Покрај тоа, резултатите покажаа продолжено преживување на пациентите.
– Планираме да почнеме да го користиме кај колоректален карцином. Во исто време, во последната фаза имаме вакцина за уште два вида тумори – глиобластом, еден од малигните тумори на мозокот, како и посебни видови меланом, не само на кожата, туку и на очните мембрани. Ова е многу тешка и брзонапредувачка болест, па затоа овие локализации ќе бидат следни, нагласи Скворцова.
Таа потсети дека во ноември 2024 година, на состанок со претседателот на Русија, објавила дека ФМБА планира да започне со употреба на вакцина против рак за персонализиран третман на пациенти од 2025 година.
Европа
По протестот за железничката несреќа во Атина се фрлаа молотови коктели

Непознати лица фрлале молотови коктели кон полицијата пред грчкиот Парламент во центарот на Атина по завршувањето на официјалниот дел од протестот за железничката несреќа кај Темпи, на кој граѓаните уште еднаш побараа правда за жртвите.
Инцидентите се случиле на само неколку минути по завршувањето на протестот и додека сѐ уште имаше граѓани во делот пред Парламентот, па така полицијата не употребила солзавец.
Тензиите се пренесоа во долниот дел на плоштадот Синтагма, каде што побегнаа маскираните лица, а специјалните полициски сили употребија солзавец.