Свет
(Видео) Огромен конвој се движи кон Тексас, се очекуваат 700.000 луѓе, Трамп кочи важен договор
Двопартиските преговарачи во американскиот Сенат денеска ќе го објават долгоочекуваниот, политички чувствителен договор за запирање на преминувањето мигранти преку американско-мексиканската граница, со цел следната недела да се гласа за нацрт-законот кој исто така ќе обезбеди нова помош за Украина и Израел.
Но, законот веќе се соочува со значително противење од републиканците во Сенатот и Претставничкиот дом, кои се на страната на Доналд Трамп, фаворит за републиканската претседателска номинација.
Сенаторот Кирстен Синема, еден од тројцата двопартиски преговарачи кои со месеци работеа на граничниот договор, рече дека договорот на кој работат ќе стави крај на практиката на ослободување на мигрантите фатени како илегално ја преминуваат границата, ќе обезбеди итни овластувања за затворање на границата и враќање на американскиот систем за азил.
„Драматично ја менуваме политиката“, изјави независниот сенатор од Аризона.
Трамп ги повика пратениците да отфрлат каков било договор пред претседателските избори во ноември, кои ќе ја одредат контролата врз Белата куќа и Конгресот. Водачот на мнозинството во Сенатот, демократот Чак Шумер најави дека првото гласање во Сенатот за дополнителниот пакет помош ќе се одржи најдоцна следната среда.
„Не можеме едноставно да бегаме од нашите одговорности само затоа што задачата е тешка. Овие предизвици на границата и во Украина и на Блискиот Исток се едноставно премногу големи“, рече Шумер во Сенатот, најавувајќи дека текстот на законскиот предлог ќе да биде завршен најдоцна до недела.
Претседателот Џо Бајден побара од Конгресот во октомври да одобри предлог-закон за итни трошоци од 106 милијарди долари, вклучувајќи 61 милијарда долари за Украина и 14 милијарди долари за Израел. Тоа барање беше закочено поради инсистирањето на републиканците тоа да биде поврзано со промените во имиграциската политика.
Границата меѓу САД и Мексико е главен проблем за републиканците, со рекорден број мигранти фатени како илегално преминуваат во САД откако Бајден ја презеде функцијата во 2021 година. Граничната патрола на САД уапсила околу 2 милиони мигранти на границата во 2023 година, што е слично на рекордниот број во првите две години од мандатот на Бајден.
Имиграцијата е исто така втора најголема грижа за Американците, според анкетата на Ројтерс/Ипсос објавена во средата. Околу 17 отсто од испитаниците рекле дека тоа е нивната најголема грижа, што е голем пораст од декември.
Најавата на Шумер дојде еден ден откако претседателот на Претставничкиот дом, Мајк Џонсон, републиканец, фрли сомнеж за иднината на каков било договор за границата на Сенатот, велејќи дека на Бајден не му треба нов закон за да го реши проблемот. „Од она што го слушнавме, овој таканаречен договор не ги вклучува промените на трансформациската политика што се потребни за да се запре катастрофата на границата“, рече Џонсон.
Но, некои републиканци се противат на колегите од нивната партија кои го нападнаа законот без да знаат што има во него. „Има некои во Сенатот и Претставничкиот дом кои очајно се обидуваат да го саботираат ова“, им рече на новинарите пратеникот Ден Креншо, републиканец од Тексас, сугерирајќи дека слепата републиканска опозиција во голема мера имала за цел да не му помогне на Бајден да го избегне имиграциското прашање во ноемвриските избори. „Тие прават да изгледа дека другите сме против законот. Но, тоа едноставно не е точно. Сакам да ја обезбедам границата. Тоа е она што им кажав на моите гласачи дека ќе го направам“, додаде Креншо.
America needs a truck convoy to head to the Texas border, pack their trailers full of illegals, and drive them directly to the capital building in D.C.
Let the tyrants deal with the rapists, murderers and terrorists they want to dump into our neighborhoods.
STAND WITH TEXAS pic.twitter.com/RGdCWqsFUN— Xappeal (@_Tweetiez) January 25, 2024
Голем конвој се упати кон границата, се очекуваат 700.000 луѓе
За утре е најавен огромен протест во Тексас. Колона камиони наречена „Take out border back“ ја напушти Вирџинија во понеделникот и се упати кон границата. Организаторите на протестот најавуваат доаѓање на 700.000 луѓе. Тие бараат од Бајден да преземе мерки за намалување на миграцијата.
