Свет
(Видео) Почна конклавата

Сто триесет и три кардинални електори влегоа во Систинската капела и зад заклучени врати, целосно изолирани од надворешниот свет, ќе го почнат тајниот избор на новиот поглавар на Римокатоличката црква.
Од овој момент кардиналите повеќе не смеат да имаат никаква комуникација со надворешниот свет додека не изберат нов папа.
Попладнево ќе има само еден круг гласање, но доколку не се донесе одлука, кардиналите ќе гласаат до четири пати на ден во наредните денови.
Потребно е двотретинско мнозинство за да се избере нов папа, што значи дека процесот може да потрае, иако последните две конклави завршија до крајот на вториот ден.
Секој кардинал го дава својот глас со пополнување ливче на кое е напишано на латински Eligo in Summum Pontificem (избирам за врховен поглавар), веднаш до името на избраниот кандидат.
На неколку километри од Ватикан, голем број луѓе сè уште доаѓаат да му оддадат почит на папата Франциско на неговиот гроб во базиликата Санта Марија Маџоре во Рим. Според информациите од локалните власти, редот за посета на гробот денеска е исклучително долг, чекањето трае повеќе од еден час. Тоа е остар потсетник за тежината на одговорноста што ја имаат кардиналите додека го избираат неговиот наследник на конклавата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Претседателот на Азербејџан, сепак, не доаѓа во Москва на Денот на победата

Претседателот на Азербејџан Илхам Алиев нема да присуствува на свеченостите во Москва по повод 80-годишнината од победата над нацистичка Германија, потврди помошникот на рускиот претседател Јуриј Ушаков.
„За жал, не информираа дека Алиев нема да дојде. Тие објаснија дека ќе учествува на домашни настани поврзани со неговиот татко, поранешниот претседател Хејдар Алиев“, најави Ушаков.
На утрешната воена парада во Москва ќе присуствуваат 27 странски лидери. Во Москва вчера пристигнаа кинескиот претседател Кси Џјинпинг, бразилскиот претседател Луис Инасио Лула да Силва, српскиот претседател Александар Вучиќ… На парадата треба да учествува и лидерот на босанските Срби Милорад Додик. И покрај предупредувањата од Брисел, во Москва треба да пристигне и словачкиот премиер Роберт Фицо.
Индискиот премиер Нарендра Моди првично требаше да дојде во Москва, но нема да присуствува поради последната ескалација на ситуацијата со Пакистан.
Бројот на странски лидери кои присуствуваат на прославите на Денот на победата значително се намали анексијата на украинскиот полуостров Крим во 2014 година. Во 2022 година, нешто повеќе од два месеци откако Русија ја почна својата инвазија на Украина, ниту еден странски лидер не дојде да прослави во Москва.
Свет
Пакистанскиот премиер му се заблагодари на Ердоган

Пакистанскиот премиер Шехбаз Шариф објави дека разговарал со турскиот претседател Реџеп Таип Ердоган, кого го нарекол драг брат. Шариф му се заблагодари на Ердоган за неговата солидарност и поддршка на Пакистан во овој, како што вели, критичен момент.
Шариф, исто така, го информирал Ердоган за храбрите напори на пакистанската војска.
„Ќе ги заштитиме нашиот суверенитет и територијален интегритет по секоја цена. Пакистан е благодарен за напорите на Турција во промовирањето на деескалација и одржувањето на мирот во Јужна Азија“, рече тој.
Пакистан и Турција се блиски партнери. Во средата, турското Министерство за надворешни работи предупреди дека индиските ракетни напади врз Пакистан и пакистански Кашмир го зголемуваат ризикот од сеопфатна војна.
Европа
(Видео) Полски европратеник ги избриша чевлите од знамето на ЕУ, а потоа го запали

Крајнодесничарскиот европратеник и кандидат на претстојните претседателски избори во Полска, Грзегорз Браун, го запали знамето на Европската Унија во зградата на Министерството за индустрија во Катовице. Пред да го запали знамето, ги избриша чевлите од него.
Precz z eurokomuną! Tu jest Polska 🇵🇱 pic.twitter.com/e0PLoXlZJA
— Grzegorz Braun (@GrzegorzBraun_) May 6, 2025
Имунитетот на Браун му беше укинат во вторникот.
Tu jest Polska 🇵🇱 nie Bruksela! pic.twitter.com/MxGOoaufUe
— Grzegorz Braun (@GrzegorzBraun_) May 6, 2025
Полските власти ќе го гонат во врска со инцидентот од декември 2023 година, кога како член на полскиот парламент, тој ги изгасна свеќите за Ханука со противпожарен апарат како знак на протест против прославата на еврејскиот празник во Полска.