Свет
(Видео) По гласините дека е во кома, се појави видео од Кадиров

Умар Даудов, помошник на чеченскиот лидер Рамзан Кадиров, објави видео на социјалните мрежи на кое се гледа Кадиров за време на вечерна прошетка со неговото семејство. Видеото е објавено поради гласините за неговата наводна тешка болест, пренесува руската државна новинска агенција РИА.
„Вечерната прошетка беше одличен крај на вечерата со семејството. Искористете ги овие среќни моменти, пријатели. Најдете време и посветете повеќе внимание на вашето семејство. Одморете се од метежот и гужвата и задоволете си себе си и нив“, пишува во опис на видеото на Инстаграм на помошникот на Кадиров.
Да потсетиме, вчера се појавија гласини дека Кадиров е тешко болен. Портпаролот на украинското разузнавање Андриј Јусов изјави дека Кадиров е во кома откако му се влошила здравствената состојба. „Можеме да потврдиме дека тој има уште едно сериозно влошување и е во критична состојба во последните неколку дена“, рече тој.
„Информацијата е потврдена од различни извори во медицинските и политичките кругови. Не станува збор за повреди. Другите детали треба дополнително да се разјаснат. Тој е болен подолго време, а се работи за системски здравствени проблеми“, додадена. Ова не е првпат да се појавуваат гласини за здравствената состојба на чеченскиот лидер. Во март годинава се споменуваше труење и бубрежна болест.
Umar Daudov, assistant to the head of Chechnya Ramzan Kadyrov, published a video of Kadyrov’s evening walk with his family on social networks against the background of rumors about his alleged serious illness, RIA Novosti reports. pic.twitter.com/s9a3tK6UhV
— RONCHECK1 🇺🇦 (@RONCHECK1) September 15, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Украинците прогласија победа во една од клучните битки

Обидот на Русија да го освои источноукраинскиот град Покровск е неуспешен, соопшти Украинскиот центар за безбедност и соработка, по месеци жестоки борби и бавно напредување на Русија околу градот.
Русија долго време се обидува да го освои Покровск, но наместо директно да го нападнат градот, руските сили маневрираат јужно од него и напредуваат кон границата со Дњепропетровската област.
Покровск е важен логистички центар и со месеци е едно од главните жаришта на борбите на фронтот. Киев го опишува како „тврдина“ во одбраната на истокот на земјата, со силни врски со други клучни градови под украинска контрола.
„Гледаме координирана руска информативна кампања која се обидува да го прикрие својот неуспех – фактот дека ја загубија битката за Покровск“, изјави Серхиј Кузан од Украинскиот центар за безбедност и соработка за Радио НВ.
Иако руските сили направија делумен напредок околу градот, Покровск сè уште останува под украинска контрола.
Според тврдењата на Киев, руските загуби во битките за Покровск се многу пати поголеми од украинските. Овие податоци не се независно потврдени, но руската армија е позната по таканаречената тактика на „мелница за месо“ – испраќање голем број војници во фронтални напади, без оглед на загубите.
Кузан вели дека Украина правилно ја спроведе својата одбранбена стратегија, прекинувајќи ги руските рокови и оневозможувајќи ги нивните пошироки планови за летна офанзива. „Нивните планови пропаднаа, сега заостануваат зад сопствениот распоред, а тој е клучен за нивниот летен напад“, рече Кузан.
„Тие не можат да нè избркаат од Донецката област затоа што ги запревме во близина на Покровск“, додаде тој.
Свет
Келог: Русија нема да ја добие војната

Украинската и американската страна составија список на услови за прекин на војната, кој вклучува 22 многу специфични дејства, изјави специјалниот претставник на американскиот претседател Доналд Трамп за Украина, Кит Келог.
„На Украинците не им се допаднаа сите услови, но никому нема да му се допадне конечниот став што ќе го заземете. Тоа е во ред кога имате преговори. Но, ние сме во прилично добра позиција со нив“, изјави Келог за „Фокс њуз“.
Одговарајќи на изјавата на рускиот министер за надворешни работи Сергеј Лавров дека Русија ќе ја добие војната против Украина, Келог рече дека тоа не одговара на реалноста.
„Руската Федерација нема да ја добие оваа војна. Русија не постигна никаков напредок во последната една и пол година. Тие изгубија стотици илјади војници, напредуваат во метри, а не во километри. А Украинците се борат жестоко на своја почва. Значи, кога Руската Федерација вели дека победува, тоа не е така“, рече Келог.
Тој оцени дека Русија треба да ја признае промената на околностите, односно дека Украина, според него, добро се држи, дека европските партнери зајакнуваат и формираат нови сили без помош на САД.
„Тие сега се подготвени да ја засилат поддршката за Украина доколку е потребно“, верува Келог.
Како што изјави тој, војната нема да заврши воено, туку само по дипломатски пат.
„Украинците сега добро го разбираат ова, а и Русите треба да го разберат“, рече тој.
Свет
Американскиот сенатор Греам: Го молам Ватикан да размисли Трамп да биде папа

Американскиот сенатор Линдзи Греам, републиканец од Јужна Каролина, во објава на „Икс“ напиша дека Трамп треба да биде новиот папа.
„Бев возбуден кога слушнав дека претседателот Трамп е отворен за идејата да стане следниот папа. Навистина би бил кандидат во сенка, но би ги замолил конклавата и католичките верници да бидат со отворен ум за оваа можност! Првата комбинација папа – претседател на САД има многу предности. Ние го следиме белиот чад… Трамп MMXXVIII!“, напиша тој на „Икс“.
Доналд Трамп вчера изјави дека би сакал да биде папа. „Би сакал да бидам папа. Тоа би бил мојот прв избор“, му рече американскиот претседател на новинар, кој го праша за конклавата.
Тој продолжи нагласувајќи дека нема фаворит, но посочи дека Тимоти Долан, надбискупот на Њујорк, би можел да биде добар избор. „Не знам. Немам фаворит. Но, морам да кажам дека имаме кардинал од место наречено Њујорк, кој е многу добар, па ќе видиме што ќе се случи“, рече Трамп.
Греам е познат по значајните промени во политичките ставови, особено во врска со Доналд Трамп и надворешната политика.