🇺🇸 Take our Border back Convoy starts (Jan-29- Feb-3rd) 👇 Truckers for Texas
— Chicago1Ray 🇺🇸 (@Chicago1Ray) January 27, 2024
„Ние сме само обични граѓани, земјоделци, сточари, пензионирани полицајци. Ние не сме некои луди теоретичари на заговор. Тоа ќе биде мирен собир на Американци од сите политички класи и сите етникуми. Имаме камионџии, родители, мотоциклисти… Кога луѓето би можеле да донесат коњи, би го направиле и тоа. Знам дека зборуваме за 700.000 луѓе, а можеби и повеќе од тоа“, изјави организаторот Ким Јетер за „Њујорк пост“.
Тој тврди дека не се против имиграцијата, туку дека „работите излегле од контрола“.
JUST IN: "Take our Border Back" convoy has departed from Norfolk, Virginia for Eagle Pass to protest against Biden's open border.
The organizer, Craig Hudgins, says he wants to show his support for the Texas National Guard as they defend Texas.
Hudgins estimated that a whopping… pic.twitter.com/Ia6zbsTrPT
— Collin Rugg (@CollinRugg) January 29, 2024
Да потсетиме дека сериозен конфликт меѓу федералната влада и Тексас избувна околу прашањето за мигрантите. Гувернерот на Тексас, републиканецот Грег Абот, постави жица на границата, но Врховниот суд нареди жицата да се отстрани. Абот тврди дека Тексас има право на „самоодбрана“ и ќе им се спротивстави на федералните сили доколку е потребно. Тој беше поддржан од 26 републикански гувернери кои велат дека се подготвени да му дадат воена поддршка на Тексас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Зеленски: Путин ве тестира, мора силно да одговорите
Претседателот Володимир Зеленски рече дека рускиот напад врз Украина со нов тип балистичка ракета е „јасна и сериозна ескалација“ во војната и повика на силна осуда од меѓународната заедница.
„Ова е јасна и сериозна ескалација на размерите и бруталноста на оваа војна“, рече Зеленски на Икс, по нападот на градот Днепар во центарот на земјата.
„Употребата на балистичка ракета против Украина е уште еден доказ дека Русија не е заинтересирана за мир“, рече тој и додаде дека Путин „го тестира светот“, дека тоа е она што го прави и дека само решителна реакција од Западот може да го спречи.
„Светот мора да одговори“, рече тој. „Засега нема силна реакција од светот“.
Рускиот претседател Владимир Путин во телевизиско обраќање изјави дека Русија во четвртокот истрела хиперсонична балистичка ракета со среден дострел врз украински воен објект како одговор на употребата на американски и британски ракети од Киев.
Во коментарите на Икс, Зеленски рече дека признавањето на Путин за употребата на новото оружје е уште една ескалација во војната, која сега трае повеќе од 1.000 дена, по распоредувањето на севернокорејските трупи на руска територија.
„Путин не само што ја продолжува војната, тој им плука во лице на оние во светот кои навистина сакаат да го вратат мирот“, напиша тој.
„Светот мора да одговори. Во моментов нема силна реакција од светот… Недостигот на остри реакции на постапките на Русија испраќа порака дека таквото однесување е прифатливо“, осуди Зеленски.
Свет
Болсонаро е осомничен за обид за државен удар во 2022 година
Бразилската полиција повика на покренување обвинение против поранешниот претседател Жаир Болсонаро за заговор за „државен удар“ во 2022 година во обид да го спречи сегашниот лидер Луис Инасио Лула да Силва да ја преземе функцијата.
Полициските иследници заклучија дека Болсонаро и уште 36 лица планирале „насилно рушење на демократската држава“, се вели во полициското соопштение.
„Во четвртокот федералната полиција заврши истрага за постоење на криминална организација која дејствувала координирано во 2022 година во обид да го задржи тогашниот претседател на власт“, се вели во соопштението.
„Конечниот извештај е испратен до Врховниот суд со барање за обвинение против 37 лица за кривични дела насилно уривање на демократска држава, државен удар и криминална организација“, се вели во соопштението.
