Свет
(Видео) „Не сум видел уништување од овој размер“ – Пакистан бара помош
![](https://makfax.com.mk/wp-content/uploads/2022/08/544440477630c71dc9b5b6695282508_v4_big.jpg)
Пакистанската влада повика на меѓународна помош за справување со вонредната состојба предизвикана од поплавите, во кои веќе загинаа повеќе од 1.000 луѓе.
Монсунот над Пакистан се заканува да остави една третина од земјата под вода.
Пакистанскиот министер за надворешни работи Билавал Буто-Зардари рече дека поплавите предизвикани од екстремните монсунски врнежи и топењето на глечерите ќе ја влошат и онака лошата економска ситуација во Пакистан и дека е потребна финансиска помош.
„Не сум видел уништување од овој размер, многу ми е тешко да го опишам со зборови… Во иднина би очекувал не само Меѓународниот монетарен фонд, туку и меѓународната заедница и меѓународните агенции навистина да го разберат нивото на уништување“, рече пакистанскиот министер.
Pakistani volunteers use bed frames to rescue people on pulley system above raging flood watershttps://t.co/XJFzomVn8t pic.twitter.com/ekNbZVe2cP
— BBC News (World) (@BBCWorld) August 29, 2022
Дури и без поплавите, Пакистан се соочува со висока инфлација и намалена вредност на валутата и се надева дека вонредната состојба од поплавите ќе го убеди одборот на ММФ оваа недела да ослободи 1,2 милијарди долари како дел од седмата и осмата транша од пакетот помош за Пакистан.
Првата странска помош почна да пристигнува во Пакистан во понеделникот со летови од Турција и ОАЕ – почеток на меѓународната помош за олеснување на катастрофата што погоди околу 33 милиони луѓе и остави поплавени делови од земјата.
Најмалку 1.061 лице загинаа во поплавите, а бројот се очекува да се зголеми, а многу заедници во планинските северни региони се отсечени од бесните реки кои ги однесоа патиштата и мостовите.
Официјалните лица предупредуваат дека една третина од Пакистан би можела да биде под вода до повлекувањето на овогодинешниот „монструнски монсун“.
Шери Реман, пакистанска сенаторка и федерална министерка за климатски промени, рече дека земјата се соочува со „сериозна климатска катастрофа, една од најлошите во последната деценија“.
Поради затоплувањето, глечерите во планинскиот северен регион на Пакистан се топат побрзо, што дополнително ги зголеми врнежите и поплавите. Пакистан има 7.532 глечери, повеќе од каде било надвор од поларните региони.
Ова го прави Пакистан една од земјите најмногу изложени на временските екстреми поврзани со климатските промени, поради што има чести бранови на суши и поплави.
Невидена сезона на монсуните ги погоди сите четири провинции во земјата. Речиси 300.000 домови се уништени, бројни патишта станаа непроодни, а прекините на електричната енергија се широко распространети, погодувајќи повеќе од 33 милиони луѓе – секој седми Пакистанец.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Нема струја, водата носи мостови, расте бројот на исчезнати во Швајцарија (ВИДЕО)
![](https://makfax.com.mk/wp-content/uploads/2017/07/oBK9lwTeiv-i-istanbul-pod-voda-poplavite-predizvikale-haos-i-vo-turcija.jpeg)
Во Швајцарија неколку лица се водат како исчезнати во кантон Тичино на југоистокот на земјата, по свлечиште предизвикано од силни дождови што ја зафатија оваа алпска земја, соопшти полицијата.
„Големите бури предизвикаа свлечиште во регионот Фонтана и луѓе се пријавени како исчезнати“, се наведува во соопштението на полицијата без да изнесат дополнителни детали.
Спасувачките акции се особено тешки поради лошите временски услови, додаваат од полицијата. Апел за евакуација од куќите во близина на реката Маги е упатен рано утрово за жителите на Прат-Сорника и долината Маги, каде се бараат исчезнатите. Патиштата се пресечени, а камповите што се наоѓаат покрај реката се евакуирани, соопшти кантоналната полиција. Водата однесе мост и блокираше кантонален пат. Струјата е исклучена во делови од регионот, а дел од кантонот остана без питка вода, според федералниот систем за предупредување Swissalert. Голем дел од Швајцарија од вчера попладне беше погоден од силни грмежни невремиња проследени со многу обилни врнежи.
⛈️ Nouvelle catastrophe à Zermatt en Suisse où des orages diluviens causent des inondations cette nuit, 8 jours après les précédentes. 🌊 (© Manuel Jorge) pic.twitter.com/eYuKmHmZT5
— Météo Express (@MeteoExpress) June 29, 2024
Европа
Русија соопшти дека соборила 36 дронови испратени од Украина
![](https://makfax.com.mk/wp-content/uploads/2024/04/shahed-136-dron00002-830x0.jpg)
Системите на руската противвоздушна одбрана уништија 36 дронови, испратени од Украина во текот на изминатата ноќ кон територијата на Русија, соопшти Министерството за одбрана во Москва.
Петнаесет беспилотни летала се соборени над Курска област, девет над Липецка, по четири над Воронешка и Брјанска и по два над Орловска и Белгородска, посочи Министерството во објава на социјалната мрежа Телеграм.
Европа
Четиринаесетгодишно девојче е киднапирано во Грција, во месноста Лариса
![](https://makfax.com.mk/wp-content/uploads/2024/06/isceznata.jpg)
Четиринаесетгодишно девојче е киднапирано во Грција, во месноста Лариса, а активирана е „Амберт алерт“ – килибарна тревога. Девојчето Хрисула Хрисобаланти исчезнало на 27 јуни околу 20.30 часот. Се претпоставува дека девојчето било киднапирано од постаро лице.
Медиумите пренесуваат дека девојчето е високо 155 сантиметри, тешко 55 килограми, долга кафена коса и темнозелени очи.
Во моментот на нејзиното исчезнување носела зелени бермуди, бела маица и бели влечки.
Грчките власти пред неколку дена известија дека трагаат по девојчето Константина-Ирини Р.(16), кое исчезна од предградието Ахарнес во Атина.
Според грчките медиуми, девојчето последен пат била видена во неделата на 16 јуни во вечерните часови.