Свет
(Видео) Патот до Нотр Дам е поплочен со мини депонии, парижани се жалат: Градот е полн со ѓубре
Поради штрајкот на градските работници за чистење, најпосетуваниот град во Европа веќе една недела е полн со ѓубре кое никој не го отстранува.
Отпадот ги наполни туристичките шеталишта, па планини од ѓубре може да се видат зад многу фотографии на туристите, а често и веднаш до култните споменици во Париз.
На брегот на Сена, во сенката на Нотр Дам, купиштата ѓубре го блокираат погледот, а за да стигнете до импозантната катедрала во срцето на главниот град, треба да поминете неколку „мини депонии“.
The streets of Paris fill with trash as workers continue to strike against President Macron’s pension reforms. pic.twitter.com/mvLrdCCvcz
— DW News (@dwnews) March 13, 2023
Исто така, посетителите кои сакаат да му се восхитуваат на погледот на Ајфеловата кула од Трокадеро, при излегувањето од метрото, прво ќе наидат на планина од црни кеси, додека романтичните улици на Париз се полни со кутии, торби и остатоци од храна придружени со непријатни миризби.
Градските комуналци протестираат против контроверзниот закон со кој старосната граница за пензионирање ќе се зголеми од 62 на 64 години.
Покрај тоа, Сенатот го усвои предлогот и покрај масовните протести и акумулацијата на ѓубре во главниот град. Сепак, францускиот претседател Емануел Макрон не изгледа премногу вознемирен од тоа, бидејќи го отфрли барањето на синдикатот за „граѓански консултации“ за законот, што предизвика нови протести во саботата, иако со многу помал број луѓе излезени на улиците отколку пред четири дена.
France’s transport minister criticized mayor of Paris as trash piled up in capital amid a strike action by garbage collectors https://t.co/86fOp41i7T pic.twitter.com/KTPfoFBoNa
— ANADOLU AGENCY (@anadoluagency) March 14, 2023
До донесувањето на законот сега има комплицирана процедура со неколку потенцијални исходи. Предлогот најпрво оди до комисија од седум сенатори и седум пратеници во Долниот дом во среда за да се најде компромис меѓу верзиите на текстот на двата дома. Истиот ден синдикатите го планираат осмиот круг протестни маршеви низ земјата, пренесува „Еуроњуз“.
Околу 5.600 тони несобран отпад се распослани на улиците на главниот град, објави канцеларијата на градоначалникот на Париз.
„Седми ден без собирање на отпадот. Градот смрди“, напиша градоначалникот во градот на Твитер споделувајќи фотографии.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Привремениот либански премиер Микати: На Либан му треба итен прекин на огнот
Привремениот премиер на Либан, Наџиб Микати, денеска изјави дека на неговата земја и е потребен итен прекин на огнот меѓу Израел и милитантите на организацијата Хезболах и најави дека околу 1,2 милиони луѓе се раселени поради израелските напади.
„Запрете ги борбите. Не ни треба повеќе крв. Не ни треба повеќе уништување“, рече Микати на онлајн конференција организирана од Американската работна група за Либан, непрофитна организација со седиште во САД, пренесува Ројтерс.
Тој нагласи дека „итно е потребно прекин на огнот“.
Свет
Бајден: Не поддржувам напади врз иранските нуклеарни постројки како одговор на нападот
Американскиот претседател Џозеф Бајден изјави денеска дека не поддржува напади врз иранските нуклеарни постројки како одговор на ракетниот напад врз Израел.
„Ќе разговараме со Израелците за тоа што ќе направат, но сите седуммина (земјите од Г7) се согласуваме дека имаат право да одговорат, но тие треба да одговорат пропорционално“, им рече Бајден на новинарите, пренесе Ројтерс.
Бајден одговори дека ќе бидат воведени нови санкции кон Иран и додаде дека наскоро ќе разговара со израелскиот премиер Бенјамин Нетанјаху.
„Очигледно е дека Иран отстапи далеку од курсот“, нагласи тој.
Иран вчера лансираше повеќе од 180 балистички ракети кон Израел, потег што Бајден претходно го опиша како „неефикасен“.
Израелскиот премиер Бенјамин Нетанјаху вети дека Иран ќе плати за нападот.
Некои аналитичари наведуваат дека одговорот на Израел овој пат веројатно ќе биде поостар, што укажува на тоа дека Израел би можел да ги таргетира иранските нуклеарни или нафтени постројки, пренесува Танјуг.
Свет
Претставникот на Израел во ОН: Итно да се воведат санкции кон Иран поради неговиот ладнокрвен напад врз Израел
Претставникот на Израел во ОН Дени Данон побара денеска на итната седница на Советот за безбедност на Обединетите нации посветена на кризата на Блискиот Исток, веднаш да се воведат санкции кон Иран поради, како што наведе, ладнокрвнниот ракетен напад врз Израел.
„Ова е напад врз милиони израелски цивили. Тоа се жени и деца, муслимани, христијани, Евреи, луѓе од сите вери. Во овој невиден чин на агресија, Иран истрела речиси 200 балистички проектили“, рече Данон, ОН, соопшти Советот за безбедност.
Тој изјави дека милиони луѓе се во засолништа и посочи дека нападот на Иран е обид да се нападне срцето на израелското општество и дека на мета биле најсветите места – џамиите, црквите и синагогите.