Сега бразилскиот јавен обвинител одлучува дали наводите се доволно потврдени за да се покренат кривични пријави. Доколку бидат прогласени за виновни, обвиненијата за обид за државен удар предвидуваат казни до 12 години затвор.
Свет
(Видео) Се заљубила во „полковник“ од Тиндер, па ја дознала мрачната вистина: „Мајк не постои, загубив 25.000 долари“
Британката Мери (60) последните 20 години ги поминала без партнер, па решила љубовта да ја побара на апликацијата за запознавање „Тиндер“.
Нејзиното внимание го привлече профилот на Мајк Марди, кој се претставил како 61-годишен полковник на американската армија од Нешвил стациониран во Велика Британија.
„Ми испрати видео, облечен во неговата униформа. Изгледаше прилично згодно“, се присети таа и раскажа како полковникот и’ рекол дека неговата сопруга починала од рак пред пет години и дека нема деца. Тој и’ испратил фотографија од себе и неговата покојна сопруга, а Мери решила да му даде шанса и му ја дала својата адреса.
За неа набрзо пристигнал пакет со подарок. Заедно со украсен златен цвет и уште неколку ситници била напишана порака: „Ти си таа со којашто сакам да бидам, сега и засекогаш“. Но, кусо потоа побарал од неа нешто. И’ кажал дека е на последната мисија на Куба пред пензионирањето и дека има животно осигурување за себе и за неговата покојна сопруга. Ја замолил Мери да му помогне да ја исплати полисата за осигурување.
На видеото тој ја замолил да му верува и ѝ рекол да му испрати пари за да ѝ биде доставена актовката со 766.000 долари на нејзината адреса и двајцата да уживаат во пензија.
Тој го дал бројот на банкарската сметка преку апликацијата за пораки „Сигнал“, а Мери ги испратила парите, но потоа добила актовка во која пишувало дека треба да испрати уште 12.600 долари за да добие шестцифрена шифра за пристап.
Таа почнала да се двоуми, а потоа Мајк и’ испратил видео во кое станал поагресивен, кажувајќи и колку изгледала како да е повеќе фокусирана на парите отколку на нивната врска. Мери попуштила и ги испратила парите, но шифрата никогаш не стигнала. Кога ја отворила актовката видела само празни хартии и сфатила дека е жртва на измамник. Таа изгубила околу 25 илјади долари од заштедата.
Подоцна ја дознала мрачната вистина: Мајк воопшто не постои. Неговите слики, глас, пораки и снимки се производ на вештачката интелигенција.
„Беше потресно. Навистина е страшно да се мисли дека тие ги создадоа овие видеа“, вели Мери, на која и било срам да каже дека е жртва на измама со вештачка интелигенција.
Мери сега работи со Националната линија за помош за измами.
„Оваа измама е една од најкомплексните што некогаш сме ги виделе бидејќи вклучува вештачка интелигенција, како и предмети кои се испраќаат преку пошта. Особено за луѓето кои не се запознаени со вештачката интелигенција, разбирливо е дека би можеле да паднат на такви измама“, објасни Мартин Ричардсон, постар партнер во компанијата.
Инаку, на веб-страницата на американските амбасади во Обединетото Кралство се појави предупредување за сајбер криминалци кои лажно се претставуваат како воени офицери и на тој начин мамат жртви и им извлекуваат пари. Слични измами со лажни генерали се регистрирани и во Македонија, кога жени пријавиле во МВР дека биле жртви.
Деветнаесетгодишна девојка го управувала автомобилот со којшто беше усмртена жената во Чаир
Деветнаесетгодишна девојка (А.Џ.) управувала со автомобилот „сеат алтеа“, со којшто попладнево беше прегазена жената во скопската населба Чаир којашто почина...
Студентите на протест поради јавниот превоз, бараат и набавка на нови автобуси и велосипедска инфраструктура
Универзитетското студентско сообрание (УСС-УКИМ) за утре, 22 ноември, најавува протест поради проблемите со јавниот превоз што ќе се случува од...
Трагедија вечерва во Чаир: Загина жена, ја прегази автомобил
Жена загина во скопската неселба Чаир, кога во неа удрил автомобил со скопски регистерски ознаки. Според информациите од СВР Скопје...
