Свет
(Видео) Пожар во ресторан во Кина, загинаа 22 лица

Во пожар во ресторан на североисток од Кина вчера загинаа 22 лица, објави официјалната новинска агенција Синхуа, без да ја наведе причината за пожарот. Ова е најновиот во низата слични смртоносни инциденти низ целата земја во последниве години, објави Ројтерс.
„Синхуа“ објави дека претседателот Кси Џинпинг го нарече ова длабоко отрезнувачка лекција и ги повика лекарите да им помогнат на повредените, а локалните власти да утврдат што го предизвикало пожарот и да ги пронајдат одговорните. Пожарот избувнал во ресторан во станбена област во градот Лиаојанг во покраината Лиаонинг, објави државната телевизија CCTV. Три лица беа повредени.
#Liaoning #China🇨🇳- At least 22 people killed and three others injured after fire breaks out at hotel restaurant in #Liaoyang; Ministry of Emergency Management has said (📹谷火平) pic.twitter.com/5pAvAgBbqh
— CyclistAnons🚲 (@CyclistAnons) April 30, 2025
Снимките што кружат на социјалните медиуми, вклучувајќи ги X и кинеската платформа Douyin, а кои се потврдени од Ројтерс, покажуваат светло портокалови пламени како зафаќаат продавница на ниво на улица, покрај десетици паркирани возила. Можеше да се види како се издига чад додека болничарите им помагаа на луѓето на носилки.
China
Liaoyang Sanlizhuang Chef Restaurant Fire Killed 22 People
At noon on April 29, a fire broke out at the "Cook Chinese Restaurant" in Sanlizhuang, Liaoyang. Witness: The fire started very quickly, and the thick black smoke instantly covered the upper and lower floors.… pic.twitter.com/pkHXcLRKGr
— ChinaVideos (@ChinaVideos1) April 30, 2025
Хао Пенг, секретар на партискиот комитет на покраината Љаонинг, изјави дека на местото на настанот се распоредени 22 противпожарни возила и 85 пожарникари. Хао рече дека спасувачката работа на местото на настанот е завршена и дека луѓето се евакуирани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Четворица маскирани напаѓачи ограбија златарница во западниот дел на Сиетл

Четворица маскирани напаѓачи ограбија златарница во западниот дел на Сиетл и за помалку од две минути украдоа накит и луксузни предмети во вредност од околу два милиона долари, соопшти полицијата.
Настанот се случил во четвртокот попладне, а надзорните камери снимија како осомничените со чекани ги разбиваат заклучените стаклени врати и за 90 секунди празнат шест витрини. Меѓу украдените предмети се наоѓаат и „Ролекс“ часовници со проценета вредност од 750.000 долари и смарагдна огрлица вредна 125.000 долари, објави Еј-Би-Си њуз.
За време на грабежот, еден од напаѓачите им се заканувал на вработените со спреј против мечки и електрошокер, но никој не бил повреден.
„Длабоко сме потресени како вработени. Продавницата ќе биде затворена извесно време“, изјави потпретседателот на семејната златарница Џош Минаше.
Полицијата пристигнала веднаш по дојавата, но сторителите веќе избегале со возило и засега се недостапни за законот.
Свет
Макрон повика на зголемен притисок врз Москва за да се стави крај на војната во Украина

Францускиот претседател Емануел Макрон денеска повика на зголемен притисок врз Москва за да се стави крај на војната во Украина, по самитот меѓу американскиот претседател Доналд Трамп и рускиот лидер Владимир Путин во Анкориџ, Алјаска.
Во објава на социјалната мрежа Х, Макрон истакна дека заедно со европските колеги смета оти е неопходно да се одржи притисок врз Русија сè додека нејзината инвазија врз Украина не заврши и не се постигне траен мир што ги почитува правата на Украина.
Тој нагласи дека цврстиот мир мора да биде проследен со непоколебливи безбедносни гаранции.
„Ja поздравувам подготвеноста на СAD да придонесат во овој процес“, напиша Макрон, додавајќи дека за конкретен напредок е потребна нова средба на „Коалицијата на podgotvenite“, алијанса од околу 30 земји предводена од Велика Британија и Франција, која ја поддржува Украина.
Макрон, исто така, повика на извлекување поуки од последните 30 години, особено од „ добро познатата тенденција на Русија да не ги почитува своите обврски“.
Разговорите во Анкориџ меѓу Трамп и Путин беа опишани како продуктивни, но не беа објавени конкретни резултати.
Свет
Орбан вели дека светот е побезбедно место по средбата меѓу Трамп и Путин

Светот е побезбедно место по средбата меѓу американскиот претседател Доналд Трамп и неговиот руски колега Владимир Путин во Алјаска, изјави денеска унгарскиот премиер Виктор Орбан.
„Со години гледавме како двете најголеми нуклеарни сили ја елиминираат рамката на нивната соработка и си испраќаат пораки едни на други“, напиша Орбан на Фејсбук.
Тој додаде дека сега таа практика е завршена.
„Светот денеска е побезбедно место отколку што беше вчера“, рече Орбан.
Светските лидери денес реагираа на самитот меѓу американскиот и рускиот претседател Доналд Трамп и Владимир Путин, а како што објавија медиумите, реакциите беа поделени – некои го критикуваа недостатокот на конкретни резултати, додека други ја нагласија важноста на самиот дијалог.