Контакт

Свет

(Видео) Пет светски настани што ја одбележаа 2020, а не се за коронавирусот

Објавено пред

Кога ќе се спомене 2020 година, сите веднаш помислуваат на Kовид-19 и тоа е во ред. Но, оваа година имаше и други светски настани што ќе влијаат на случувањата во годините што претстојат.

dobivaj vesti na viber

Макар и без пандемијата на коронавирусот, идните историчари 2020 година ќе ја сметаат за година полна со настани што го сменија светот.

Од претседателските избори во Америка до повеќемесечните протести против „последниот европски диктатор“, ова се пет настани што ќе го обликуваат светот во следните години.

Бајден го победи Трамп на изборите во САД

Очите на целиот свет во ноември беа свртени кон САД – и сите едвај чекаа да дознаат дали најголемата економска и воена сила на светот ќе ја води Доналд Трамп уште четири години или ќе му биде препуштена на демократскиот кандидат Бајден.

Иако изборите беа одржани на 3 ноември, борбата беше тесна и неизвесна во некои клучни земји, па дури по неколку дена, Џо Бајден беше проектиран како победник додека броењето на гласовите продолжи.

Сепак, Трамп не го прифати поразот велејќи дека изборите се лажни и дека станува збор за изборна измама од страна на демократите, без да наведе докази.

Бајден победи со рекордни 81.283.385 гласа наспроти 74.2223.744 на Трамп, а Изборниот колеџ ја потврди победата на Бајден – 306 изборни гласа, а Трамп освои 232.

Велика Британија излезе од Европската Унија

Велика Британија официјално ја напушти Европската Унија на 31 јануари оваа година – но, со преоден рок како дел од договорот за повлекување.

Ова е првпат некоја држава да го напушти блокот, а долгорочните последици допрва треба да се видат.

Напуштањето се случи четири години по референдумот, а земјата за тоа време смени дури тројца премиери. Сагата траеше до крајот на 2020 година, а Велика Британија и ЕУ се бореа за трговскиот договор и другите аранжмани.

Европската Унија и Велика Британија постигнаа трговски договор по неколкумесечни несогласувања во врска со правата за риболов и идните бизнис-правила.

Договорот е постигнат една недела пред истекот на транзицискиот период на брегзитот.

Револуција во Белорусија

Александар Лукашенко, кого некои го нарекуваат последен диктатор на Европа, победи на претседателските избори во август, тврди неговиот режим.

Сепак, западните влади, ЕУ и голем дел од белоруското население не се согласуваат тврдејќи дека изборите биле наместени во корист на Лукашенко, кој е претседател 26 години – и е единствениот претседател што некогаш го имала земјата.

Предводена од коалиција на жени лидери, опозицијата забележа огромна поддршка во јавноста во изборниот круг, а по објавувањето на резултатите, се одржаа невидени протести во целата земја.

И покрај репресијата од страна на државните безбедносни сили, која опфаќаше илјадници апсења, обвинувања за тортура и смрт на голем број активисти, протестите продолжуваат да се одржуваат на улиците на Минск и другите градови.

Лидерот на опозицијата, Светлана Тихановскаја, беше противкандидат на изборите по апсењето на нејзиниот сопруг. Оттогаш се наоѓа во егзил, а другите опозициски лидери се принудени да ја напуштат земјата или се во затвор.

Оставка на владата во Бејрут по катастрофалната експлозија во пристаништето

Речиси 200 лица загинаа, а илјадници беа повредени во катастрофалната експлозија во пристаништето Бејрут на почетокот на август.

Но, последиците од таа експлозија ги надмина штетите, смртта и уништувањето што го предизвика, што на крајот доведе до оставка на владата по негодувањето во јавноста и меѓународниот свет.

Попладнето на 4 август, огромна експлозија, толку моќна што се почувствува и на стотици километри оддалеченост, во Израел и на Кипар, го потресе Бејрут.

