Свет
(Видео) Пентагон официјално објави снимки од НЛО
Американската армија објави видео од неидентификувани летачки објекти за да ги потврди инцидентите што се случиле во 2004 и 2015 година, се вели во соопштението на Министерството за одбрана.
Тоа се видеа снимени од пилотите на морнарицата на САД, кои со години кружат на социјалните мрежи. Едната снимка е направена во ноември 2004 година, а другата во јануари 2015 година, јавува Си-ен-ен.
На снимките се гледа нешто за кое се верува дека е НЛО. Се движи со неверојатно голема брзина и е снимен со инфрацрвена камера. Двете видеа содржат реакции од членовите на американската морнарица, кои исплашено коментираат за тоа колку брзо се движат предметите. Еден од нив вели дека може да биде дрон.
„Министерството за одбрана ги објави видеоснимките за да го разоткрие погрешното сфаќање во јавноста дали видеата што кружат се реални или не и дали има уште такви видеа. Феномените забележани во воздухот продолжуваат да се карактеризираат како неидентификувани летачки објекти“, рече портпаролката на Пентагон, Сју Гоуг.
Таа изјави дека по детаљниот преглед на снимките е утврдено дека објавувањето на тие досега тајни видеозаписи не откриваат никакви чувствителни информации или системи додавајќи дека тоа нема да ги спречува дополнителните истраги за упадот на НЛО во воздушниот простор на американската војска.
Сепак, објавените видеоснимки не придонесоа да се разјасни мистеријата за постоење вонземјани за кое тврдат теоретичарите на заговор. Можно е дека станува збор за шпионски авиони, што американските аналитичари едноставно не успеале да ги препознаат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски се обрати до нацијата: Се браниме кај Харков, во Доњецк е исклучително тешко
Украинските сили продолжуваат со одбранбените операции околу северните погранични населби во регионот Харков, изјави украинскиот претседател, Володимир Зеленски во вечерното обраќање до нацијата.
„Нашите сили извршуваат контранапади и ја штитат украинската територија веќе втор ден“, рече Зеленски.
Украинската војска претходно соопшти дека руските сили се задржани во пограничните села во „сивата зона“, додека Русија објави дека зазела пет локални населби.
Ситуацијата, рече Зеленски, е особено напната во регионот на Доњецк, поточно во правец на Покровское, кај селата Семенивка и Нетаилова.
Зеленски додаде дека попречувањето на руските офанзивни акции сега е задача број еден.
Свет
Макрон: Се надевам дека Французите нема да мора да се борат во Украина
Францускиот претседател Емануел Макрон уште еднаш не ја исклучи можноста за интервенција на француската армија во Украина, но истовремено изрази надеж дека неговата земја нема да мора да војува и да испраќа свои војници во војна.
Како што пренесува „Украинска правда“, Емануел Макрон рече дека во одреден момент Европејците треба да бидат подготвени да ја спречат Русија да напредува понатаму во Украина, но тој најискрено се надева дека нема да мора да се борат.
„Ако сакаме мир, мораме да го заштитиме. Затоа треба да се вооружиме и затоа треба да бидеме средство за одвраќање и убедување. Ако одите предалеку и ги загрозувате нашите интереси и нашата безбедност, тогаш јас не исклучувам интервенци во конфликтот“, рече Макрон.
Тој нагласи дека украинскиот суверенитет и територијалниот интегритет се под закана, но истовремено владеењето на правото и општите правила се под закана.
„И ако оставиме сè како што е во Украина, тогаш ќе победи правото на посилниот. И не можеме да бидеме сигурни бидејќи тоа се случува на 1.500 километри. Значи, во Украина нашата иднина и нашата безбедност се во прашање“, заклучи францускиот претседател.
Свет
Големи пропалестински протести во Малме пред евровизиското финале, се бара исклучување на Израел од натпреварот
Денеска во центарот на Малме, Шведска се одржува масовен пропалестински протест поради учеството на Израел на овогодинешното натпреварување.
Голем број луѓе почнаа да се собираат на главниот плоштад во Малме од 16 часот.
Протестот почна на главниот плоштад во Малме, а насобраните од ова место се упатија кон арената Малме, каде што се одржува Евровизија.
Во четвртокот, кога претставничката на Израел настапи во втората полуфинална вечер, на улиците на Малме протестираа повеќе од 30.000 луѓе, според проценките на шведската полиција.
Барањата се исти – бојкот на Евровизија и исклучување на Израел од натпреварувањето.