Свет
(Видео) Нетанјаху обелодени дека постои тајно складиште за оружје на Хезболах
Во своето обраќање до ОН во вторникот израелскиот премиер, Бенјамин Нетанјаху, обелодени тајно складиште за оружје што му припаѓа на Хезболах во станбена област, во близина на меѓународниот аеродром во Бејрут, предупредувајќи на ризикот од уште една разорна експлозија и го повика либанскиот народ да протестира против терористичката група.
„Сите ја видовме страшната експлозија на пристаништето во Бејрут минатиот месец. Ова е пристаништето во Бејрут. Двесте луѓе загинаа, илјадници луѓе беа повредени и четвртина милион луѓе останаа без домови“, рече тој осврнувајќи се на катастрофалната експлозија на 4 август кога експлодира магацин со речиси 3.000 тони амониумнитрат уништивајќи големи делови од градот.
„Сега еве каде може да се случи следната експлозија. Точно тука. Ова е населбата Јанах во Бејрут. Тоа е веднаш до меѓународниот аеродром. Тука Хезболах има тајно складиште за оружје. И тоа е сместено во станбена населба“, рече тој и ја посочи неговата близина до компанија за гас.
Нетанјаху покажа фотографии од објектот за кој рече дека е фабрика за ракети на Хезболах.
„Им велам на луѓето од Јанах, сега мора да дејствувате. Треба да протестирате за ова. Затоа што ако ова нешто експлодира, тоа ќе биде нова трагедија. Му велам на народот во Либан: Израел не ви мисли лошо. Но, Иран го прави тоа. Иран и Хезболах намерно ве доведоа во сериозна опасност вас и вашите семејства. И треба да ви биде јасно е дека она што тие го прават е неприфатливо. Треба да им кажете: срушете ги овие депоа. Меѓународната заедница мора да инсистира Хезболах да престане да ги користи Либан и либанските цивили како жив штит“, рече Нетанјаху.
Израелските одбранбени сили подоцна објавија информации за две дополнителни складишта за оружје во Бејрут и двете подземни постројки за производство на ракети лоцирани под големи станбени комплекси.
Нетанјаху го пофали претседателот Доналд Трамп што му се спротивстави на Иран.
„Прво и најважно, моите честитики до претседателот Трамп за повлекувањето од погрешниот нуклеарен договор со Иран. Тој нуклеарен договор не го блокира патот на Иран кон бомбата, туку го трасира патот до неа“, рече тој додавајќи дека ограничувањата на договорот за иранската нуклеарна програма се само привремени и не се поврзани со промени во однесувањето на Иран.
„Нема сомнеж дека Иран сака нуклеарно оружје. Некогаш тајната нуклеарна архива, што израелските агенти ја добија од срцето на Техеран, докажува дека нема сомнеж“, продолжи премиерот осврнувајќи се на рацијата на Израел во мај 2018 година во магацин во Техеран, во која оперативците на Мосад изнеле половина тон тајни документи за иранската нуклеарна програма надвор од земјата.
Тој упати остри критики кон Советот за безбедност на ООН дека не направил апсолутно ништо пред кршењето на нуклеарниот договор од Иран.
„Наместо да се спречи агресијата на Иран, нуклеарниот договор ја нахрани и ја финансира“, рече тој.
Hezbollah's sickening and deliberate use of civilians as human shields on full display — PM Netanyahu reveals secret Hezbollah missile depot inside a residential neighborhood in Beirut just meters from a gas station.
— Aaron Klein (@AaronKleinShow) September 29, 2020
„За среќа, претседателот Трамп ја препозна суштината на катастрофалниот нуклеарен договор и дејствуваше. Тој ги врати американските санкции, ги принуди земјите да изберат помеѓу деловна соработка со Америка или деловна соработка со Иран и го отстрани најопасниот терорист во светот, Касем Сулејмани“, рече израелскиот премиер.
Тој продолжи да ги посочува предвремените санкции на САД минатиот месец когас Советот за безбедност одби да го продолжи ембаргото за оружје.
„И Арапите и Израелците бараат строги мерки за Иран. А кога Арапите и Израелците ќе се усогласат, другите треба да обрнат внимание“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Албанија постави бот со вештачка интелигенција за министер
Новата министерка на Албанија задолжена за јавни тендери нема да биде поткупувана, нема да можат да и се закануваат или да биде наговарана. Тоа е затоа што Диела, како што ја нарекуваат, е бот генериран од вештачка интелигенција.