Официјални лица изјавија дека тоа е предизвикано од согорување речиси 2.750 тони амониумнитрат, индустриско ѓубриво што стоело со години на пристаништето, неправилно складирано.

Потврдено е дека повеќе од 200 лица загинаа од експлозијата, илјадници беа хоспитализирани, а околу 300.000 луѓе останаа без покрив над главата поради широкораспространетата штета нанесена во поголемиот дел од градот.

Кога беше откриена причината за експлозијата, со потенцијално опасна супстанција што се чувала погрешно, се зголеми гневот во земјата.

Неколку дена по експлозијата – владата поднесе оставка

Премиерот на Либан, Хасан Дијаб, е само еден од официјалните лица што се соочуваат со обвиненија за експлозијата. Судијата што ја поднесе тужбата рече дека министрите добиле неколку предупредувања за амониумнитрат и дека не презеле никакви мерки за да го спречат тоа што се случило.

Движењето Black Lives Matter се прошири на глобално ниво

Смртта на Афроамериканецот Џорџ Флојд (46), кој почина кога полицаец го стисна за вратот и клечеше врз него повеќе од осум минути за време на апсењето, доведе до големи протести не само во САД, каде што  се случи инцидентот, туку и во целиот свет.

Флојд беше уапсен на 25 мај кога наводно се обидел да плати продукти со фалсификувани пари. Дерек Шовин, белец, полицаец од Минеаполис, клечеше врз неговиот врат, додека другите полицајци му помагаа да го задржи Флојд на земјата или ги спречуваа минувачите да помогнат.

Кога снимките од неговата смрт многу бргу се проширија и се споделуваа, имаше големи протести против полициската бруталност и расна неправда, првично локално, пред тие да се прошират во САД, а потоа и во целиот свет.

Имаше демонстрации во европските градови, каде што се појавија прашања за тековната расна нееднаквост, полициската бруталност и за историски прашања, како што е колонијализмот.

Движењето Black Lives Matter, основано во 2013 година по убиството на тинејџерот Трејвон Мартин, доби меѓународно внимание по смртта на Флојд, а организации беа основани во многу земји.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Бразил: Tинејџер уби едно, а повреди две други деца и наставник во основно училиште

Објавено пред

Едно дете е убиено денес, а две деца и еден наставник се повредени, кога тинејџер ги нападнал со нож во основно училиште во градот Естакао на северот од Бразил, објавија локалните медиуми.

dobivaj vesti na viber

Осумгодишно момче им подлегнало на повредите во болница по нападот, а повредени се и две осумгодишни девојчиња, соопштија официјални лица.

Шеснаесетгодишниот напаѓач е уапсен од полицијата, објави G1.globo.

Мотивите за нападот засега се непознати, а истрагата ќе ги утврди сите околности на инцидентот, пренесува Танјуг.

Прикажи повеќе...

Свет

(Видео) Над 200 деца отруени во градинка во Кина: храната содржела 2.000 пати повеќе олово од дозволеното

Објавено пред

Повеќе од 200 деца се лекуваат во болница поради труење со олово во северозападна Кина, откако готвачите во градинка користеле боја за украсување на нивната храна. Осум лица се уапсени откако тестовите покажале дека примероците од храна од градинката Пеиксин во градот Тјаншуи, покраината Гансу, содржеле 2.000 пати повеќе олово од дозволеното.

dobivaj vesti na viber

Вкупно 233 деца во приватната градинка имале високо ниво на олово во крвта откако јаделе торта од хинап и лепчиња со колбаси и пченка. Според полициското соопштение, директорот на градинката побарал од персоналот во кујната да ја нарача бојата преку интернет.

Откако децата се разболеле, полицијата морала да бара залихи од боја бидејќи биле скриени. Во соопштението се вели дека на пакувањето јасно пишувало дека бојата не е за јадење.

