Свет
(Видео) Објавени снимки на кои се слушаат истрели: Русија вознемирена поради осмоодделенката која упадна со пиштол во училиште

Убиено е девојчето Марија Н., а уште пет лица се ранети во училиштето во Брјанск, Русија, кога утрово во одделението влегла Алина А., девојче од нивниот клас и почнала да пука.
По пукањето, осмоодделенката извршила самоубиство.
Сè се случило околу 9:15 часот по локално време.
Според медиумите, Алина влегла во училиштето и се качила на четвртиот кат во својата училница. Часот по биологија бил во тек, а Алина наводно ја отворила вратата и почнала да пука во соучениците.
🔴 BREAKING || 🇷🇺 SCHOOL SHOOTING IN BRYANSK, TWO DEAD INCLUDING SHOOTER
One student died and 4 wounded after shots were fired at School No 5 in the Russian city of Bryansk
The female shooter brought her father’s shotgun into the school, shot 5 people and then took her own life. pic.twitter.com/XvlcwV4nCJ— Bloomberg Whistleblower (@bloombergblower) December 7, 2023
„Една од жртвите веќе е оперирана“, изјави за новинарите помошник-министерот за здравство на Руската Федерација Алексеј Кузњецов.
Кузњецов појасни дека лекарите состојбата на едно лице ја оценуваат како тешка, а четворица се во умерено тешка состојба.
Веднаш по пукањето сите ученици биле евакуирани од училиштето, а целата област била блокирана од полицијата.
Се уште не е познат мотивот за нападот, а се шпекулира дека девојчето му го одзело пиштолот од татко и.
Во меѓувреме, објавени се драматични снимки на кои се слушаат истрели.
Предупредуваме дека снимките на кои се слуша пукањето за некого можат да бидат вознемирувачки:
More footage from the Bryansk school shooting.#Russia #Bryansk #Schoolshootin pic.twitter.com/s2zdkNzkTI
— Ulfh3dnar (@Ulfh3dnar_) December 7, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Воведен полициски час во центарот на Лос Анџелес: „Во тек се масовни апсења“

Градоначалничката на Лос Анџелес, Карен Бас, прогласи полициски час во центарот на Лос Анџелес од 20 часот во вторник до 6 часот наутро во среда, велејќи дека го прави тоа за да ги спречи оние кои „ја искористуваат хаотичната ескалација на претседателот“ со распоредување на Националната гарда и маринците.
„Прогласив локална вонредна состојба и воведов полициски час во центарот на Лос Анџелес за да го сопрам вандализмот и грабежите“, им рече Бас на новинарите на вечерната прес-конференција, наведувајќи значителна штета на бизнисите и имотот.
„Полицијата ќе ги уапси лицата кои го прекршуваат полицискиот час, ќе бидете гонети“, додаде таа.
Градоначалничката наскоро објави на Икс дека воведува полициски час од 20 часот (локално време) во центарот на Лос Анџелес, велејќи дека го прави тоа за да „ги спречи злонамерните актери кои ја искористуваат хаотичната ескалација на претседателот“.
„Ако не живеете или не работите во центарот на Лос Анџелес, избегнувајте ја областа“, напиша таа.
Полиција: Во тек се масовни апсења
Полициската управа на Лос Анџелес доцна во вторникот објави дека „се во тек масовни апсења“, бидејќи повеќе групи демонстранти продолжуваат да се собираат во зоната на полициски час.
„Повеќе групи продолжуваат да се собираат на 1. улица помеѓу улиците Спринг и Аламеда“, објави полицијата на Лос Анџелес на социјалните медиуми Икс.
„Овие групи се под надзор и започнаа масовни апсења“.
Свет
(Видео) САД ја обвинуваат мексиканската претседателка за поттикнување немири, таа докажува дека лажат

Министерката за внатрешна безбедност на САД, Кристи Ноем, вчера ја критикуваше мексиканската претседателка Клаудија Шајнбаум за поттикнување насилство на протестите во Лос Анџелес против рациите за имиграција, тврдење кое Шајнбаум силно го негираше, велејќи дека таа го сторила спротивното и го осудила насилството од сите страни.
„Клаудија Шајнбаум истапи напред и ги поттикна протестите во Лос Анџелес. Ја осудувам за тоа“, изјави Ноем пред новинарите во Белата куќа. „Таа не треба да ги поттикнува насилните протести што се одржуваат. На луѓето им е дозволено мирно да протестираат, но насилството што го гледаме не е прифатливо и нема да се случи во Америка“, додаде Ноем.
Мексиканската претседателка одговори на навредите во објава на Икс, велејќи дека се целосно лажни и прикачи видео од прес-конференцијата завчера на која таа всушност го осуди насилството на демонстрациите.
Hace unos momentos, ante una pregunta de un medio, la secretaria de Seguridad Interior de los Estados Unidos, equivocadamente mencionó que alenté protestas violentas en Los Ángeles. Le informo que es absolutamente falso. Aquí dejo mi declaración del día de ayer donde claramente… pic.twitter.com/LEiVxdmvJv
— Claudia Sheinbaum Pardo (@Claudiashein) June 10, 2025
„Палењето полициски автомобили повеќе личи на чин на провокација отколку на отпор. Мора да биде јасно дека го осудуваме насилството од сите страни“, рече Шајнбаум на прес-конференцијата.
„Ја повикуваме мексиканската заедница да дејствува мирно и да не прибегнува кон провокации“, додаде Шајнбаум, апелирајќи и до американските власти да го почитуваат човековото достоинство и владеењето на правото. Мексиканската лидерка, чија влада е во тек на трговски преговори со администрацијата на Трамп, во објава на Икс изјави дека е уверена дека недоразбирањето ќе биде разјаснето.
Европа
Словачка се заканува дека ќе ги блокира новите санкции кон Русија

Словачка би можела да го блокира новиот пакет санкции на Европската Унија кон Русија доколку Европската комисија не понуди решение за загриженоста на земјата-членка во врска со снабдувањето со енергија, изјави вчера премиерот Роберт Фицо.
„Словачката Република нема да го поддржи предложениот 18-ти пакет санкции против Руската Федерација доколку Европската комисија не понуди вистинско решение за кризата што ќе ја зафати Словачка по целосното прекинување на снабдувањето со гас, нафта и нуклеарно гориво од Русија“, напиша Фицо на Фејсбук.
Словачка, која граничи со Украина и е членка на ЕУ и НАТО, е во голема мера зависна од руската енергија. Прекинот на протокот на руски гас низ Украина влијаеше на снабдувањето, предизвикувајќи спорови со Киев и загриженост во Братислава.
Словачкиот парламент минатата недела со тесно мнозинство одобри необврзувачка резолуција со која се повикуваат владините претставници да се спротивстават на какви било идни санкции што се сметаат за штетни за економијата на земјата.
Фицо, левичарски националист, постојано јавно ги критикуваше поединечните санкции на ЕУ, тврдејќи дека тие ќе ѝ наштетат на Словачка повеќе отколку на Русија. Но, за разлика од конзервативниот премиер на Унгарија, Виктор Орбан, Фицо и други словачки владини претставници на крајот ги поддржаа сите санкции против Русија без исклучок.