Премиерот Еди Рама, кој го започнува својот четврти мандат, во четврток изјави дека Диела, што на албански значи Сонце, ќе ги управува и ќе ги доделува сите јавни тендери на кои владата ангажира приватни компании за разни проекти.
„Диела е првиот член на кабинетот кој не е физички присутен, туку е виртуелно создаден од вештачка интелигенција“, рече Рама, претставувајќи го својот нов кабинет.
Таа ќе ја претвори Албанија во „земја каде што јавните тендери се 100 проценти ослободени од корупција“.
Јавните тендери долго време се извор на корупција во земјата, за која експертите велат дека е седиште на банди кои сакаат да перат пари од шверц со дрога и оружје низ целиот свет, и каде што корупцијата се вовлекла во коридорите на моќта. Таквата слика го отежна пристапувањето на Албанија кон ЕУ, што Рама сака да го постигне до 2030 година. Политичките аналитичари го сметаат ова за амбициозно.
Владата не објасни дали Диела ќе биде следена од луѓе или како ќе се елиминира ризикот од можна манипулација. Диела беше претставена претходно оваа година како виртуелен асистент со вештачка интелигенција на платформата e-Albania за добивање државни документи.
Многумина не ѝ веруваат. „Дури и Диела ќе биде корумпирана во Албанија“, коментираше еден корисник на Фејсбук. „Кражбите ќе продолжат, а Диела ќе биде виновна“, додаде друг. Новиот парламент, избран во мај, треба да започне со работа во петок.
Свет
ФБИ нуди до 100.000 долари за информации за убиството на Кирк
Федералното истражно биро на САД (ФБИ) понуди дарежлива парична награда до 100.000 долари за каква било информација што би можела да доведе до идентификација и апсење на лицето или лицата одговорни за убиството на Чарли Кирк.
The FBI is offering a reward of up to $100,000 for information leading to the identification and arrest of the individual(s) responsible for the murder of Charlie Kirk on September 10, 2025, at Utah Valley University in Orem, Utah. Contact 1-800-CALL-FBI and submit photos and…
— FBI (@FBI) September 11, 2025
Овој потег на истражителите има за цел да ја охрабри јавноста да соработува, со надеж дека високиот износ на наградата ќе ги мотивира оние со клучни информации да се јават. ФБИ вели дека дури и навидум незначителен детаљ може да биде клучен за решавање на случајот.
Секој што има информации за ова кривично дело се повикува да контактира со најблиската канцеларија на ФБИ или локалните власти. Идентитетот на оние што даваат помош може да биде заштитен, соопшти ФБИ.
фото: принтскрин
Европа
Зеленски: Размислете внимателно за вашите капацитети за воздушна одбрана
Украинскиот претседател Володимир Зеленски денеска ги повика сојузниците на Киев да ги преиспитаат своите капацитети за воздушна одбрана откако беспилотните летала, за кои Варшава тврди дека се руски, влегоа во полскиот воздушен простор.
Зборувајќи во Киев заедно со финскиот претседател Александар Стаб, Зеленски рече дека Украина е отворена и подготвена да ги поддржи сојузничките напори. Украина одби многу руски воздушни напади користејќи украинско и странско оружје, од митралези до напредни ракети.
Зеленски рече дека земји како Полска треба да размислат за слични повеќеслојни пристапи бидејќи ракетните системи како што е американскиот систем „Патриот“ се премногу скапи за употреба против поевтини руски беспилотни летала.
„Никој во светот нема доволно ракети за да собори сите различни видови дронови“, рече тој. Полска, со поддршка на сојузниците од НАТО, вчера собори неколку дронови што влегоа во нејзиниот воздушен простор.
Полскиот претседател го опиша инцидентот како руска провокација насочена кон тестирање на одговорите на Полска и НАТО. Зеленски рече дека Украина, која развила софистициран домашен пристап за одбивање на руските напади, е во позиција да им помогне на своите сојузници во тоа.
Тој рече дека полскиот премиер Доналд Туск веќе се согласил да испрати воени претставници во Украина за таа цел. Полските воени претставници ќе бидат обучени да соборуваат дронови, изјави извор запознаен со ова прашање.
фото: принтскрин
ФБИ објави фотографии од осомничениот за убиството на Чарли Кирк
ФБИ објави фотографии од осомничениот за убиството на Чарли Кирк. „Бараме помош од јавноста за идентификување на ова лице од...
ФБИ: Ја пронајдовме пушката со која беше затрелан Кирк, имаме и снимки и отпечатоци
Оружјето за кое се верува дека е употребено во вчерашното пукање врз Чарли Кирк е пронајдено, но осомничениот е сè...
