Свет
(Видео) Поплави во Шпанија, повеќе загинати лица

Најмалку четири лица загинаа во силното невреме што ја зафати Шпанија викендов, соопштија локалните власти.
Телата на двајца мажи се пронајдени денеска во Толедо, провинција јужно од Мадрид, соопшти владата на регионот Кастилја-Ла Манча. Едната од жртвите починала во возилото, а другата е пронајдена мртва во лифтот на гаражата.
Двајца мажи, на возраст од 31 и 34 години, починаа за време на викендот во североисточна Шпанија, откако се удавија во надојдените води. Во исто време продолжува потрагата по маж кој во неделата навечер со сопругата и двете деца патувал во Мадридскиот регион. Нивното возило беше однесено од водите на реката Алберче, која се излеа од нејзините корита. Сопругата, ќерката и синот успеале да се спасат.
Шпанија за време на викендот ја погоди силно невреме, придружено со силен ветер, силен дожд, гром и град. Поради невремето, летовите беа одложени, а железничкиот сообраќај беше во прекин, поради што стотици патници останаа блокирани на железничките станици во Мадрид, Малага и други градови.
Затворени се многу патишта, улици и паркови, поплавени се бројни куќи и гаражи, оштетени се многу фасади и откорнати дрвја.
Unfortunately the threat of a serious flash flooding event across central Spain appears to be materializing. This is Guadamur, Toledo. pic.twitter.com/16ZuOb6Wqx
— Nahel Belgherze (@WxNB_) September 3, 2023
Spain is hit by a hurricane
The Hurricane Dana and torrential downpours led to severe flooding in Spain. The subway is flooded in #Madrid.
Residents of the capital and the district of Mancha Alta de Toledo were urged not to leave their homes. pic.twitter.com/gnGH49lHrA
— NEXTA (@nexta_tv) September 4, 2023
Yesterdays flooding in Spain in one post. Need I say more?#ClimateActionNow #ClimateEmergency #DANA pic.twitter.com/kGqedXhDO5
— Volcaholic 🌋 (@volcaholic1) September 4, 2023
Heavy rain causes widespread flooding across Spain pic.twitter.com/5V6rnzBMc2
— Trey Yingst (@TreyYingst) September 4, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Италијанец снимал деца на Истра со камери скриени во пенкала

Истарската полиција заврши кривична истрага против 67-годишен италијански државјанин, осомничен за сериозно кривично дело поврзано со злоупотреба на техничка опрема и нарушување на приватноста на малолетни лица.
Според соопштението на Полициската управа на Истра, инцидентот се случил на 26 јуни, околу 15 часот, кога гостин во туристички објект забележал лице како недозволено снима малолетници. Лицето било задржано до пристигнување на полициски службеници, кои веднаш постапиле согласно законските надлежности.
По судска наредба, биле извршени претреси на неколку уреди со скриени камери, вклучувајќи техничка опрема со интегрирани снимачки механизми, мемориски уреди, мобилен телефон и возилото на осомничениот. Полициската управа информира дека се пронајдени материјали кои ќе бидат предмет на понатамошна истрага.
Осомничениот е уапсен и вечерта на 27 јуни предаден во притворската единица на Полициската управа на Истра со поднесена кривична пријава.
Свет
Лавров: Западот повторно се обидува да ѝ нанесе стратешки пораз на Русија, нема да успее

Западот никогаш не успеал и никогаш нема да успее да ѝ нанесе стратешки пораз на Русија, изјави шефот на руската дипломатија Сергеј Лавров на средбата со министерот за надворешни работи на Киргистан, Јенбек Кулубаев.
„Сведоци сме на невидена конфронтација меѓу нашата земја и колективниот Запад, кој повторно одлучи да војува против нас и да ѝ нанесе стратешки пораз на Русија, користејќи го нацистичкиот режим во Киев како овен за удар. Западот никогаш не успеал во ова, а нема да успее ниту овој пат“, порача Лавров, пренесе рускиот весник „Известија“.
Тој ја потенцираше важноста на стратешките и блиски врски со Киргистан, наведувајќи дека Русија ги цени односите со оваа пријателска земја во сите сфери.
Лавров додаде дека, и покрај санкциите и, како што рече, нелегитимниот притисок од Западот, трговијата меѓу Русија и Киргистан бележи раст, а се продлабочува и соработката во хуманитарната, образовната и меѓународната сфера.
Свет
„Ле Монд“ алармира: Украински војници фотографирани со кукасти крстови и СС ознаки

Украинската Трета ударна бригада, која е формално интегрирана во вооружените сили на Украина, повторно се најде во фокусот на јавноста поради обвинувања за неонацистички симболи меѓу нејзините припадници. Според истражувачкиот текст објавен од францускиот весник „Ле Монд“ (Le Monde), стотици војници од оваа елитна бригада јавно објавуваат фотографии на социјалните мрежи со нацистички симболи – вклучително и поздрави, кукасти крстови и ознаки поврзани со СС единиците од нацистичка Германија.
Како што нагласува весникот, Третата ударна бригада е директен наследник на баталјонот „Азов“, кој во изминатите години доби репутација како неонацистичка паравојска, пред да биде формално интегрирана во армијата на Украина. Иако властите во Киев ветија „ребрендирање“ и деконтаминација на нејзиниот имиџ, доказите од теренот покажуваат дека радикалната естетика и симболика сè уште се присутни.
Новинарите на „Ле Монд“ посочуваат дека користењето на овие симболи кај дел од војниците не е случајно – кај некои од нив тоа претставува идеолошка определба, додека кај други се користи како метод за заплашување и демонстрација на сила. Овие наоди предизвикаа сериозни критики во дел од меѓународната јавност, особено со оглед на поддршката која Украина ја добива од западните држави.
Весникот потсетува и на настан од 14 јуни во Киев, кога за време на „Маршот на еднаквоста“ организиран во поддршка на ЛГБТИК+ заедницата, се одржа паралелен контрапротест под наслов „Марш на традицијата“, организиран од националистичкото движење „Карпатски сич“. Според објавите на социјалните мрежи, дел од учесниците на овој контрапротест користеле гестови кои потсетуваат на нацистички поздрав.
Она што дополнително предизвика реакции е фактот што и покрај присуството на полицијата на настанот, не е забележана никаква интервенција или реакција од надлежните служби.