Владата ќе му позајми на градот Скопје дел од нафтените резерви на државата за ЈСП
Владата вонредно расправаше поради недостигот на енергенси за обавување на јавниот сообраќај на територијата на Град Скопје, при што беше...
(Видео) Избегната тепачка во Собранието, Гаши го повика обезбедувањето
Во македонскиот парламент денеска избегната тепачка меѓу некои од пратениците. Инцидентот се случи меѓу лидерот на Левицата, Димитар Апасиев, и...
Црната листа на САД е многу динамична и отворена за додавање нови имиња, порача Агелер
Американската амбасадорка Анџела Агелер, денеска, одговарајќи на новинарско прашање во врска со црната листа на САД, рече дека таа е...
(Видео) СДСМ со решенија за кризата во Скопје: закон за финансиска поддршка на Градот и на ЈСП, субвенциии за гориво, вели Јанчева
„Како што најавивме, денес сме тука за да ги презентираме нашите конкретни предлози за надминување на кризата во која се...
ЈСП избрало неприфатлива понуда во набавката на „евродизелот“, утврдени неправилности во постапката, соопшти Бирото за јавни набавки
Постапката за јавна набавка на „евродизелот“ објавена од страна на договорниот орган ЈСП беше предмет на управна контрола во Бирото...
Славески свика итна вонредна седница на Советот на Скопје поради колапсот на јавниот превоз
Претседателот на Совет на Скопје Трајко Славески за денеска во 18 часот закажа итна вонредна седница на која треба да...
Колапс на јавниот превоз, скопјани се солидаризираат: „Застанете ако сте со автомобил, превезете некого“
Од синоќа, со оглед дека нема автобуси, на социјалните мрежи се споделуваат повици за оние што одат на работа со...
Ексминистер и двајца поранешни директори меѓу уапсените за уривањето на натстрешникот на Железничката станица во Нови Сад
Поради уривањето на натстрешникот на Железничката станица во Нови Сад, уапсени се 11 лица, соопшти Вишото јавно обвинителство во Нови...
(Видео) Русите ја нападнаа Украина со шест бомбардери „ту-95“ и „миг“, Днепар во пламен
Во денешниот руски ракетен напад е оштетена индустриска компанија во Днепар, а во градот избувнале пожари, изјави началникот на воената...
Ажурираната нуклеарна доктрина на Русија е лукав потег на Путин против Бајден и му оди во прилог на Доналд Трамп
Нуклеарните закани на Москва се прилично суптилна игра која директно не ѝ штети на Русија, туку му штети на актуелниот...
Северна Кореја и Русија потпишаа протокол за соработка
Северна Кореја и Русија потпишаа протокол за соработка по состаноците за трговија, економија, наука и технологија во Пјонгјанг, објави севернокорејскиот...
(Видео) Еруптира вулкан на Исланд
Вулкан во близина на главниот град на Исланд доцна синоќа еруптираше по десетти пат во последните три години, исфрлајќи големи...
(Видео) Заглавен сообраќајот во Скопје, автобуси нема, Брзата помош не можеше да се пробие на Бит Пазар
Скопје е парализирано попладнево. Автобусите не сообраќаат, а граѓани се жалат дека не успеваат да најдат ниту слободно такси поради...
Осудени велешаните кои силуваа 14-годишно девојче, највисоката казна е 5 години и 6 месеци затвор
Во Основниот кривичен суд денес беше објавена пресудата против тринаесетте лица од Велес кои беа обвинети за сексуално злоставување на...
Мицкоски за Шекеринска: Ѝ честитав за изборот за заменик-генерална секретарка на НАТО, за нас – националното единство е пред партиските интереси
„Не е тајна дека во минатото сме имале многу концептуални разлики кога станува збор за справувањето со актуелните проблеми, политиките,...
Со гордост ќе ја претставувам Северна Македонија на оваа висока меѓународна позиција, рече Шекеринска
Радмила Шекеринска, која беше назначена за втор човек на НАТО, односно заменик-генерална секретарка на алијансата, утрово се заблагодари за честитките...
Поднесени 20 претставки за загадениот воздух, Меџити вели дека гасификацијата е решение за урбаните средини
До народниот правобранител поднесени се 40 претставки од областа на животната средина, од кои 20-ина за квалитетот на воздухот, изјави...
