Свет
(Видео) Поплави во Кина по силниот дожд, расте бројот на жртви
Поплавената метростаница и населби, но и ослабената брана по обилните дождови, невидени во 60 години, предизвикаа смрт кај најмалку 25 лица и штета од милиони евра во кинеската провинција Хенан.
Од саботата навечер до доцна во вторникот навечер во областа на градот Џенгџоу, со 10 милиони жители, измерени се 617,1 милиметри дожд, речиси еднаков на годишниот просек за областа.
„Ова се екстремно силни поплави“, рече претседателот Шји Џјинпинг.
Количината на дожд што падна во областа во последните три дена била забележана само еднаш во последните илјада години, соопштија метеоролозите.
Предупредувањето доцнеше, луѓето веќе беа на пат кон работа
First Europe, now China (Zhengzhou, to be specific).
The floods are horrifying. pic.twitter.com/d7Q1MgmpEe— ian bremmer (@ianbremmer) July 20, 2021
Водата брзо ги заглави канализациите и ги претвори патиштата во главниот град на провинцијата Хенан во порој од кал.
Државната телевизија CCTV покажа снимки од улиците потопени со каллива вода и жителите во вода до половината додека ги возат или туркаат своите возила по поплавените патишта.
1/3 Some really distressing videos coming out of Zhengzhou in central China – this driver looks rather calm under pressure. But other videos on WeChat show what appear to be people clearly struggling to keep their heads above the flood waters. Death toll so far is 1, 2 missing pic.twitter.com/P8dEk1B1iC
— Bill Birtles (@billbirtles) July 20, 2021
Другите снимки на социјалните мрежи покажуваат пешаци изненадени од хаосот, понесени од водата.
Метеоролошките служби на провинцијата Хенан и градот Џенгџоу ја подигнаа подготвеноста на службите за катастрофи на 1-ви ниво во вторникот, но поради доцното соопштение, голем број жители отидоа на работа.
Најдраматична е состојбата на метро-станицата во тој град, каде водата стигнала до рамениците на патниците, според видеата на социјалните мрежи.
„Браната може да попушти во секое време“
Breaking: Major flooding is occurring due to heavy rain in Zhengzhou, China. The city recorded the highest single-day rainfall on record. pic.twitter.com/hiEAWjYd78
— PM Breaking News (@PMBreakingNews) July 20, 2021
Синоќешните дождови предизвикаа 20-метарски пробој на браната Јихетан во градот Луојанг, западно од Џенгџоу, која може да попушти во секој момент, предупредуваат локалните власти.
Милиони луѓе во Џенгџоу се погодени од ефектите на невремето.
Бројни железнички линии низ провинцијата, која е главен центар на централна Кина, се сопрени. Голем број автопатишта се исто така затворени, а летовите или се откажани или одложени.
Дождот продолжува да паѓа
Патиштата се поплавени во десетина густо населени градови. Снимките објавени на социјалните мрежи покажуваат дека жителите од областа се држат за раце, пробивајќи се низ поплавените улици.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп воведе санкции врз колумбискиот претседател и неговото семејство
Соединетите Американски Држави воведоа санкции врз колумбискиот претседател Густаво Петро, објави Канцеларијата за контрола на странски средства на Министерството за финансии на САД. Неговата сопруга Вероника Алкосер, синот Николас Петро и министерот за внатрешни работи Армандо Бенедети се исто така на списокот на санкционираните, што дополнително ги затегнува односите меѓу САД и Колумбија.
Санкциите се засноваат на претседателскиот декрет EO14059, кој е насочен кон меѓународната трговија со дрога и организираниот криминал. Ова значи дека сите средства на Петро и неговите најблиски роднини во САД ќе бидат замрзнати, а на граѓаните и компаниите на САД им е забрането да соработуваат со нив.
САД го обвинуваат Петро дека дозволил производството на кокаин во Колумбија да порасне на највисоко ниво за една деценија за време на неговиот мандат, преплавувајќи го американскиот пазар и штетејќи му на американското општество.
