Свет
(Видео) Потресни снимки од Алјаска: свират сирени за тревога од цунами, луѓето панично бегаат

Силен земјотрес со јачина од 7,4 степени според Рихтеровата скала денеска го погоди регионот на полуостровот Алјаска, соопшти Геолошкиот институт на САД.
По земјотресот беше издадено предупредување за цунами во некои области на американската сојузна држава.
Земјотресот бил на длабочина од 9,3 километри.
Центарот за земјотреси во Алјаска соопшти дека потресите биле почувствувани низ полуостровот Алјаска, Алеутските острови и регионите на Кук.
Засега нема информации за жртви или повредени.
Алјаска е дел од сеизмички активниот огнен прстен на Пацификот. Беше погодена од земјотрес со јачина од 9,2 степени во март 1964 година, најсилниот досега регистриран во Северна Америка. Го опустоши Енкориџ и предизвика цунами што ги погоди Заливот на Алјаска, западниот брег на САД и Хаваите. Во земјотресот и цунамито загинаа повеќе од 250 луѓе.
Alaska Tsunami
#deprem #earthquake #alaska #tusunami #tsunami #sirens pic.twitter.com/qaHPIM8dtn— Ozan.21 (@Ozan_krc21) July 16, 2023
#Tsunami#earthquake #Alaska
May god protect all!
This is heart breaking 💔 pic.twitter.com/yVnYzxpr9j— Taqi Datari (@DatariTaqi) July 16, 2023
Magnitude 7.4 #earthquake strikes #Alaska Peninsula region, #Tsunami warning issued. pic.twitter.com/0FDBw1JHpY
— Smriti Sharma (@SmritiSharma_) July 16, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ оди во Русија на прославата на Денот на победата, ќе се сретне со Путин

Српскиот претседател Александар Вучиќ потврди дека на 9 мај ќе отпатува за Москва, каде ќе присуствува на парадата за Денот на победата и ќе се сретне со рускиот претседател Владимир Путин, јавува Анадолија.
При гостувањето на ТВ Пинк, Вучиќ изјави дека „со гордост ќе ја претставува Србија“ на обележувањето на 80-годишнината од крајот на Втората светска војна.
„Пред осум месеци реков дека ќе одам во Москва. Ќе одам во Москва“, рече Вучиќ.
Тој додаде дека најверојатно сам ќе отпатува во руската престолнина и дека поради тоа „ќе ги прими сите удари на светот, и однадвор и од внатре“.
„Не сакам владата на Ѓуро Мацут да ја плати цената. Сакам тој да има можност правилно да соработува со Европската унија и никој да не го обвинува за ништо. Тешко дека армијата ќе оди, бидејќи би била изложена на притисоци и санкции“, рече Вучиќ.
Тој најави дека со рускиот претседател ќе разговара за новиот гасен аранжман, како и за иднината на Нафтената индустрија на Србија (НИС), која е загрозена од американските санкции поради рускиот сопственички удел.
„Мораме да го потпишеме договорот за гас до 30 мај. Мора да го решиме прашањето за нафтената компанија. Мора да разговараме и за сите други теми“, рече Вучиќ.
Тој ја најави и посетата на еврокомесарката за проширување Марта Кос на Белград на крајот на април и изрази надеж дека ќе има можност да разговара со претставници на Републиканската партија и американското раководство пред да замине за Москва.
Европа
(Видео) Експлозии во Киев и Харков, дел од населението заробено под урнатините