Еден родител изјавил за Би-Би-Си дека е загрижен за долгорочните ефекти од труењето со олово врз црниот дроб и дигестивниот систем на неговиот син. Минатата недела го однел во болница во Сиан на тестови откако другите родители го кренале алармот. На неговиот син сега му се потребни десет дена лекување.

Кинеските државни медиуми објавија снимки за кои велат дека се направени од кујнските надзорни камери, на кои се гледа како персоналот додава прехранбена боја во храната. Истражителите откриле дека колачот од хинап и лепчињата од колбаси и пченка содржат нивоа на олово од 1.052 мг/кг и 1.340 мг/кг, соодветно, во споредба со националната граница за безбедност на храната од 0,5 мг/кг.

Директорката на градинката и уште седум други, вклучувајќи го и главниот инвеститор, сега се под истрага поради сомнение за производство на токсична и штетна храна. Не е познато колку долго готвачите ја користеле бојата во храната, но неколку родители им кажале на кинеските медиуми дека нивните деца се жалеле на болки во стомакот и нозете и губење на апетитот од март.

Истрага беше покрената откако родителите ги пријавиле своите сомневања до локалните власти. Градоначалникот на Тјаншуи, Лиу Лиџианг, рече дека овој случај открива сериозни пропусти и недостатоци во надзорот на безбедноста на храната и дека градот ќе научи од овој настан.

Прикажи повеќе...

Свет

(Видео) Тепачка во парламентот на Ерменија

Објавено пред

Денес, меѓу членовите на Националното собрание на Ерменија избувна тепачка, во која учествуваше и член на опозицијата, на кого подоцна му беше одземен имунитетот и се соочува со кривична постапка за повикување на смена на премиерот Никола Пашињан.

dobivaj vesti na viber

Пратеникот Артур Саргсјан го заврши својот говор во парламентот изјавувајќи дека случајот против него е „решен однапред“, а потоа се обиде да ја напушти салата, но беше спречен од други пратеници со помош на обезбедувањето.

Во својот говор, Саргсјан рече дека Ерменија станала „бастион на диктатурата“ каде што „сè е одлучено однапред, запишано и одобрено“.

По говорот на Саргсјан, пратениците гласаа за одземање на неговиот парламентарен имунитет, со што се отвори можноста за кривична постапка против него.

Подоцна тој се предаде на Ерменскиот истражен комитет, кој го обвини него и уште 15 лица за заговор за соборување на Владата.

Прикажи повеќе...

Најново

Македонија10 часа

Во државата се регистрирани 23 пожари, 11 се активни, еден е под контрола, соопшти ЦУК

Центарот за управување со кризи соопшти дека до 19 часот на територија на државата регистрирани се вкупно 23 пожари на...

Македонија11 часа

Не е безбедна употребата на „БТР 80“ бидејќи се оперира низ стрмни и тесни улици со остри кривини, вели Ангелов по прашањата дали истите се користат за гаснење на пожари

Во текот на вчерашниот и денешниот ден, во гаснењето на пожарот во скопско, учествуваат еден Хермелин со цистерна од 6...

Македонија13 часа

(Видео) Кризна состојба од 30 дена поради пожарите во државата, прогласи Владата

Портпаролката на Владата, Марија Митева на прес-конференција соопшти дека во државата се прогласува 30 дневна кризна состојба поради ситуацијата со...

Македонија14 часа

Апел до скопјани за рационална и совесна употреба на водата за пиење, повторно има енормна потрошувачка

ЈП Водовод и канализација – Скопје ја информира јавноста дека се продолжува со енормно зголемената и неконтролирана потрошувачка на вода...

Македонија15 часа

(Видео) Кирков: Во ЗОО Скопје се работи аматерски, бараме оставка од управата

Дел од советничката група на ВМРО-ДПМНЕ во Советот на Град Скопје направи посета на јавната установа Зоолошка градина, а тоа...

Топ16 часа

Монструм од Чегране (72) извршил обљуба врз 12-годишно девојче

Маж од Гостивар пријавил во полиција дека 72-годишен старец ја допирал неговата 12-годишна ќерка. Според информациите на МВР,  вчера во...