Забрана за движење на територија на депонијата „Вардариште“
Управувачкиот комитет за координација и управување со системот за управување со кризи, на денешната 7-ма седница, предложи до Владата, а...
Вонреден инспекциски надзор на депонијата „Дрисла“
Во доцните попладневни часови, околу 15:15 часот, државниот Инспекторат за животна средина изврши вонреден инспекциски надзор поради пожар кој избувна...
Воздухот мириса, но ве уверувам дека не е штетен на ниво што предизвикува здравствени проблеми, вели Алиу
Иако депонијата „Дрисла“ трет ден го полни Скопје со смрдеа на изгорена пластика и гума, министерот за здравство, Азир Алиу,...
„Дрисла“ трет ден ги труе скопјани, Мицкоски со механизација од општествено одговорни компании ќе влезе на депонијата
За пожарот и чадот од депонијата „Дрисла“, кои трет ден ги трујат скопјани, премиерот Христијан Мицкоски вели дека има истрага,...
Мицкоски се извини за Фетаи: Тој се труди да го учи и зборува македонскиот јазик, не го знае оти се иселил на шест години
Потпретседателот на Владата задолжен за добро владеење, Арбен Фетаи, течно зборува четири странски јазици, а македонскиот сѐ уште го учи оти...
(Видео) Филипче: Мицкоски призна, граѓаните се оставени сами, без мерки за високите цени и со најниски плати
„Жалам што вчера премиерот изјави дека нема да се интервенира во цените на производите, вклучувајќи ги и основните прехранбени продукти,“...
Против три лица поднесено обвинение за депониите во „Вардариште“: ОЈО Скопје постапува и во други предмети за загaдување со отпад
Јавен обвинител од Основното јавно обвинителство Скопје ја заврши истражната постапка и денеска поднесе обвинителен акт против три лица за...
„Дрисла“ сѐ уште чади, агенција за обезбедување ја чува депонијата „Вардариште“
На депонијата „Дрисла“ сѐ уште има чадење, информира директорот на ДЗС, Стојанче Ангелов, кој појасни дека депониите тешко се гаснат со...
Охриѓанец паднал од третиот кат на зградата во која престојувал
Вчера во 19:38 часот во СВР Охрид е пријавено дека К.Д.(53) од Охрид паднал од третиот кат од зградата каде...
Сомнителни, незаконски и астрономски скапи набавки правело МНР за време на Бујар Османи, велат од „Вреди“
Сомнителни, незаконски и астрономски скапи набавки правел МНР за време на Бујар Османи, велат од „Вреди“. „Документите до кои дојдовме...
Последните зборови на Чарли Кирк пред атентатот: Куршум го погоди соработникот на Трамп додека зборуваше за насилство
Сѐ уште е во бегство осомничениот за атентатот на Чарли Кирк, младиот конзервативен активист, кој беше застрелан во вратот додека говореше...
Дождот не помогна многу – чадот од „Дрисла“ и утрово не стивнува, затрупувањето продолжува
Дождот засега не помогна многу во гаснењето на пожарот на депонијата „Дрисла“, чиј чад што се чувствува во воздухот во...
Шабан Салиу објави кандидатура за градоначалник на Шуто Оризари
Претседателот на Демократските сили на Ромите (ДСР), Шабан Салиу, синоќа ја промовира својата кандидатура за градоначалник на општина Шуто Оризари....
Нападот во Катар не беше мудар потег, му рекол Трамп на Нетанјаху
Американскиот претседател Доналд Трамп му рекол на израелскиот премиер Бенјамин Нетанјаху дека неговата одлука да изврши воздушни напади врз припадници...
Локални избори: на полноќ завршува јавниот увид во Избирачкиот список
На полноќ завршува увидот во Избирачкиот список, којшто граѓаните од 23 август можат да го проверат и да поднесат барања...
(Видео) Расправија за време на минутата молк за Кирк во Претставничкиот дом
За време на минутата молк за Чарли Кирк во американскиот Претставнички дом избувна жестока расправија. „Ве молам, станете за момент...
Сојузникот на Трамп убиен во атентат, ФБИ приведе осомничен, па го пушти
Чaрли Кирк (31), влијателен десничарски активист, близок до американскиот претседател Доналд Трамп и извршен директор на организацијата Turning Point USA...
Променливо облачно време, попладне со пороен дожд и грмежи
Времето денес ќе биде променливо облачно, попладне нестабилно со локален пороен дожд и грмежи. Наместа ќе има услови за изолирана...
