Свет
(Видео) Огнено торнадо снимено во Лос Анџелес
![](https://makfax.com.mk/wp-content/uploads/2025/01/Screenshot-2025-01-12-130444.jpg)
Огнено торнадо е забележано во долината Сан Фернандо во Лос Анџелес, феномен предизвикан од силните ветрови во област која веќе пет дена е загрозена од големи пожари.
Катастрофалните пожари веќе однесоа животи на најмалку 16 луѓе и уништија повеќе од 10.000 згради.
Феноменот е снимен недалеку од елитната населба Пацифик Палисадес, една од најтешко погодените од пожарите, објави Дејли Меил.
Иако денеска состојбата на терен е нешто поповолна, уште најмалку три пожари не се ставени под контрола. Најновата снимка покажува огнено торнадо кое се формира додека пламените јазици се приближуваат до долината Сан Фернандо.
Sky5 was overhead of two #FireTornados along the northern flank of the #PalisadesFire. pic.twitter.com/byBTw0Pexm
— KTLA (@KTLA) January 11, 2025
Огненото торнадо е ретка појава која се јавува кога пожар со турбулентни ветрови создава огнен вител, придружен со пепел и чад.
Владата сè уште не објави проценки за штетите, но приватните фирми проценуваат дека таа ќе се искачи на десетици милијарди долари.
Јавното здравство на округот Лос Анџелес издаде наредба за јавно здравје, во која се наведува дека пожарите „сериозно го нарушиле квалитетот на воздухот и претставуваат непосреден и долгорочен ризик за јавното здравје“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Вулканот Етна повторно активен, властите соопштија дека нема причина за паника
![](https://makfax.com.mk/wp-content/uploads/2025/02/vulkan-etna.jpg)
Еден од најактивните италијански вулкани, Етна, од минатиот викенд повторно исфрла лава, објавија италијанските медиуми.
Надлежните најавија дека будно ја следат ситуацијата и дека нема причина за паника.
Првите слаби ерупции беа забележани на 8 февруари, а тенки потоци лава беа регистрирани и во вторникот на јужната падина на кратерот познат како Боча Нуова, објави веб-страницата nationalworld.com.
Не се забележани значителни промени во параметрите на вулканот, објави „Опсерваторијата Етна“ на Италијанскиот национален институт за геофизика и вулканологија (ИНГВ).
Како што е соопштено, лавата тече во многу тесна линија и се протега на само неколку стотици метри, па се карактеризира како нормална вулканска активност.
Според вулканолозите, овој феномен е типична подтерминална ерупција бидејќи доаѓа од фрактура, а не од еден од главните кратери.
Етна, на островот Сицилија, е највисокиот активен вулкан (3.330 метри) во континентална Европа.
Минатото лето, по период на релативен одмор по големата ерупција во декември 2023 година, имаше неколку последователни ерупции.
И покрај честите ерупции, Етна е главна туристичка атракција.
Во 2013 година УНЕСКО ги прогласи вулканот и неговата околина за светско наследство препознавајќи ги неговото геолошко значење и влијанието врз локалната култура и економија.
Свет
Зеленски: Нападите врз Киев покажуваат дека Путин не се подготвува за мир
![](https://makfax.com.mk/wp-content/uploads/2024/12/zelenski45.jpg)
Денешните руски ракетни и беспилотни напади врз Киев покажуваат дека рускиот претседател Владимир Путин не се подготвува за мир, изјави денеска украинскиот претседател, Володимир Зеленски.
Во денешните напади на пет кварта на Киев најмалку едно лице загина, а тројца се ранети, изјави градоначалникот Виталиј Кличко на „Телеграм“.
„Путин не се подготвува за мир. Тој продолжува да убива Украинци и да уништува градови. Само силни мерки и притисок врз Русија може да стават крај на овој терор“, рече Зеленски.
„Она што ни треба сега се единство и поддршка на сите наши партнери во борбата за праведен крај на војната“, додаде тој.
Зеленски синоќа изјави дека е подготвен за размена на територија со Русија како дел од можните мировни преговори под покровителство на Соединетите Американски Држави.
Свет
Потврдено: во Украина убиен првиот Швајцарец
![](https://makfax.com.mk/wp-content/uploads/2025/02/shvajcarija-EPA.jpg)
Првпат од почетокот на руската инвазија во 2022 година швајцарски борец загина на бојното поле во Украина.
Швајцарската амбасада во Киев била информирана за неговата смрт на почетокот на годината, соопшти денеска швајцарското Министерство за надворешни работи.
Според швајцарските медиуми, службата во странски армии, како што е платеничкиот ангажман, според швајцарскиот воен кривичен закон се казнува со казна затвор до три години или со глоба.