Свет
(Видео) Објавени снимки од училиштето во Грац: се слушаат истрели, седум ученици убиени

Најмалку девет жртви во пукањето во училиштето во австрискиот град Грац. Потврдени се девет смртни случаи – вклучувајќи го и сторителот.
Убиени се седум ученици и еден возрасен. Бројот на тешко повредени е двоцифрен, но точниот број сè уште не е официјално потврден. Според градоначалничката Елке Кар, напаѓачот е меѓу загинатите.
Се верува дека сторителот е поранешен ученик кој наводно отворил оган во две училници. Државната канцеларија за криминалистичка полиција започна истрага и бара мотив.
На социјалните мрежи е објавено видео од училница, на кое се слуша пукање.
Austria shooting – Here you can hear the shots in the Graz school.
Video shows gunshots heard in Graz school. The video was filmed in a classroom at the BORG.
Reports of 10 dead.
— Lord Bob Shit McShitface (@ShitMcShitface) June 10, 2025
„Незамисливо е што се случи денес во Грац. Како премиер на Штаерска и како татко, длабоко сум погоден од овој луд чин што донесе толку многу несреќа и неверојатно страдање“, рече штаерскиот премиер, Марио Кунасек.
Ein Video vom Spezialkommando in der Schule in Österreich in Graz bei der Evakuierung der Schule nachdem 8 Menschen bei einem Amoklauf getötet worden sind und zahlreiche Verletzte.#Amoklauf #Schule#Österreich#Tote #Spezialkommando #Großeinsatz #Graz#School #shooting… pic.twitter.com/es77Wd9xhv
— Politics World Wide Web (@PoliticsWWWeb) June 10, 2025
Најмалку 28 повредени лица моментално се лекуваат во болници. Најмалку четворица од нив се во исклучително критична состојба, некои жртви наводно биле застрелани во главата, објавува Кронен Цајтунг.
Осомничениот сторител наводно е 22-годишен поранешен ученик кој, според непотврдени информации, легално поседувал оружје – пиштол и пушка што ги имал со себе.
Еден од двата класа во кои пукал наводно е неговата поранешна училница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Ги изгубивме Индија и Русија поради најмрачната Кина

Американскиот претседател Доналд Трамп денес го коментираше зближувањето на Индија и Русија со Кина, што беше демонстрирано на неодамнешниот самит во Тинџин, Кина.
„Изгледа дека ги изгубивме Индија и Русија од најтемната, најцрната Кина“, рече Трамп на својата мрежа Truth Social, заедно со фотографија од рускиот претседател Владимир Путин, кинескиот претседател Шји Џјинпинг и индискиот премиер Нарендра Моди, направена на самитот на Шангајската организација за соработка во Тинџин претходно оваа недела.
„Нека имаат долга и просперитетна иднина заедно“, напиша тој во објавата, очигледно иронично.
Медиумите потсетуваат дека Трамп претходно го нарече самитот во Кина заговор против САД. Рускиот претседател Владимир Путин одговори дека „Трамп има добро чувство за хумор“.
За време на самитот, Шји Џјинпинг повика на воспоставување нов мултиполарен светски поредок што ќе ја предизвика американската демократија како водечка сила во глобалните прашања. Таквиот поредок, според него, би го вратил светот во состојба во која суперсилите ги контролираат своите сфери на влијание.
Фото: принтскрин
Свет
Полскиот претседател по средбата со Трамп: „Почувствував промена кај него“

Полскиот претседател Карол Навроцки изјави дека забележал промена на мислењето кај Доналд Трамп во врска со Владимир Путин, објави polsatnews.pl.
Сумирајќи го разговорот, Навроцки ја нагласи важноста на изјавите за безбедноста, но и повикот за самит на Г20 и дискусијата за увоз на американски гас со цел Полска да стане независна од руските извори на енергија.
Една од клучните цели на посетата беше да се обезбеди понатамошно американско воено присуство во Полска.
„Патував со надеж дека ќе можам да постигнам ниво на разговори на кое присуството на американски војници во Полска ќе се зголеми, а нема да се намали. И успеав во тоа“, рече Навроцки додавајќи дека се согласиле оти во иднина треба да размислуваме и за проширување на ова присуство.
На прашањето дали станува збор за проектот Fort Trump, кој вклучува постојана база на американските сили во Полска, претседателот одговори потврдно.
„Целата оваа дискусија се врти околу проекти што директно потсетуваат на Fort Trump. Имам голема надеж дека ќе се вратиме на оваа идеја“, рече тој. Нагласи дека е прерано за детали, но дека целта е да се создаде простор за американски инвестиции и економска и технолошка соработка.
Навроцки рече дека забележал промена во ставот на Трамп кон рускиот лидер.
„Мислам дека ја зајакнав промената на Трамп во перцепцијата за Владимир Путин. Ги споделив моите ставови за Руската Федерација со американскиот претседател“, рече тој.
Навроцки верува дека Трамп е „единствената личност во светот што е способна да преговара со Владимир Путин и да донесе мир“ и дека треба да биде поддржан во овие напори.
„Можам да кажам дека Доналд Трамп е лидер што знае да слуша. Ова е охрабрувачко и исклучително важно бидејќи зборуваме за претседателот на најголемата светска сила, кој знае да слуша, поставува прашања, сака да знае и е отворен за аргументите на другите“, рече Навроцки.
фото: принтскрин
Европа
(Видео) Украинците ја нападнаа најголемата рафинерија на рускиот нафтен гигант

Украинските беспилотни летала нападнаа неколку руски нафтени објекти синоќа вклучувајќи ја најголемата рафинерија на „Роснефт“ во Рјазан и складиште за нафта во окупираниот регион Луганск. Веста ја потврди Роберт (Мадијар) Бровди, командант на украинските беспилотни сили, објави „Киев индепендент“.
„Бензинот (во Русија) е при крај, а гасот и нафтата бргу исчезнуваат“, напиша Бровди на социјалните медиуми.
💥 Drones hit a refinery in Russia’s Ryazan, setting it ablaze. Ukraine confirms strikes on both the Ryazan refinery & an oil depot in occupied Luhansk. #MakeRussiaPay pic.twitter.com/PaSlQskXGq
— Iuliia Mendel (@IuliiaMendel) September 5, 2025
Жителите на Рјазан, град на 180 километри југоисточно од Москва, им ги пријавија на руските медиуми експлозиите околу 2 часот наутро, проследени со голем пожар што го осветли ноќното небо. Фотографиите и видеата што бргу се проширија на интернет покажаа густ црн чад што се издига од рафинеријата на јужните периферии на градот.
Објектот, со капацитет од 13,8 милиони тони годишно, веќе беше цел на украински беспилотни летала на 2 август кога две од неговите три главни единици беа принудени да се затворат.
— 🪖MilitaryNewsUA🇺🇦 (@front_ukrainian) September 5, 2025
Регионалниот гувернер Павел Малков изјави дека осум дрона биле соборени, а остатоците паднале врз индустриската зона тврдејќи дека немало жртви или штети на станбени згради. Тој не коментира директно за извештаите за пожарот во рафинеријата.
Во меѓувреме, во окупираниот регион Луганск локалните жители пријавија дека виделе црн чад доцна во четвртокот вечерта. Мадјар потврди дека украинските беспилотни летала погодиле складиште за нафта во регионот, иако обемот на штетата сè уште не е познат.
Руското Министерство за одбрана соопшти дека во текот на ноќта соборило вкупно 92 украински беспилотни летала.
фото: принтскрин