Свет
(Видео) Патнички авион слетува во Тел Авив додека Железната купола ги соборува ракетите на Хамас

Видео од патнички авион кој слета на главниот израелски аеродром додека противракетниот систем ги соборува ракетите на Хамас до него, стана вирално на интернет.
Израелската телевизија прикажа снимка од авион кој се приближува до аеродромот Бен Гурион додека противракетниот систем „Железна купола“ соборува ракети од Појасот Газа.
Video from tonight shows a passenger aircraft landing at Ben Gurion airport of #TelAviv during rocket attack of #Hamas terrorist organization. You can see Tamir interceptor missiles launched by #IronDome Air Defense systems of #Israel Defense Force hunting the rockets one by one. pic.twitter.com/kPDORS8NI6
— Babak Taghvaee – The Crisis Watch (@BabakTaghvaee1) December 8, 2023
Повеќето меѓународни авиокомпании ги откажаа своите летови за Израел поради безбедносни причини по 7 октомври, кога започна конфликтот меѓу Израел и Хамас. Илјадници ракети од палестинската милитантна група беа лансирани на израелска територија во изминатите два месеци, вклучително и во правец на аеродромот.
И покрај тоа, израелската авиокомпанија Ел Ал продолжува да лета до и од Тел Авив.
Таа компанија пред две децении прва ги опреми патничките авиони со противракетни системи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.