Министерот за финансии Скот Бесент изјави дека претседателот Петро им дозволил на нарко-картелите да цветаат и одбил да ја запре оваа активност, поради што администрацијата на претседателот Доналд Трамп презема строги мерки за заштита на земјата од трговија со дрога.
Свет
Франција осуди жена на доживотен затвор првпат во историјата
Француски суд ја осуди Алжирката Дабија Бенкиред на доживотен затвор без можност за условна слобода во петокот за силување, тортура и убиство на 12-годишната Лола Давиет. Со оваа пресуда, Бенкиред стана првата жена во Франција на која ѝ е изречена најстрогата можна казна.
Случајот што ја потресе земјата во 2022 година, предизвика и жестока дебата за имиграцијата, со оглед на тоа што осудената немала важечка дозвола за престој, пишува Le Monde. Бенкиред, која сега има 27 години, беше уапсена кратко откако девојчето исчезна во североисточен Париз. Телото на Лола Давиет беше пронајдено во ковчег во лобито на зградата каде што нејзините родители работеа како чистачи.
Претседавачкиот судија, во своето образложение за пресудата, ја истакна „исклучителната суровост на злосторствата“, опишувајќи ги како „вистинска тортура“.
„При одредувањето на соодветната казна, судот ја зеде предвид неописливата психолошка штета врз жртвата и нејзиното семејство во такви насилни и речиси неописливи околности“, рече тој.
На почетокот на судењето минатата недела, Бенкиред се извини за своите ужасни постапки. Сепак, тројца форензички психијатри сведочеа дека забележале психопатски тенденции кај обвинетата и дека не веруваат дека таа страда од ментално нарушување што може да се лекува.
Случајот го искористија конзервативните и крајно десничарските политичари за да побараат построго спроведување на законите за имиграција, откако беше откриено дека Бенкиред го пречекорила рокот на нејзината студентска виза и го игнорирала налогот да ја напушти Франција. Мајката на жртвата апелираше до политичарите да престанат да ја експлоатираат смртта на нејзината ќерка за политички цели.
Свет
Турција го обвинува Израел за кршење на примирјето, бара одговор од САД
Турција ги повика САД да дејствуваат, обвинувајќи го Израел за кршење на договорот за прекин на огнот во Газа. Турскиот претседател Реџеп Таип Ердоган изјави дека Вашингтон и сојузниците треба да размислат за санкции и запирање на продажбата на оружје за да го принудат Израел да го почитува договорот.
Турција, членка на НАТО, беше вклучена во разговорите за прекин на огнот како посредник, а нејзината улога беше зајакната по средбата минатиот месец меѓу Ердоган и Доналд Трамп во Белата куќа.
„Страната на Хамас се придржува до прекинот на огнот. Всушност, отворено ја изразува својата посветеност кон него. Израел, во меѓувреме, продолжува да го крши прекинот на огнот“, изјави Ердоган пред новинарите.
„Меѓународната заедница, т.е. САД, мора да направи повеќе за да обезбеди целосно почитување на прекинот на огнот и договорот од страна на Израел“, додаде тој.
Од друга страна, Израел го обвини Хамас за кршење на примирјето, велејќи дека неодамнешните воени акции во Газа биле дизајнирани токму за одржување на договорот.
Кога беше прашан за коментарите на израелскиот премиер Бенјамин Нетанјаху, кој се спротивставува на каква било мировна улога на турските сили во Појасот Газа, Ердоган одговори дека разговорите сè уште се во тек.
„Бидејќи ова е повеќеслојно прашање, во тек се сеопфатни преговори. Ние сме подготвени да ѝ пружиме на Газа каква било форма на поддршка по ова прашање“, рече тој.
Односите меѓу поранешните сојузници Израел и Турција го достигнаа дното за време на војната во Газа, при што Анкара ја обвини владата на Нетанјаху за геноцид, што Израел постојано го негира.