Македонија19 часа

Обвинение за поранешниот директор на затворот во Шуто Оризари – допуштал осуденици да си одат дома и на приватни локации

Јавен обвинител од специјализираното одделение за гонење кривични дела сторени од лица со полициски овластувања и припадници на затворската полиција...

Македонија19 часа

(Видео) Километарска колона камиони тргнати кон Блаце стојат заглавени на скопската обиколница поради пожарот

Колона камиони, шлепери и цистерни, долга повеќе од два километра, е заглавена на скопската обиколница иако сообраќајот за товарни возила...

Македонија19 часа

(Видео) Ангелов: Има нови индиции дека пожарот кај Блаце е подметнат, некој утрово се обидуваше да го реактивира

За пожарот, кој во неделата околу пладне избувна покрај магистралниот пат, кој од Скопје води кон граничниот премин Блаце, се...

Македонија20 часа

Недоволниот буџет и застојот во инвестициите го поткопуваат здравствениот систем, покажува ревизијата

Државниот завод за ревизија објави дека 23 програми за здравствена заштита во 2023 година се реализирале со недоволни средства, што...

Македонија20 часа

(Видео) Два полициски хеликоптера интензивно го гаснат пожарот кај Чучер-Сандево, досега исфрлени над 70 тони вода

Денеска, од раните утрински часови, два хеликоптера од Хеликоптерската единица за полициски намени при МВР, „бел 412“ и „агуста бел...

Македонија21 час

Скопскиот Регион со најмногу интервенции, пожарите сѐ уште активни на седум локации

Во изминатите 24 часа во државата се евидентирани вкупно 32 пожара на отворен простор, информираат од Центарот за управување со...

Македонија22 часа

Пожар во кругот на Клиничката болница „Д-р Трифун Пановски“ – Битола, не е загрозена безбедноста на пациентите и на вработените

Министерството за здравство информира дека синоќа во кругот на Клиничката болница „Д-р Трифун Пановски“ – Битола избувнал пожар како резултат...

Европа22 часа

Лавров ги објави руските услови за мир

Рускиот министер за надворешни работи Сергеј Лавров ги изложи барањата на Москва за мировен договор за прекин на руската инвазија...

Свет22 часа

Шефот на НАТО: Ако Кина го нападне Тајван, кинескиот претседател ќе побара од Путин да го нападне НАТО

Доколку Кина започне инвазија на Тајван, би можела да побара од Русија истовремено да отвори втор фронт против земјите-членки на...

Свет23 часа

Трамп и Нетанјаху: Блиску сме до наоѓање земји што би можеле да ги прифатат Палестинците

Американскиот претседател Доналд Трамп и израелскиот премиер Бенјамин Нетанјаху вчера се сретнаа во Белата куќа, каде што разговараа за напорите...

Свет24 часа

Трамп воведе нови царини: Камбоџа, Бангладеш, Србија и Босна поминаа најлошо

Американскиот претседател Доналд Трамп најави дека ќе воведе високи, единствени царини за увоз од најмалку 14 земји почнувајќи од 1...

Македонија24 часа

(Видео) Арсовска: Фатен како прави див приклучок сторител беше извесен инспектор од МВР, кој во бес дека се фатени среде неделото, физички ја нападна советничката Витина

„Град Скопје при вонредна теренска контрола затекна лице (инспектор во МВР), кој во тој момент нелегално се приклучува на мрежа...

Свет1 ден

Акциите на „Тесла“ потонаа откога Маск најави дека ќе формира партија

Акциите на „Тесла“ паднаа за речиси 7% еден ден откако извршниот директор Илон Маск најави формирање на нова политичка партија,...

Топ1 ден

Уапсен скопјанец, подметнал пожар во Ѓорче Петров

Вчера вечер, полициски службеници од СВР Скопје на територија на Ѓорче Петров го лишија од слобода 57-годишниот Д.Н. од Скопје...