Свет
(Видео) Нема извештаи за големи штети во Сан Франциско и Еурека по земјотресот: „Потресот беше долг, но не толку жесток“

Според капетанот Џастин Шор од противпожарната служба во Сан Франциско, нема извештаи за големи штети во градот по силниот земјотрес во Северна Калифорнија. Земјотресот, кој според Геолошкиот институт на САД бил со прелиминарна магнитуда од 7 степени, се случил на околу 480 километри од Сан Франциско, во близина на градот Еурека.
Earthquake aftermath in Ferndale, California, USA pic.twitter.com/WqbihEuGXm
— S p r i n t e r (@SprinterFamily) December 5, 2024
Градоначалникот на Еурека, Мајлс Слатери, извести дека нема значителна штета во градот и покрај силниот земјотрес. Нема извештаи за пукнатини на гасовод и големи оштетувања на згради. Слатери истакна дека земјотресот бил долг, но не толку силен како претходните, особено оние со епицентар на копно.
So far no confirmed reports of major damage after M7.0 earthquake off the coast of Northern California. Smaller damage / impact in shops, markets and restaurants …
📷 screenshots pic.twitter.com/9hs3VpiSsp
— MIBAWI (@Michael45231497) December 5, 2024
Неколку минути по земјотресот, беше издадено предупредување за цунами за делови од бреговите на Калифорнија и Орегон, вклучувајќи го и градот Еурека, но тоа предупредување подоцна беше откажано. Слатери додаде дека дел од градот е евакуиран, па немале време да направат детална проценка на штетите, но врз основа на досегашните извештаи, штетите не се споредливи со оние предизвикани од земјотресот во декември 2022 година, кога со јачина од 6,4 степени земјотресот предизвика смрт на најмалку две лица и значителна штета на инфраструктурата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија ја осудува острата ескалација на тензиите меѓу Израел и Иран

„Русија е загрижена и ја осудува острата ескалација на тензиите“, изјави портпаролот на Кремљ, Дмитриј Песков, пренесува руски Интерфакс.
Тој изјави дека рускиот претседател Владимир Путин добива онлајн извештаи за настаните што се случуваат меѓу Израел и Иран.
„Претседателот Путин добива извештаи во реално време од руското Министерство за одбрана, Службата за надворешно разузнавање и Министерството за надворешни работи за настаните во регионот“, рече Песков.
Според него, руското Министерство за надворешни работи, по наредба на претседателот на Русија, наскоро ќе издаде детално соопштение за ситуацијата меѓу Израел и Иран, „кое потоа ќе биде дистрибуирано до Обединетите нации“.
Свет
Израел ги скри патничките авиони на тајна локација надвор од земјата

Израелските авиокомпании „Ел Ал“, „Аркија“ и „Исраир“ ги преместија своите авиони надвор од земјата на непозната локација, како подготовка за можен ирански напад врз аеродромот „Бен Гурион“, јавува дописникот на „Скај њуз“ од Блискиот Исток.
Авионите беа транспортирани без патници, како дел од однапред подготвени безбедносни протоколи во случај на понатамошна ескалација и напади врз клучна инфраструктура.
Ноќеска Израел изврши голем воздушен напад врз повеќе цели во Иран. Според израелски воени извори, погодени се објекти поврзани со нуклеарната програма на Иран и воени локации, вклучувајќи го и клучниот комплекс за збогатување ураниум во Натанц.
Свет
Германија ја зајакнува заштитата на еврејските и израелските институции по нападот врз Иран

Германскиот канцелар Фридрих Мерц изјави дека Израел има право да го брани своето постоење, а по израелските напади врз Иран, наредил зголемена заштита на еврејските и израелските објекти во Германија.
Утрово телефонски разговараше со израелскиот премиер Бенјамин Нетанјаху и свика состанок на кабинетот за безбедност во Берлин, објави германската влада.
Мерц нагласи дека целта останува да се спречи Иран да развива нуклеарно оружје и го обвини Техеран дека продолжува да ги крши своите обврски од Договорот за неширење на нуклеарно оружје и дека претставува сериозна закана за регионот, особено за Израел.
Тој ги повика двете страни да се воздржат од потези што би можеле дополнително да го ескалираат конфликтот и да го дестабилизираат Блискиот Исток.
Синоќа Израел изврши воздушен напад врз повеќе цели во Иран како дел од операцијата „Стоечки лав“. Според израелски воени извори, погодени се објекти поврзани со нуклеарната програма на Иран и воени локации, вклучувајќи го и клучниот комплекс за збогатување на ураниум во Натанц. МААЕ потврди дека Натанц е меѓу нападнатите локации и е во контакт со иранските власти за следење на нивото на зрачење.
Израелскиот премиер Бенјамин Нетанјаху изјави дека целта на операцијата е да се „неутрализира егзистенцијална закана“, истакнувајќи дека Иран со години развива нуклеарни капацитети и отворено се заканува дека ќе го уништи Израел. Иран го затвори својот воздушен простор, а израелската војска го подигна нивото на тревога за можен одговор, вклучително и лансирање беспилотни летала и ракети од Иран и територии контролирани од проирански групи.