Украинската воздушна одбрана дејствуваше рано утринава во украинскиот главен град Киев против комбиниран руски напад со беспилотни летала и ракети. Ројтерс јавува дека очевидци пријавиле серија силни експлозии.
‼️росія завдала масованого комбінованого удару по Києву
За попередніми даними, загинули 9 людей, 63 постраждалих, 42 госпіталізували до лікарні, серед них 6 дітей.
Сталися руйнування в житлових будинках: тривають пошуки людей під завалами. Працюють психологи та кінологи ДСНС. pic.twitter.com/CIA11Ycm7D
— DSNS.GOV.UA (@SESU_UA) April 24, 2025
Според првичните информации, загинале 9 лица, а 63 се повредени, од кои 42 се хоспитализирани, меѓу кои и шест деца.
Станбени згради се урнаа, а во тек е потрага по луѓе под урнатините. Психолозите и екипи со кучиња трагачи од Државната служба за итна помош се на терен.
“Peace-loving” Russians just attacked the capital of Ukraine with Shahed drones.
A fire broke out in a residential building in the Svyatoshynskyi district. People are trapped under the rubble. Rescuers and medics are working at the scene.
There are also fires in… pic.twitter.com/voAxj1EhSe
— Natalka (@NatalkaKyiv) April 23, 2025
„Во тек е комбиниран напад. Опасноста останува висока“, напиша на Телеграм Тимур Ткаченко, шеф на градската воена управа на Киев.
Тој, исто така, истакна дека пожари и урнати летала и делови од проектили се регистрирани во два квартови на западниот брег на реката Днепар, која го минува низ градот.
Кличко: Тимови лекари испратени во различни делови на градот
Градоначалникот на Киев, Виталиј Кличко, рече дека дронови летаат над централните области, наредувајќи им на тимови од лекари итно да се упатат во различни делови на градот. Ткаченко нагласи и дека пет лица се повредени во градската област Свјатошински, додека Кличко истакна дека жителите на една зграда останале под урнатините. Пожари и паѓање на метални остатоци од проектили се забележани и во други делови на Киев.
russia launched a massive attack on Ukraine using cruise missiles, Caliber missiles, ballistic missiles, Kh-59/69 missiles, and drones.
According to preliminary reports, ten people were killed in the russian attack.
Kyiv, Kharkiv, Pavlohrad, Zhytomyr, and other cities and… pic.twitter.com/afufgX5WwY
— Jürgen Nauditt 🇩🇪🇺🇦 (@jurgen_nauditt) April 24, 2025
Нападнат е и Харков
Харков, вториот по големина град во Украина, исто така беше подложен на силен ракетен напад рано утринава, напиша на Телеграм градоначалникот на градот Игор Терехов. Тој рече дека се слушнале неколку експлозии во градот, кој е честа цел на руски напади.
Свет
Зошто ниеден папа никогаш повеќе нема да се вика Петар?

Папата Франциско почина во понеделникот на 88-годишна возраст, потврди Ватикан. Почина еден месец откако беше отпуштен од болницата, каде што пет недели се лекуваше од инфекција која прерасна во билатерална пневмонија. По смртта на папата Франциско, Католичката црква влегува во нова фаза, избор на наследник.
Откако ќе биде избран новиот папа, ќе му биде понудено да избере име што ќе го носи остатокот од неговиот понтификат.
Зошто не може да се вика Петар?
Името Петар го носел првиот папа – Свети Петар, кого католичката традиција го смета за апостол на Исус и прв поглавар на Црквата. Токму поради оваа исклучителна симболика и важност, името Петар носи посебно значење во историјата на папството.
Еве неколку главни причини зошто новиот папа веројатно никогаш нема да се вика Петар Втори.
Почит кон Свети Петар
Свети Петар се смета за „карпа“ на која Христос ја изгради Црквата. Преземањето на неговото име може да се толкува како обид да се изедначи со него или како присвојување на неговата посебна улога во историјата на Црквата.
Историска и симболична уникатност
Сите претходни папи, повеќе од 260 од нив, го избегнаа името Петар токму поради тоа што има статус на единствено име. Се верува дека Свети Петар е над сите други папи – сите се негови наследници.
Пророштва и легенди
Има и некои црковни пророштва и легенди, како што се таканаречените пророштва за свети Малахија, кои велат дека папата по име Петар ќе биде последниот папа пред „крајот на светот“ или големи превирања. Иако Црквата не ги признава овие пророштва како официјални, тие дополнително придонесоа за „табуизирање“ на тоа име.